Dagblaðið Vísir - DV - 18.11.2011, Blaðsíða 48

48 Lífsstíll 18.–20. nóvember 2011 Helgarblað
Feitasta 4 ára barn í heimi
K
ínverjar eru sífellt að þyngj-
ast og fjögurra ára snáði, Lu
Zhihao, er líklega stærsta og
þyngsta fjögurra ára barn í
heimi. Lu Zhihao býr hjá foreldrum
sínum í Foshan í Guangdong-héraði.
Hann er rúmur metri á hæð og yfir 62
kíló að þyngd. Að sögn foreldra hans
fór hann að þyngjast hratt aðeins
þriggja mánaða. Læknar vita ekki
hvað veldur en telja að ójafnvægi í
hormónastarfsemi eigi hlut að máli.
Matarlist Lu Zhihao er gríðarleg og
samkvæmt blaðamanni Reuters iðu-
lega mætt af foreldrum hans og öðr-
um ættingjum sem neita drengnum
aldrei um aukabita.
„Hann á í erfiðleikum með að
komast upp og niður stiga. Hann
þarf hjálp til að komast um borð í
skólabílinn sem ekur honum í leik-
skólann. Það er líka mjög erfitt að
baða hann,“ sagði móðir hans, Chen
Huan, í viðtali við Reuters-fréttastof-
una.
Samkvæmt kínverskum gögnum
er fimmta hvert barn undir fimm
ára aldri of þungt. Þessi gríðarlega
fjölgun offituvandamála í Kína er tal-
in tengjast bæði betri afkomu fjöl-
skyldna og reglum um að hjón megi
aðeins eignast eitt barn. Reglan er
talin valda því að öll athygli og pen-
ingar foreldranna, frænka, frænda
og annarra ættingja snúist um þetta
eina barn.
BBC sagði frá öðru svipuðu dæmi
í fyrra. Sú grein fjallaði um 12 ára
kínverskan dreng, Liu Tao, sem vó
114 kíló eða 40 kílóum
meira en meðalþungt
tólf ára barn.
n Kínverska þjóðin þyngist sífellt n Feitasti fjögurra ára drengur í heimi n Metri á hæð og 62 kíló
Atvinnuleysi Samkvæmt rannsókn í British Medical Journal eru tvisvar sinnum
meiri líkur á að atvinnulaus einstaklingur þyngist frekar en léttist. Í rannsókninni kom
í ljós að 3% manna sem misstu vinnuna léttust um 10%, en 8% þeirra þyngdust um
10%. „Að missa vinnuna þýðir að missa megintilganginn sem verður til þess að við
höfum nægan tíma til að borða,“ segir Zoë Harcombe, höfundur The Obesity Epidemic.
Reykleysi Um 8% karlmanna þyngjast um meira en tólf kíló
þegar þeir hætta að reykja. Hlutfallið er lægra á meðal kvenna
eða um 6%. Svartir og einstaklingar undir 55 ára aldri eru enn
líklegri til hlaða á sig aukakílóunum þegar þeir drepa í. Þetta
kemur fram í rannsókn sem birtist í tímaritinu New England
Journal of Medicine.
Háskólanám Konur á fyrsta ári í háskóla þyngjast 36 sinnum
hraðar en ómenntaðar konur á sama aldri. Þetta kemur fram í rann-
sókn sem birtist í tímaritinu Addictive Behaviors. „Það er fátt öflugra en félagslegur
þrýstingur og ekkert veitir meiri huggun en matur,“ segir fjölskylduráðgjafinn Jade Teda
sem skrifaði lífsstílsbókina The New ME Diet.
Hamingja Að líða vel í sambandinu eykur líkur á aukakílóum
samkvæmt grein sem birtist í Psychology, Health and Medicine.
Hamingjusöm pör fara oftar út að borða, borða meira af
súkkulaði og liggja lengur í rúminu og þyngjast því frekar en
þeir einhleypu og óhamingjusömu. Meðganga leiðir til mestu
þyngdaraukningar í sambandi á meðan vandamál í sambandi
verða frekar til þess að einstaklingar léttast.
Meðganga Yfir 40% karlmanna þyngjast þegar konur þeirra eru ófrískar. Margir
menn finna fyrir öðrum einkennum óléttunnar svo sem ógleði, bakveiki, aukinni
matarlist og löngunum í furðulegar matartegundir. Þetta kemur fram í bókinni Birthing
Fathers: The Transformation of Men in American Rites of Birth, sem kom út árið 2005.
Skilnaður Konur eru 22% líklegri til að þyngjast ef þær skilja
við menn sína. Þeir þyngjast líka en ekki jafn mikið. Þetta er
niðurstaða rannsóknar sem var kynnt á árlegum fundi American
Sociological Association í sumar.
Misnotkun í æsku Konur sem voru misnotaðar í æsku eru
þrisvar sinnum líklegri til að þjást af offitu þegar þær ná 27 ára aldri
en konur á sama aldri sem urðu ekki fyrir slíku ofbeldi. Þetta kemur
fram í rannsókn sem birtist í tímaritinu Pediatrics.
Hjónaband Það eru 48% líkur á kona sem gengur í það heilaga þyngist verulega,
sér í lagi ef hún er komin yfir þrítugt. Þetta kemur fram í rannsókn sem birt var í sumar.
Kona sem flytur aðeins inn með maka er mun ólíklegri til að þyngjast. „Sambýlingar
telja meiri líkur á að sambandið muni renna út í sandinn en giftir einstaklingar. Þess
vegna halda sambýlingarnir sér í formi, því líkurnar á að þeir lendi aftur á markaðnum
eru töluverðar,“ kemur fram í ritgerðinni Why Does Getting Married Make You Fat?
sem skrifuð var af prófessor við háskólann í Kaliforníu árið 2009.
Jólin Við borðum meira, drekkum meira og erum stressaðri í
kringum jólin en aðra tíma ársins samkvæmt grein í tímaritinu
Health Psychology. Þar kemur fram að bandarískir offitu-
sjúklingar þyngjast fimm sinnum meira á milli þakkargjörðarhá-
tíðarinnar og nýársdags en alla aðra daga ársins.
Framhaldsskólaganga Samkvæmt nýrri bandarískri
rannsókn þyngjast nemendur þegar þeir fara í framhaldsskóla. Þar
kemur fram að með auðveldara aðgengi að óhollari mat, minni hreyfingu og óreglu-
legum svefni aukist líkur á þyngdaraukningu. Vísindamenn rannsóknarinnar hafna hins
vegar fyrri kenningum um að byrjendur í framhaldsskólum þyngist um 7 kíló á fyrsta
árinu og segja þyngdaraukninguna nær 10%. Í rannsókninni, sem birtist í tímaritinu
Journal of American College Health, kemur fram að 70% byrjenda í framhaldsskóla
borða minna en fimm skammta af grænmeti og ávöxtum á dag og yfir 50% þeirra
borða djúpsteiktan og fituríkan mat alla vega þrisvar í viku. Það ásamt hreyfingarleysi
veldur því að kílóin hlaðast upp.
Af hverju fitnum við?
Með foreldrunum Lu
Zhihao, fjögurra ára, ásamt for-
eldrum sínum á gangi úti á götu.
Matargat Samkvæmt
Reuters er Lu Zhihao
mikið matargat.
Leikur Lu Zhihao er eins og önnur fjögurra ára börn og finnst gaman að
leika sér.