Dagblaðið Vísir - DV - 04.11.2011, Qupperneq 22

22 | Erlent 4.–6. nóvember 2011 Helgarblað
D
önsk stjórnvöld hafa orðið við
beiðni Grænlendinga um að
taka til rannsóknar fangaflug
bandarísku leyniþjónustunn­
ar, CIA, yfir grænlenska landhelgi.
Það var Sara Olsvig, annar af þing­
mönnum Grænlendinga á danska
þinginu, sem krafðist rannsóknar­
innar um miðjan október síðastlið­
inn. Danska alþjóðamálastofnunin,
DIIS, mun rannsaka málið og hefur
fengið frest til 1. maí næstkomandi til
að skila skýrslu.
„Við munum komast að því hve­
nær og hvar þessir flutningar fóru
fram og hvert hlutverk danskra yfir­
valda var í málinu,“ sagði Kuupik
Kleist, formaður grænlensku land­
stjórnarinnar, á blaðamannafundi
sem haldinn var vegna málsins á
dögunum.
Upplýsingarnar um fangaflug­
ið komu fram í heimildarmynd
sem sýnd var árið 2008 en í henni
kom fram að CIA hefði meðal ann­
ars notað flugvöllinn í Narsarsuaq
undir slíka flutninga. Ásakanirnar
sem komu fram í umræddri heim­
ildarmynd voru staðfestar fyrr á
árinu þegar uppljóstrunarvefur­
inn Wikileaks birti bréf frá James
Cain, sendiherra Bandaríkjanna
í Danmörku, til utanríkisráðu­
neytis Bandaríkjanna. í bréfinu,
sem dagsett er 31. janúar 2008 eða
skömmu eftir sýningu myndarinn­
ar, segir Cain að heimildarmynd­
in hafi valdið fjaðrafoki meðal
danskra yfirvalda. Þau séu þó til­
búin að leggja sitt á vogarskálarnar
til að þagga niður í umfjöllun um
málið.
Líklegust til
að bjóða mútur
Rússnesk og kínversk fyrirtæki eru
líklegust til að bjóða mútur þegar
þau stunda viðskipti á erlendri
grundu. Þetta er niðurstaða könn­
unar Transparency International,
stofnunar sem berst gegn spill­
ingu. Tuttugu og átta lönd tóku þátt
í könnuninni og svöruðu þrjú þús­
und forstjórar stórra og meðalstórra
fyrirtækja spurningum stofnunar­
innar. Holland og Sviss komu best
út með meðaleinkunn upp á 8,8. Í
næstu sætum þar á eftir komu í réttri
röð: Belgía, Þýskaland, Japan, Ástr­
alía, Kanada, Singapúr, Bretland og
Bandaríkin.
„Það er sérstakt áhyggjuefni að
Kína og Rússland séu neðst á list­
anum,“ segir í skýrslunni, en bæði
lönd hafa á undanförnum árum
aukið mjög viðskipti sín erlendis. Í
skýrslunni er kallað eftir samstilltu
átaki yfirvalda um heim allan til að
minnka þá spillingu sem virðist við­
gangast í fyrirtækjum. Ísland var
ekki með í könnuninni.
Verkjalyf bana
þúsundum
Ofneysla á sterkum verkjalyfjum í
Bandaríkjunum er orðin svo mikil
að bandarísk yfirvöld tala um far­
aldur. Ofnotkun á þessum lyfjum
dregur fleiri til dauða en ofnotkun
heróíns og kókaíns til samans, að því
er fram kemur í skýrslu sem CDC,
bandarísk stofnun sem sér um varn­
ir gegn sjúkdómum og um forvarnir,
gaf út nýlega.
Í skýrslunni kemur fram að
dauðsföll af völdum verkjalyfja hafi
meira en þrefaldast á undanförnum
tíu árum og eru þau nú um 40 á dag
að meðaltali.
É
g þakka Guði fyrir allt saman.
Það geta engin orð lýst ánægju
okkar,“ segir Ginady Sabuco, 33
ára. Ginady er móðir tveggja
ára tvíburasystra, Angelinu og
Angelicu Sabuco, sem voru fastar
saman á bringu og maga þegar þær
komu í heiminn. Þær gengust undir
aðgerð á Lucile Packard­barnaspítal­
anum í Palo Alto í Kaliforníu í vikunni
þar sem þær voru aðskildar. Aðgerð­
in var flókin eins og við var að búast
og tók aðeins lengri tíma en búist var
við, eða tíu klukkustundir. Allt fór þó
vel og eru systurnar ungu á góðum
batavegi.
