Dagblaðið Vísir - DV - 11.11.2011, Síða 4

4 | Fréttir 11.–13. nóvember Helgarblað
hefst 29. nóvember kl. 19.35–20.45
Félag Magnúsar gjaldþrota
n Þriggja milljarða gjaldþrot Sólmon
F
járfestingafélag fjárfestisins
Magnúsar Ármann hefur ver­
ið tekið til gjaldþrotaskipta.
Félagið, sem heitir Sólmon,
skuldaði rúma þrjá milljarða króna
samkvæmt ársreikningi félagsins fyrir
árið 2009. Sjálfur hafði Magnús búist
við þessu en í ársreikningi félagsins
sagði að stjórnin ætti í viðræðum við
lánardrottna en tækist ekki að semja
við þá um skuldirnar væri ekki annað
í stöðunni en að setja félagið í þrot.
Af ársreikningi Sólmon kemur
fram að félagið fjárfesti mikið í fram­
virkum samningum með hlutabréf en
tap félagsins á árunum 2007 til 2009
af slíkum samningum nam rúmum
tveimur milljörðum króna. Framvirk­
ir samningar ganga út á að menn veðji
um að gengi ákveðinna bréfa hækki á
ákveðnu tímabili. Magnús var einn af
útrásarvíkingunum en hann fjárfesti
meðal annars með Hannesi Smára­
syni í ýmsum félögum. Hann átti stór­
an hlut í FL Group í gegnum félög á
borð við Materia Invest og Sólmon
auk þess að vera einn stærsti hluthaf­
inn í sparisjóðnum Byr.
Sólmon er eignalaust félag og virð­
ist sem það hafi verið stofnað í þeim
tilgangi að eiga í viðskiptum með
hlutabréf í FL Group. Eigið fé félagsins
var neikvætt um 3,6 milljarða sam­
kvæmt síðasta ársreikningi þess auk
áðurnefndra þriggja milljarða skulda.
Líklegt verður að teljast að Magnús
hafi gert framvirka samninga með
hlutabréf í FL Group en hlutabréfa­
verðið í því félagi hrundi í árslok 2007
og markaði það upphafið að íslenska
efnahagshruninu.
adalsteinn@dv.is
Útrásarvíkingur Magnús Ármann var
stærsti eigandinn í sparisjóðnum Byr en
hann fjárfesti einnig í FL Group.
Göngin ekki talin
standa undir sér
Hagfræðingur sem starfar í stjórn­
sýslunni telur að rekstur Vaðlaheiðar­
ganga muni ekki standa undir af­
borgunum af lánum sem nota á til að
fjármagna göngin. Þetta kemur fram
í vinnuskjali frá hagfræðingnum sem
þingmenn hafa aðgang að varðandi
byggingu ganganna. Fyrirliggjandi
tilboð í byggingu ganganna nemur
9,3 milljörðum króna. Nafn hagfræð­
ingsins liggur ekki fyrir.
Orðrétt segir í niðurstöðu hag­
fræðingsins um málið, en stefnt er
að því að fjármagna bygginguna með
tvenns konar konar lántökum, jafn­
greiðsluláni og svokölluðu
„cash sweep láni“, sem er annað
orð yfir kúlulán: „Ekki er því hægt að
gera ráð fyrir því að reksturinn standi
undir afborgunum af afborgunum
jafngreiðslulánsins hvað þá að hann
skili afgangi til að greiða eingreiðslu
hlutann.“
Umhverfis­ og samgöngunefnd
Alþingis ákvað í vikunni að láta Ríkis­
endurskoðun endurmeta þær for­
sendur sem liggja til grundvallar
þeirri arðsemisgreiningu sem unnin
hefur verið um Vaðlaheiðargöng.
Gagnrýni hagfræðingsins sem um
ræðir hér snýr að þessum forsendum.
