Dagblaðið Vísir - DV - 18.01.2013, Blaðsíða 44

44 Sport 18.–20. janúar 2013 Helgarblað
n Skotinn sterki gekkst undir aðgerð vegna sáraristilbólgu
Skilar verð-
launum
Alþjóða ólympíunefndin hefur
staðfest að hjólreiðakappan-
um Lance Armstrong verði gert
að skila bronsverðlaunum sem
hann vann á Ólympíuleikunum
í Sidney árið 2000. Armstrong
hefur að sögn viðurkennt, í
óbirtu viðtali við Opruh Winfrey,
að hafa notað ólögleg lyf til að ná
árangri í íþrótt sinni.
Armstrong vann hug og
hjörtu heimsbyggðarinnar þegar
hann sigraðist á krabbameini og
vann eftir það Tour de France,
eina erfiðustu hjólreiðakeppni
heims. Keppnina vann hann sjö
sinnum en hann hefur þegar
verið sviptur þeim titlum.
Bikurum hefur því fækkað í
fórum hjólreiðakappans, sem
má muna fífil sinn fegurri. Við-
talið við Opruh verður sýnt í dag,
föstudag, en þess hefur verið
beðið með mikilli eftirvæntingu.
Vissir þú
þetta?
n Aron Pálmars-
son, yngsti leik-
maður Íslands
á HM, er búinn
að skora 15 mörk
á mótinu. Hann
hefur hins vegar átt
24 stoðsendingar af 49 sem Ís-
lendingar hafa átt á mótinu.
Önnur hver stoðsending kemur
því frá skyttunni ungu.
n Íslensku leikmennirnir
hafa fengið skráðar flestar
stoðsendingar allra liða á mótinu,
eða 55. Það segir okkur að hin liðin
hafa ef til vill treyst frekar á einstak-
lingsframtakið.
n Guðjón Valur Sigurðsson
er langmarkahæsti leikmað-
ur liðsins. Hann hefur skorað 27
mörk í 46 skotum,
sem gerir 59%
skotnýtingu.
Næstur á eftir
honum kem-
ur Aron Pálm-
arsson með 15
mörk en aðeins 37%
skotnýtingu. Bestu nýtinguna í
hópnum hefur Fannar Þór Frið-
geirsson. Hann skoraði tvö mörk í
tveimur skotum á móti Chile.
n Íslendingar hafa skorað 27
mörk úr hröðum
upphlaupum á
mótinu og nýtt
rúmlega átta af
hverjum tíu sem
bjóðast. Aðeins
Danir (33) og
Króatar (31) hafa
skorað meira úr hröð-
um upphlaupum.
n Kiril Lazarov er markahæsti
maðurinn á HM. Hann hefur
skorað 31 mark.
n Suður-Kórea er það lið sem
hefur sjaldnast gert tæknileg mis-
tök í sóknum sínum. Þeir hafa 31
sinni misst boltann vegna slíks en
Íslendingar hafa 47 sinnum misst
boltann þess vegna. Mestu klauf-
arnir eru Ástralíumenn sem misst
hafa boltann 72 sinnum vegna
tæknimistaka.
n Ásgeir Örn Hallgrímsson er sá
leikmaður í íslenska liðinu sem
hefur stolið flestum boltum. Sex
sinnum hefur Ásgeir Örn læst
krumlunum í boltann þegar and-
stæðingar íslenska liðsins hafa
verið í sókn. Sverre Jakobsson og
Arnór Þór Gunnarsson hafa stolið
boltanum fimm sinnum hvor.
n Íslendingar eru í sjötta sæti yfir
þau lið sem flest mörk hafa skor-
að á mótinu, 114 mörk. Danir
hafa skorað langflest, eða 151. Ís-
lendingar eru hins vegar skotglað-
astir allra liða á HM og hafa skotið
boltanum 211 sinnum í átt að
marki. Nýtingin er 54%.
Íslendingar þurfa að
halda með Dönum
n Getum mætt Frökkum, Þjóðverjum, Túnisbúum eða Argentínumönnum
Þ
að er að mestu undir Dön-
um komið hvort Íslendingar
sleppa við að mæta
Frökkum í 16 liða úrslitum
Heimsmeistaramótsins í
handbolta sem fram fer á Spáni.
Eftir slæmt tap gegn sterku liði
Danmerkur á miðvikudag, og jafn-
tefli Makedóníumanna og Rússa,
er staðan þannig að líkur eru á því
að Ísland hafni í fjórða sæti B-riðils
mótsins.
Danir hafa þegar tryggt sér
fyrsta sætið í riðlinum en mæta
í dag, föstudag, baráttuglöðum
Makedóníumönnum. Makedóníu-
menn geta með sigri tryggt sér þriðja
sæti riðilsins. Tapi Makedóníumenn
leiknum gætu þeir átt á hættu að
lenda í fjórða sæti riðilsins (að því
gefnu að Ísland vinni Katar síðar um
kvöldið). Danir hafa engu að tapa
gegn Makedóníu og eru líklegir til að
hvíla sína bestu menn. Á hitt ber þó
að líta að danski hópurinn er feiki-
lega vel skipaður og þar er valinn
maður í hverju rúmi. Allir vilja þeir
líklega sanna sig og því er ómögu-
legt að spá fyrir um úrslit leiksins.
„Ég ræddi við Wilbek eftir leikinn
og hann sagði að sínir menn færu
í leikinn á móti Makedóníumönn-
um til að vinna hann og ég hef enga
trú á að Danirnir spari sig eitthvað í
þeim leik,“ hefur Morgunblaðið eftir
Aroni Kristjánssyni þjálfara.
