Dagblaðið Vísir - DV - 07.06.2013, Blaðsíða 14

14 Fréttir 7.–9. júní 2013 Helgarblað
N
ýtt aðalskipulag Reykja­
víkurborgar var samþykkt
á fundi borgarstjórnar síð­
astliðinn þriðjudag. Af 15
borgarfulltrúum greiddu
13 atkvæði með skipulaginu en tveir
sátu hjá. Nýja aðalskipulagið er það
fyrsta í sögu Reykjavíkurborgar sem
er unnið í sátt allra flokka en þeir
Kjartan Magnússon og Júlíus Víf­
ill Ingvarsson, borgarfulltrúar Sjálf­
stæðisflokks, kusu að sitja hjá við
atkvæðagreiðsluna. Hinir þrír borg­
arfulltrúar Sjálfstæðisflokksins
greiddu atkvæði með skipulaginu.
Meðal helstu áherslumála í nýju
aðalskipulagi eru þétting byggðar,
sér í lagi í vesturhluta borgarinnar,
og efling vistvænna ferðamáta. Þá er
gert ráð fyrir því að flugvöllurinn fari
úr Vatnsmýrinni í nokkrum skrefum
en íbúabyggð rísi þar í staðinn.
Sjö ára ferli unnið í sátt
Með samþykkt aðalskipulagsins lýk­
ur ferli sem hófst árið 2006 og gild­
ir skipulagið fyrir árin 2010–2030.
Í aðalskipulaginu er sett fram sýn
um þróun borgarinnar til langrar
framtíðar, til að mynda hvar íbúðar­
hverfum og atvinnusvæðum fram­
tíðar er ætlaður staður, hvar nýjar
götur og stígar liggja og hvaða svæði
verða tekin frá til útivistar. Skipulag­
ið verður nú sent til athugunar hjá
Skipulagsstofnun og svo til auglýs­
ingar fyrir borgarbúa.
Á vinnslutíma þess hafa verið
nokkrir meirihlutar og þar af leið­
andi hefur ferlinu verið stýrt af fólki
úr ólíkum stjórnmálaflokkum. Fyrst
var það í höndum Hönnu Birnu
Kristjánsdóttur en Svandís Svavars­
dóttir tók við af henni í 100 daga. Þá
stýrði Júlíus Vífill ferlinu um nokkra
hríð en Páll Hjaltason hefur farið fyr­
ir undirbúningi skipulagsins fyrir
hönd núverandi borgarstjórnar. Al­
menn sátt ríkir með aðalskipulagið
hjá borgarfulltrúum úr öllum flokk­
um og sést það best á því hvernig at­
kvæði féllu á fundi borgarstjórnar.
Þétting byggðar —
flugvöllurinn burt
Skipulagið er 400 blaðsíðna ritverk í
stóru broti með skýringarmyndum
og uppdráttum. Þar er lögð áhersla á
þéttingu byggðar og að stemma stigu
við útþenslu borgarinnar. Þar af leið­
andi er gert ráð fyrir að helstu svæði
uppbyggingar verði í vesturhluta
borgarinnar. Það helst í hendur við
þá áherslu sem lögð er á að Reykjavík
sé græn borg og eflingu vistvænna
ferðamáta.
Þá er gert ráð fyrir því að Reykja­
víkurflugvelli verði fundinn annar
staður í framtíðinni og að byggð rísi
í Vatnsmýrinni. Væntanlegar við­
ræður við ríkið um framtíð innan­
landsflugs munu þó skýra betur hvað
verður um flugvöllinn. Ljóst er að
flugvallarmálið er enn afar umdeilt,
þrátt fyrir þverpólitíska sátt um aðal­
skipulagið, og engin endanleg lausn
hefur fengist í það mál.
Óeining hjá borgarfulltrúum
Sjálfstæðisflokksins
Athygli vekur að Kjartan Magnús­
son og Júlíus Vífill hafi farið gegn
samflokksmönnum sínum í málinu
á lokametrunum. Það gerðu þeir án
þess að leggja fram neina breytinga­
tillögu við gerð aðalskipulagsins en
Júlíus situr í skipulagsráði og stýrði
sjálfur undirbúningi skipulagsins
um nokkra hríð. Þá var Sjálfstæðis­
flokkurinn lengst af í forsvari fyr­
ir undirbúningsvinnuna án þess að
veruleg stefnubreyting yrði í tíð sitj­
andi borgarstjórnar.
Ljóst er að vera flugvallarins í
Vatnsmýrinni er enn eitt helsta bit­
beinið í skipulagsmálum Reykja­
víkurborgar og kann hún að ráða
því að ekki náðist sátt um aðal­
skipulagið meðal borgarfulltrúa
Sjálfstæðisflokksins. Það sama á við
um aukna áherslu á vistvæna ferða­
máta. Í samtali við DV segir Kjart­
an Magnússon að flugvallarmálið
og skortur á umbætum í umferðar­
málum og uppbyggingu í Úlfarsfelli
hafi ráðið mestu um afstöðu hans
til skipulagsins. Júlíus Vífill segir
skipulagið einsleitt, of mikil áherslu
sé lögð á þéttingu byggðar í vest­
urhluta borgarinnar og telur hann
skipulagið ekki taka mið af þörfum
ungs fólks.