Til stendur að greiða niður kostnað­
inn við göngin með veggjöldum upp
á 1.000 krónur og að göngin muni
standa undir sér ef um 90 prósent af
þeirri umferð sem nú fer um Víkur­
skarð fari um þau. Hagfræðingur­
inn gagnrýnir meðal annars þessar
forsendur. „Áætluð meðalumferð
ofmetin. Áætluð umferð er 90% af
meðal umferð á dag allt árið en eðli­
legra er að reikna með meðalumferð
yfir vetrartímann þar sem tímasparn­
aður er eingöngu 10 mínútur við að
fara um göngin og sumarumferð
mun væntanlega ekki sjá sér hag í
að fara um göngin. Reiknað er með
1.163 bílum í stað u.þ.b. 700 bílum
sem er meðalumferðin yfir veturinn.“
Steingrímur J. Sigfússon fjármála­
ráðherra sagði á fundi um byggingu
ganganna í vikunni að hann teldi
óþarft að ráðast í frekari greiningar
á arðsemi ganganna. „Við teljum að
þessar forsendur séu eins traustar
og getur verið […] Af hálfu fjármála­
ráðuneytisins sjáum við ekkert því
til fyrirstöðu að ljúka fjármögnunar­
samningi þannig að hægt sé að ganga
til viðræðna við tilboðsgjafa.“ Ekki var
einhugur um þetta mat Steingríms
í umhverfis­ og samgöngunefnd og
þótti tilefni til að vísa málinu til Ríkis­
endurskoðunar. Niðurstaða hennar
mun líklega liggja fyrir eftir helgi.
ingi@dv.is
K
arl Wernersson, fjárfestir og
fyrrverandi aðaleigandi eign­
arhaldsfélagsins Milestone,
mun að öllum líkindum
halda lyfjaverslunum Lyfjum
og heilsu samkvæmt skuldauppgjöri
sem hann er að vinna að við Íslands­
banka. Skuldauppgjörið mun líklega
fela í sér skuldaafskriftir hjá Lyfjum
og heilsu og eða móðurfélagi þess,
Aurláka ehf. Þetta herma heimildir
DV. Lyf og heilsa er með á milli 30 og
35 prósenta markaðshlutdeild á lyfja­
markaðnum á Íslandi.
Heimildarmaður DV segir um
málið: „Ef það er ekki búið að ganga
frá uppgjörinu nú þegar þá er Íslands­
banki við það að ganga frá samningi
við Kalla Werners um skuldauppgjör
sem meðal annars felur í sér að hann
haldi Lyfjum og heilsu.“ Lyf og heilsa
skuldaði um 1.700 milljónir króna
í árslok 2009 og Aurláki ehf. skuldar
Íslandsbanka um 3 milljarða króna.
Heimildir DV herma að ekki sé búið
að ganga endanlega frá skuldaupp­
gjörinu en að það sé á lokametrum
og því verði lokið innan einhverra
vikna í síðasta lagi. Skuldauppgjör
Karls hefur verið lengi í vinnslu sam­
kvæmt heimildum blaðsins.
Til umræðu hefur komið innan Ís­
landsbanka að taka Lyf og heilsu af
Karli upp í þessar skuldir en nú virð­
ist sem hinn kosturinn verði ofan á:
Að Karl fái að halda lyfjaverslunum.
Eitt af því sem deilt hefur verið um
í viðræðunum er hvort Karl eigi að
koma með eiginfjárframlag inn í fyr­
irtækið í uppgjörinu eða ekki, sam­
kvæmt heimildum DV.
Samkomulag gert eftir hrun
Karl og bróðir hans, Steingrímur
Wernersson, komust að samkomu­
lagi við Íslandsbanka í mars 2009
um að bankinn tæki hlutabréf þeirra,
sem þeir eiga í gegnum Aurláka ehf.,
í lyfjaverslunum að veði vegna skuld­
ar þeirra við bankann. DV greindi frá
þessu samkomulagi í febrúar í fyrra.
Lánasamningur þeirra við Íslands­
banka, sem var frá árinu 2004, rann
þá út og þurfti að endurnýja lána­
samninginn við bankann. Þetta var
gert með því að veðsetja bréf Aurláka
í Lyfjum og heilsu fyrir skuldunum.
Reynt að rifta sölunni
Ári áður, í mars 2008, hafði Aur­
láki eignast Lyf og heilsu með 3,4
milljarða króna viðskiptum við eitt
af dótturfélögum Milestone, L&H
eignarhaldsfélag. Lyf og heilsa er
eina stóra eignin sem eftir er í við­
skiptaveldi þeirra Wernersbræðra en
meðal þess sem þeir hafa misst frá
bankahruninu 2008 er Sjóvá, Askar,
Avant og eignarhlutur í Glitni. Aurláki
greiddi ekkert fyrir Lyf og heilsu árið
2008 heldur tók félagið yfir 2,5 millj­
arða skuld L&H eignarhaldsfélags við
Glitni, sem í dag heitir Íslandsbanki.
