Dagblaðið Vísir - DV - 13.01.2012, Qupperneq 54

Brast í grát á sviðinu
n Gleðin bar Ísabellu, dóttur Bjarkar, ofurliði
B
orgarstjórinn Jón Gnarr hélt
upp á afmæli sitt í menningar­
húsinu Norðurpólnum á sjálf­
an gamlársdag. Sonur hans
Frosti hélt upp á 25 ára afmæli sitt
þennan sama dag og eiginkona Jóns
tók upp á því að halda upp á afmæli
sitt sem hún á reyndar í júlí.
Margt góðra gesta var í veislunni
og fleiri en hundrað manns mættu
á skemmtun Jóns Gnarrs. Hans
gamla gengi var þar mest áberandi
og skemmti gestum með söng og
skemmtiatriðum. Þar á meðal voru
Margrét Örnólfsdóttir, Magga Stína,
Sigurjón Kjartansson og meðlimir
Besta flokksins. Stórstjarnan Jónsi
úr Sigur Rós og kærasti hans, Alex
Somers, voru einnig mættir sem og
Gaukur Úlfarsson leikstjóri.
Skemmtilegast alls þótti keppni í
bakstri piparkökuhúsa. Piparköku­
hús þessarar keppni hafa verið um­
töluð en þau voru af allra frum­
legustu gerð. Ragnar Kjartansson
listamaður stillti til að mynda upp
útikamar úr piparkökum. En keppn­
ina unnu Björk Guðmundsdóttir og
maður hennar, Matthew Barney.
Piparkökuhús þeirra var líkan af
rústunum í New York eftir fall Tví­
buraturnanna 11. september. Björk
og Matthew fóru upp á svið og tóku á
móti verðlaununum og dóttir þeirra
Ísabella var með í för. Sú stutta vakti
athygli með svarta englavængi á bak­
inu og þegar á sviðið var komið báru
tilfinningarnar hana ofurliði og hún
brast í grát í gleðinni miðri.
Eftir keppnina var gestum boð­
ið að smakka á húsunum við mikla
lukku. kristjana@dv.is
54 Fólk 13.–15. janúar 2012 Helgarblað
Hollur
matur of dýr
Útvarpsmaðurinn og hreysti­
mennið Ívar Guðmundsson
segir það ekki skrýtið að íslenska
þjóðin sé að þyngjast svo mikið
því hollur matur sé einfaldlega of
dýr. „Af hverju er svona dýrt að
kaupa hollan mat? Lítil askja af
bláberjum kostar 589 krónur og
90 grömm af harðfiski kosta 1.198
krónur. Ekki skrýtið að þessi þjóð
sé að þyngjast með hverju árinu
þegar maður getur fengið súkku­
laði og gos fyrir lítið brot af þessu,“
skrifar Ívar reiður á Facebook­síðu
sína.
Fransína
endaði á bikiní
Grínistinn Anna Svava Knútsdótt­
ir, einn handritshöfunda áramó­
taskaupsins, er kannski hvað
þekktust fyrir að hafa leikið Frans­
ínu mús í Stundinni okkar. Í viðtali
við Monitor segir Anna Svava frá
hvernig hún nýti Fransínu til að
gera grín í dag. „Ég geri stundum
grín í uppistandinu mínu, að ég
leiki Fransínu og segi kannski frá
því að ég hafi komið heim, ekki
nennt úr gallanum og sofið hjá
kærastanum. Fólki finnst það svo­
lítið fyndið. Ég var líka kynnir um
daginn á Bakkus og í lokaatriðinu
kom ég í Fransínu­gallanum og
strippaði og hún endaði á bikiní.“
Björgvin
gefur treyjur
Landsliðsmarkvörðurinn í hand­
bolta, Björgvin Páll Gústavsson,
er gjafmildur þessa dagana. Hann
er byrjaður með leik á Facebook­
síðu sinni þar sem hann gefur
áritaðar treyjur af sér fyrir þá sem
geta giskað á rétt úrslit í leikjum
Íslands. „Þetta eru glænýjar stutt­
erma treyjur sem eru eins og þær
sem ég spila í á EM,“ segir Björg­
vin. Á fyrsta klukkutímanum eftir
að Björgvin setti inn færsluna voru
komin rétt tæplega 200 ágiskanir
enda Björgvin með ríflega 26 þús­
und manns á síðunni.