Íslendingar eru því í þeirri stöðu
að hafa ríka ástæðu til að halda með
Dönum í kvöld.
Enginn vill mæta Frökkum
En hvers vegna er fjórða sæti riðils-
ins svona hættulegt? Ástæðan er sú
að fjögur efstu liðin úr B-riðli mæta
fjórum efstu liðunum í A-riðli. Þar er
eitt lið sem enginn vill mæta; marg-
faldir meistarar Frakka. Frakkar eru
með lið sem veðbankar segja að sé
næst líklegast til að vinna mótið.
Líklegast þykir að þeir vinni sinn
riðil og mæti því liðinu sem hafnar í
fjórða sæti riðilsins sem Ísland leik-
ur í. Í þeirri stöðu vill ekkert liðanna
í B-riðli vera. Þó ber að nefna að
Frakkar eiga eftir að spila við Þjóð-
verja – sem geta raunar stolið af
þeim efsta sætinu, en á því eiga fáir
von.
Íslendingar mæta eins og áður
segir liði Katar í síðustu umferð rið-
ilsins. Lið Katar hefur engu að tapa
en allt að vinna. Þeir geta með sigri
farið upp fyrir Íslendinga, sem yrði
frábær árangur fyrir þá. Það er því
ekkert víst að leikurinn við þá verði
formsatriði. Aron Kristjánsson þjálf-
ari hefur þó sagt að liðið geri þá
kröfu til sín að vinna Katar.
Allt opið ennþá
Ef svo fer að Íslendingar og Danir
vinni mótherja sína í síðustu um-
ferðinni, og Frakkar vinni Þjóð-
verja í hinum riðlinum, mæta Ís-
lendingar Þjóðverjum, Túnisbúum,
já eða Argentínumönnum í 16 liða
úrslitum. Það eru allt lið sem spáð
var verra gengi á HM en Íslending-
um. Með öðrum orðum eiga strák-
arnir okkar í það minnsta jafna
möguleika á sigri gegn þeim liðum.
Staðan fyrir síðustu umferðina
er því þannig að Íslendingar geta
hafnað í þriðja, fjórða eða fimmta
sæti riðilsins. Vinni liðið Katar, eða
geri jafntefli, geta þeir ýmist mætt
Frökkum, Þjóðverjum, Túnisbúum
eða Argentínumönnum í 16 liða úr-
slitum. n
Staðan í B-riðli*
Danmörk 8 (+45)
Rússland 5 (+8)
Makedónía 5 (+2)
Ísland 4 (+7)
Katar 2 (-17)
Chile 0 (-45)
*Séu lið jöfn að stigum ræður innbyrðis viður-
eign röðun liðanna. Þar á eftir kemur markatala.
Síðustu leikirnir
Rússland - Chile kl. 15.45
Ísland - Katar kl. 18.00
Danmörk - Makedónía kl. 20.15
Baldur Guðmundsson
blaðamaður skrifar baldur@dv.is
„Ég ræddi við Wil-
bek eftir leikinn og
hann sagði að sínir menn
færu í leikinn á móti
Makedóníumönnum til
að vinna hann.
Erfið staða Þórir Ólafsson er frábær hornamaður. Hann væri þó örugglega til í að sleppa við Frakka í 16 liða úrslitum, væri hann spurður.
M
Y
N
D
V
IL
H
EL
M
G
U
N
N
A
R
SS
O
N
M
anchester United hefur
staðfest að skoski miðju-
maðurinn Darren Fletcher
leiki ekki meira með liðinu
á tímabilinu eftir að hafa gengist
undir aðgerð vegna sáraristilbólgu.
Fletcher greindist með sjúkdóminn
í mars 2011 og í desember sama ár
var tilkynnt að hann þyrfti að taka sér
ótímabundið frí frá fótbolta. Fletcher
snéri hins vegar aftur í lið Manchest-
er United í haust og hafði komið við
sögu í 10 leikjum í öllum keppnum
áður en tilkynnt var að hann hefði
gengist undir aðgerð á fimmtudag.
Í tilkynningu sem Manchester
United birti á heimasíðu sinni á
fimmtudagskvöld kom fram að búið
hefði verið að skipuleggja aðgerðina
fyrir þó nokkru. Fletcher hafi hins
vegar þurft að ná góðri heilsu áður
en hann gæti gengist undir hana og
þess vegna hefði þessi tímapunktur
verið valinn. „Þó það sé svekkjandi,
bæði fyrir Darren og félagið, að hann
geti ekki tekið þátt í fleiri leikjum á
tímabilinu teljum við að aðgerðin
muni þjóna hagsmunum allra til
lengri tíma litið. Við hlökkum til
að sjá Darren á vellinum á næsta
tímabili og vonum að þá verði öll
hans vandamál að baki.“
Fletcher, sem er 26 ára, hef-
ur allan sinn feril leikið með
Manchester United en áður en hann
veiktist var hann orðinn algjör lyk-
ilmaður í liðinu. Hann á yfir 300
leiki að baki í öllum keppnum með
United og hefur leikið 61 landsleik
fyrir Skotland þar sem hann er fyrir-
liði.
einar@dv.is
Fletcher spilar ekki meira
Í aðgerð Fletcher ætti að verða orðinn leikfær þegar nýtt tímabil byrjar í haust. MYND REUTERS