Þar að auki voru 900 milljónir króna
greiddar með skuldajöfnun með við­
skiptakröfum sem keyptar voru í
skattaskjólinu Sey chelles­eyjum. Í
kaupsamningnum á milli L&H eign­
arhaldsfélags og Aurláka kom fram
að fyrrnefnda félagið veitti því síðar­
nefnda seljendalán sem greiðast
skyldi „við fyrsta hentugleika“. Þessi
upphæð var svo greidd með áður­
nefndri skuldajöfnun.
Skiptastjóri þrotabús Milestone,
Grímur Sigurðsson, hefur höfðað rift­
unarmál út af sölu Lyfja og heilsu til
Aurláka ehf. Riftunarmálið er höfðað
á þeim forsendum að Milestone hafi
ekki verið gjaldfært – tæknilega gjald­
þrota – á þeim tíma sem viðskiptin áttu
sér stað og að því hafi salan snúist um
að koma eignum undan búi Milestone.
900 milljóna hagnaður
Í nóvember í fyrra greindi DV frá því
að Karl Wernersson hefði greitt rúm­
lega 389 milljóna króna arð út úr Lyfj­
um og heilsu og til Aurláka á árunum
2008 og 2009. Þetta kom fram í óbirt­
um ársreikningum Lyfja og heilsu sem
DV hefur undir höndum. Samkvæmt
þessum ársreikningum var rekstr­
arhagnaður lyfjaverslananna mjög
góður bæði árin, 600 og 300 milljón­
ir króna. Rekstrartekjurnar árið 2009
námu 6,6 milljörðum króna og skuld­
irnar námu 1,7 milljörðum króna.
Skilyrði voru því fyrir hendi til að
greiða út arðinn. Karl sagði þá að­
spurður að arðurinn hefði runnið
upp í skuldir Aurláka við Íslands­
banka. „Eins og hjá öllum fyrirtækj­
um og heimilum í landinu fer hver
aukakróna sem til er til bankanna í
dag,“ sagði Karl.
Lyf og heilsa er því afar arðbært
fyrirtæki með sterka stöðu á lyfja­
markaðnum. Svo virðist sem Karl
muni halda fyrirtækinu eftir skulda­
uppgjörið við Íslandsbanka.
n Er við að ljúka skuldauppgjöri við Íslandsbanka n Lyf og heilsa er með 30 til 35 %
markaðshlutdeild á lyfjamarkaði n Skilaði 900 milljóna hagnaði árin 2008 og 2009
Karl heldur líklega
Lyfjum og heilsu
„Ef það er ekki búið
að ganga frá upp-
gjörinu nú þegar þá er Ís-
landsbanki við það að
ganga frá samningi við
Kalla Werners.
504 milljóna króna
greiðslum ekki rift
n Riftunarmáli þrotabús Milestone
á hendur Karli Wernerssyni var
vísað frá í Héraðsdómi Reykjavíkur
á þriðjudaginn. Þá
var Milestone ehf.
gert að greiða Karli
Wernerssyni 600
þúsund krónur í
málskostnað.
Þrotabúið
krafðist þess að fjórum greiðslum
á árunum 2007 til 2009, samtals
að fjárhæð rúmlega 504 milljóna
króna, yrði rift. Þá var Karl krafinn
um að greiða þrotabúinu rúmlega
418 milljónir króna. Héraðsdómur
taldi hins vegar að frestur til máls-
höfðunar hafi verið runninn út
þegar þrotabú Milestone höfðaði
málið 9. nóvember í fyrra. Málinu
var því vísað frá dómi. Samkvæmt
dómnum heldur Karl því þessum
rúmlega 500 milljóna króna
greiðslum sem hann var krafinn um.
Þrotabú Milestone ætlar að
áfrýja málinu til Hæstaréttar.
Ingi Freyr Vilhjálmsson
fréttastjóri skrifar ingi@dv.is
Heldur líklega
lyfjabúðunum
Karl Wernersson
mun að öllum
líkindum halda
lyfjabúðunum
Lyfjum og heilsu
eftir skuldauppgjör
við Íslandsbanka.