Góðar batahorfur
„Batahorfurnar til lengri tíma eru
mjög góðar og við munum væntan­
lega koma til með að sjá tvær ham­
ingjusamar og heilbrigðar ungar
stúlkur. Það eru engar hindranir í veg­
inum lengur,“ segir Gary Hartman,
skurðlæknirinn sem framkvæmdi að­
gerðina. Hartman var þó ekki einn að
verki því um 40 læknar, hjúkrunar­
fræðingar og annað heilbrigðisstarfs­
fólk aðstoðaði við aðgerðina.
Systurnar, sem fæddust á Filipps­
eyjum en fluttu á síðasta ári til San
Jose í Bandaríkjunum, voru sem fyrr
segir fastar saman á bringu og kvið.
Þær höfðu sameiginlega lifur, þind,
bringubein og kviðvöðva en hvor sitt
hjartað, nýru, maga og þarma. Hart­
man segir að erfiðasti hluti aðgerð­
arinnar hafi verið að skera lifrina því
mikil hætta hafi verið á blóðmissi. Sá
hluti aðgerðarinnar gekk þó vel fyrir
sig.
Með tárin í augunum
„Draumurinn er orðinn að veru­
leika,“ sagði móðir systranna með
tárin í augunum og grátstafinn í
kverkunum eftir að aðgerðinni var
lokið. Hún komst ekki að því að tví­
burarnir sem hún gekk með væru
samvaxnir fyrr en hún var komin sjö
mánuði á leið.
Stúlkunum gekk vel að aðlagast
lífinu þrátt fyrir að vera fastar sam­
an. Þær höfðu lært að ganga, tala og
þekktu til dæmis nöfnin á öllum lit­
um. Hartman sagði eftir aðgerðina
að nauðsynlegt hefði verið að fram­
kvæma aðgerðina áður en stúlkurn­
ar stækkuðu meira. Hefði hún ekki
verið framkvæmd nú hefði heilbrigði
þeirra í framtíðinni verið stefnt í
mikla hættu. Eitt helsta vandamálið
sem læknar stóðu frammi fyrir var að
loka gatinu sem myndaðist á bringu
og kviði stúlknanna eftir aðgerðina.
Það kom í hlut lýtalæknisins Peter
Lorenz að leysa það vandamál. Í
sumar var byrjað að sprauta salt­
lausn inn í blöðrur sem komið var
fyrir undir húðinni. Þannig teygðist á
húðinni sem gerði læknum auðveld­
ara að loka gatinu þegar aðgerðin var
loks framkvæmd.
Einu sinni áður hefur sambæri­
leg aðgerð verið framkvæmd á Lucile
Packard­sjúkrahúsinu. Það var árið
2007 þegar síamstvíburar frá Kosta­
ríka voru aðskildir. Líkt og aðgerðin á
systrunum gekk sú aðgerð vel.
n Tveggja ára síamstvíburar aðskildir í tíu klukkutíma aðgerð n Höfðu
sameiginlega lifur og þind en sitt hjartað hvor n Móðirin þakkar Guði
Grét þegar stúlkurnar
hennar voru aðskildar
Einar Þór Sigurðsson
blaðamaður skrifar einar@dv.is
„Bata-
horfurnar
til lengri tíma
eru mjög góðar
Allt gekk vel Angelina
og Angelica eru ekki lengur
fastar saman eftir að hafa
gengist undir aðgerð þar sem
þær voru aðskildar.
Flókin aðgerð Aðgerðin tók tíu
klukkustundir og þurftu læknar að leysa hin
ýmsu vandamál.
Fangaflug Bandaríska leyniþjónustan
notaði meðal annars flugvöllinn í
Narsarsuaq til að flytja fanga á milli staða.
Meðfylgjandi mynd er frá bænum Sisimiut á
vesturhluta Grænlands. Mynd ReuTeRs
Fangaflug yfir Grænland
n dönsk nefnd rannsakar málið og vinnur að gerð skýrslu