Dagblaðið Vísir - DV - 18.11.2011, Blaðsíða 21

Fréttir 21Helgarblað 18.–20. nóvember 2011
Eignamissir og gjaldþrot
Feðgarnir hafa misst allar helstu eignir sínar
Feðgarnir Jóhannes
Jónsson og Jón Ásgeir
Jóhannesson, sem kenndir
eru við Baug, voru stærstu
eigendur smásölurisans
Haga. Þeir hafa glatað
öllum helstu eignum sínum
eftir bankahrunið 2008.
Baugur er gjaldþrota og
skilur eftir sig skuldahala
upp á nærri 317 milljarða
króna – stærsta gjaldþrot
Íslandssögunnar. Skiptum
á búi Baugs er ekki lokið. Kröfuhafar Haga yfirtóku verslanafyrirtækið og hafa
selt hluta þess á markaði til nýrra fjárfesta. Hlutabréf í FL Group, stærsta eiganda
Glitnis, sem Baugur var stærsti hluthafinn í urðu verðlaus í bankahruninu 2008.
Heildarskuldbindingar Baugs og tengdra félaga námu 5,7 milljörðum evra í lok árs
2007, rúmlega 500 milljörðum króna miðað við gengi krónunnar þá.
Feðgarnir hafa ekki, svo vitað sé, tekið þátt í fjárfestingum eftir hrunið 2008. Afar
ólíklegt er að þeir verði aftur stórir þátttakendur í íslensku viðskiptalífi. Jón Ásgeir,
eða Ingibjörg Pálmadóttir, eiginkona hans, halda þó eftir fjölmiðlafyrirtækinu
365. Það er eina verulega fjárfestingareignin sem Jón Ásgeir tengist á Íslandi í dag.
Jón Ásgeir hefur sjálfur sagt að hann sé eignalítill eftir hrunið 2008. Erfitt er þó að
sannreyna þá staðhæfingu.
Stærsta gjaldþrot einstaklings
Björgólfur Guðmundsson, fyrrverandi aðaleig-
andi og stjórnarformaður Landsbankans, gaf bú
sitt upp til gjaldþrotaskipta sumarið 2009 tæpu
ári eftir fall Landsbankans. Persónulegar skuldir
Björgólfs námu þá 96 milljörðum króna. Þetta er
stærsta gjaldþrot einstaklings í Íslandssögunni.
Fyrir hrun átti Björgólfur meðal annars Eimskip,
fótboltaliðið West Ham og Morgunblaðið.
Björgólfur heldur ekki eftir neinum eignum
persónulega, svo vitað sé, en skiptastjóri
þrotabús hans vinnur nú að því að gera upp
bú hans. Björgólfur býr í Laugarneshverfinu í
Reykjavík, í húsi sem skráð er eiginkonu hans
en ekki hann persónulega, og hefur sést keyra
um götur bæjarins á Benz-jeppa sem einnig er í eigu konu hans. Björgólfur lætur
lítið fyrir sér fara, lifir hæglátu lífi og sést stundum ganga um hverfið með hund
þeirra hjóna í bandi. Björgólfur hefur ekki gerst líklegur til að stunda fjárfestingar
hér á landi eftir hrun og er afar ólíklegt að hann verði aftur þátttakandi í íslensku
viðskiptalífi.
Til Rússlands eftir gjaldþrot
Magnús Þorsteinsson varð þjóðkunnur þegar hann
keypti kjölfestuhlut í Landsbankanum ásamt
Björgólfi Guðmundssyni og syni hans, Björgólfi Thor
Björgólfssyni, árið 2002. Þremenningarnir mynduðu
Samson-hópinn svokallaða. Þeir ráku saman brugg-
verksmiðjuna Bravo í Rússlandi sem þeir seldu síðan
til Heineken fyrir um 400 milljónir dollara árið 2002.
Magnús var úrskurðaður gjaldþrota árið 2009 og
hefur skiptastjóri bús hans unnið að því gera bú hans
upp. Fjárfestirinn er búsettur í Rússlandi um þessar
mundir en bjó áður á Akureyri. Kröfur upp á ríflega 25
milljarða króna hafa borist í þrotabú hans. Reikna má
með að afskrifa þurfi stóran hluta af þessum eignum.
Karl Wernersson, fjárfestir og fyrrver­
andi aðaleigandi eignarhaldsfélags­
ins Milestone, mun að öllum líkind­
um halda lyfjaverslunum Lyfjum og
heilsu samkvæmt skuldauppgjöri sem
hann er að ljúka við Íslandsbanka.
Skuldauppgjörið mun líklega fela í sér
skuldaafskriftir hjá Lyfjum og heilsu
og eða móðurfélagi þess, Aurláka ehf.
Lyf og heilsa er með á milli 30 og 35
prósenta markaðshlutdeild á lyfja­
markaðnum á Íslandi. Lyf og heilsa
skuldaði um 1.700 milljónir króna í
árslok 2009 og Aurláki ehf. skuldar Ís­
landsbanka um 3 milljarða króna.