É
g er kannski ekki beint að­
dáandi en ég hef fylgst með í
gegnum árin og haft ánægju
af,“ segir Árni Hjartarson sem
tekur þátt í Söngvakeppni
Sjónvarpsins í fyrsta sinn. Lag Árna,
Við hjartarót mína, verður flutt laug­
ardagskvöldið 14. janúar en það er
söngkonan Heiða Ólafsdóttir sem
syngur. Árni er jarðfræðingur að
mennt og vinnur að rannsóknum á
jarðhita og grunnvatni hjá Íslenskum
orkurannsóknum. Hann hefur skrif­
að bækur og greinar um jarðfræði og
er formaður Hins íslenska náttúru­
fræðifélags.
Aðspurður segir hann vísindin
passa vel með listinni. „Ég held að
það sé ágætt að blanda þessu tvennu
saman þótt það séu ekki mikil líkindi
með þessu. Jarðfræðin er mitt starf
en tónlistin tómstundargaman. Ég
hef verið viðloðandi leiklist um ára­
raðir. Ég starfa með leikfélaginu Hug­
leik, aðallega sem texta­ og lagahöf­
undur, en ég hef líka skrifað leikrit í
seinni tíð. Í fyrra skrifaði ég söngleik
sem þótt of viðamikill fyrir leikfélagið
okkar svo nú þarf ég að koma honum
og mér á framfæri svo hann liggi ekki
óbættur hjá garði ofan í skúffu. Þess
vegna tek ég þátt í þessari keppni.
Lagið er úr þessum söngleik,“ segir
hann en söngleikurinn heitir Mitt er
hjarta sárum sært og fjallar um ævi
og ástir Vatnsenda­Rósu.
Árni segir Heiðu Ólafs hafa orðið
fyrir valinu þar sem hún hafi reynslu
í söngleikjum. „Heiða er mjög góð
söngkona og hefur allt með sér í
þetta. Í laginu túlkar hún Agnesi
Magnúsdóttur sem var tekin af lífi
fyrir morð árið 1830,“ útskýrir hann.
Sjálf segist Heiða strax hafa hrif­
ist af laginu. „Þar sem ég er leik­
kona varð ég strax hrifin af því að lag­
ið kemur úr söngleik. Það er stór og
skemmtileg áskorun að fá að túlka
Agnesi,“ segir hún og bætir við að
hún hafi lítillega kannast við sögu
Vatnsenda­Rósu.
Aðspurð segja þau að atriðið
muni bera keim af því tímabili sem
söngleikurinn segir frá. „Nútím­
inn mun hitta gamla tímann. Fyr­
ir Agnesi voru hlutirnir svartir eða
hvítir. Atriðið verður því blóðrautt
eins og lagið og tilfinningarnar sem
það túlkar,“ segir Heiða.
indiana@dv.is
Jarðfræðingur með
Eurovisiondrauma
n Sendir lag úr söngleik sem hann samdi n Segir vísindin passa vel með listinni
Viðloðandi leiklist Árni tekur þátt í
Söngvakeppni Sjónvarpsins til að koma
sér og söngleik sínum á framfæri.
mynd SiGtryGGur Ari
Heiða er Agnes Heiða segir
stóra og skemmtilega áskorun að
túlka Agnesi Magnúsdóttur sem var
dæmd til dauða fyrir morð árið 1830.
mynd SiGtryGGur Ari
Var með englavængi
Ísabella var afar ánægð
með að hljóta verðlaunin.