Í nóvember í fyrra greindi DV frá
því að Karl Wernersson hefði greitt
rúmlega 389 milljóna króna arð út úr
Lyfjum og heilsu og til Aurláka á árun­
um 2008 og 2009. Arðurinn rann upp
í skuldir Aurláka við Íslandsbanka.
Þetta kom fram í óbirtum ársreikn­
ingum Lyfja og heilsu sem DV hefur
undir höndum. Samkvæmt þessum
ársreikningum var rekstrarhagn­
aður lyfjaverslananna mjög góður
bæði árin, 600 og 300 milljónir króna.
Rekstrartekjurnar árið 2009 námu 6,6
milljörðum króna og skuldirnar námu
1,7 milljörðumkróna.
Karl var stærsti eigandi eignar­
haldsfélagsins Milestone sem úr­
skurðað var gjaldþrota eftir hrunið
árið 2009. Milestone var eitt stærsta
eignarhaldsfélag landsins á árun­
um fyrir hrunið og átti meðal annars
tryggingafélagið Sjóvá, fjárfestingar­
bankann Askar Capital, eignarhlut í
Glitni, fjármögnunarfyrirtækið Avant
sem og fjármálafyrirtæki og aðrar
eignir erlendis. Skiptum á þrotabúi
Milestone er ekki lokið en reiknað er
með að kröfuhafar fái einungis nokkur
prósent, í mesta lagi, upp í 90 millj­
arða króna kröfur á hendur félaginu.
Karl hefur því misst stóran hluta af
eignum en mun halda Lyfjum og
heilsu ef skuldauppgjörið við Íslands­
banka gengur eftir.
Karl býr í glæsilegu einbýlishúsi í
Engihlíð og heldur eftir hestabúgarð­
inum Feti í nágrenni við Hellu, svo
eitthvað sé nefnt af hans persónulegu
eign, auk nokkurra lúxusbifreiða.
Halda eignum eftir
milljarðaafskriftir
Gunnar og Gylfi í Bygg
Stóreignamenn eftir skuldauppgjör
Karl Wernersson
Lyf og heilsa er mjólkurkú Karls
90 milljarðar
Ágúst og Lýður Guðmundssynir
Erlendir kröfuhafar vildu bræðurna
Bræðurnir Ágúst og Lýður Guðmunds­
syni, sem kenndir eru við matvælafyr­
irtækið Bakkavör, skildu eignarhalds­
félagið Exista eftir með skuldahala
upp á 262 milljarða króna. Inni í Exista
voru helstu eignir þeirra eins og hlutur
í Kaupþingi, tryggingafélagið VÍS, fjár­
mögnunarfyrirtækið Lýsing, Síminn
og Bakkavör. Exista hefur verið yfir­
tekið af kröfuhöfum fyrirtækisins.
Bræðrunum tókst hins vegar
að halda yfirráðum yfir Bakka­
vör með því að gera nauða­
samninga við kröfuhafa sína í
fyrra. Erlendir kröfuhafar Bakka­
varar vildu að bræðurnir fengju
að stýra félaginu
áfram og fengu
þeir vilja sínum
framgengt þrátt
fyrir andstöðu
einhverra af ís­
lensku kröfu­
höfunum. Ágúst er því ennþá forstjóri
fyrirtækisins og Lýður stjórnarformað­
ur þess. Í nauðasamningunum fólst að
Bakkavör, undir stjórn bræðranna, ætti
að greiða kröfuhöfunum rúmlega 90
milljarða króna á næstu þremur árum.
Ef þetta gengi eftir ættu bræðurnir að
geta haldið eftir 25 pró­
senta hlut í fyrirtækinu. Ólíklegt er að
þetta gangi eftir þar sem Bakkavör tap­
aði 2,5 milljörðum króna í fyrra. Bræð­
urnir munu því að öllum líkindum
tapa eign sinni í Bakkavör endanlega
þegar fyrir liggur að markmið nauða­
samninganna eru óraunhæf. Tugmillj­
arða króna afskriftir af skuldum sem
félög bræðra stofnuðu til eru því óhjá­
kvæmilegar.
Þrátt fyrir þessa stöðu tók Ágúst
112 milljónir króna í laun út úr Bakka­
vör í fyrra, líkt og Fréttablaðið greindi
frá á dögunum. Bræðurnir hafa það
því fínt, þrátt fyrir skuldastöðuna og
erfiðleikana í rekstri Bakkavarar, og
eiga báðir verulegar eignir. Lýður á til
dæmis glæsilegt einbýlishús á Star­
haga og báðir hafa þeir reist
sér glæsileg sumarhús á
Suðurlandi, Ágúst við
Þingvallavatn og Lýður í
Fljótshlíðinni.
óráðið Framhald á næstu opnu
Heimilin skulda Aðeins hluti skulda heimilanna
hefur verið afskrifaður en fyrirtæki hafa fengið marg-
falt meira afskrifað. Myndin er frá mótmælum við
Alþingishúsið í janúar síðastliðnum. Mynd Sigtryggur Ari