Júlíus Vífill er nýtekinn við sem
oddviti sjálfstæðismanna í Reykja­
vík eftir að Hanna Birna Kristjáns­
dóttir var kjörin á þing. Framund­
an er barátta um oddvitasætið
fyrir borgarstjórnarkosningarnar
sem fara fram vorið 2014 en Kjart­
an og Júlíus munu að öllum líkind­
um gefa kost á sér í baráttunni. Þá
íhugar Þorbjörg Helga Vigfúsdóttir
borgarfulltrúi flokksins að gera slíkt
hið sama en einnig kemur til greina
að Gísli Marteinn Baldursson gefi
kost á sér. Ólík afstaða borgarfull­
trúa Sjálfstæðisflokks ins í þessu máli
leggur línurnar fyrir þessa baráttu. n
n Nýtt aðalskipulag auglýst n Óeining ríkir meðal sjálfstæðismanna
Þétting byggðar
n Gert ráð fyrir að Reykvíkingum fjölgi
um 25 þúsund á tímabilinu.
n Gert ráð fyrir tæplega 7.000 nýjum
íbúðum í Vatnsmýrinni, 2.000 nýjum
íbúðum í Miðborginni og 3.400 nýjum
íbúðum í Elliðaárvogi.
n Vatnsmýri byggist upp í áföngum eftir
því sem land losnar undan flugvallar-
starfsemi. Miðað við forsendur um
þéttingu byggðar og vaxtarhraða, þá
er ekki brýn þörf á að losa allt land
í Vatnsmýrinni fyrr en á seinni hluta
skipulagstímabilsins.
n Ný íbúðarhús verði þrjár til fimm hæð-
ir, um það bil 60 íbúðir á hektara.
Ólafur Kjaran Árnason
blaðamaður skrifar olafurk@dv.is
Vilja flugvöllinn burt
og byggð í Vatnsmýri
Græn borg og
hverfisvernd
n Umferðarkerfi framtíðarinnar verður
meira borgarmiðað en nú er þar sem
hlutur gangandi og hjólandi verður
aukinn og almenningssamgöngur fá enn
meira vægi.
n Enn er gert ráð fyrir að 40 prósent
lands innan þéttbýlis Reykjavíkur verði
opin svæði til útivistar, afþreyingar og
leikja.
n Svæðið innan Hringbrautar er
skilgreint sem verndarsvæði með
tilliti til byggðamynsturs og sögulegra
sérkenna.
n Gert er ráð fyrir að Laugavegurinn
haldi ásýnd sinni en Hverfisgatan verði
meira „móderne“.
Sátu hjá Júlíus Vífill og Kjartan sátu hjá en aðrir borgarfulltrúar Sjálfstæðisflokksins
greiddu atkvæði með aðalskipulaginu.
Vatnsmýrin Hér gæti risið blómleg
íbúabyggð ef tillögur aðalskipulagsins
ná fram að ganga. Það er þó alls óvíst,
enda Reykjavíkurflugvöllur enn eitt helsta
bitbein stjórnmálaumræðunnar.
Grunaður um
skemmdarverk
Þýski listamaðurinn Júlíus von Bis­
marck sem er grunaður um aðild
að umhverfisspjöllum á Íslandi
neitaði sök í yfirlýsingu sem hann
sendi frá sér á miðvikudag.
Það var myndlistarmaðurinn
Hlynur Hallsson sem greindi frá
því í Akureyri vikublað að hann
teldi sig vita að Bismarck bæri
ábyrgð á skemmdarverkum á ís­
lenskri náttúru eftir að hafa séð
myndverk eftir hann á sýningar­
rölti í Berlín.
Myndverkið sýnir stafina
„Moos“ á mosa í íslenskri nátt­
úru og er keimlíkt öðrum náttúru­
spjöllum sem uppgötvast hafa í
Mývatnssveit.
Lögregla hefur ekki rætt við
listamanninn en refsiramminn
fyrir umhverfisspjöll af þessu tagi
varða allt að tveggja ára fangels­
isvist.
Tíst frá guðs-
þjónustu
Sú nýbreytni var viðhöfð í guðs­
þjónustu við setningu Alþing­
is á fimmtudag að henni var lýst í
beinni á samfélagsmiðlinum Twitt­
er. Guðþjónustan fór eins og alltaf
fram í Dómkirkjunni. Það var séra
Agnes M. Sigurðardóttir, biskup Ís­
lands, sem predikaði en Hjálmar
Jónsson þjónaði fyrir altari.
Biskup sagði í predikunarræðu
sinni að fáar stéttir hefðu jafn­
mikil áhrif á daglegt líf og fram­
tíð þjóðarinnar og þingmenn og
ráðherrar. Það væri því nauðsyn­
legt að standa á traustum grunni,
en jafnframt vera meðvitaður um
samtímann og möguleika framtíð­
ar. „Almannahagur skal vera ofar
í huga en einkahagsmunir,“ sagði
Agnes biskup.
Nýnasisti í
Laugardalnum
Fréttablaðið fjallaði nýlega um
Kandamanninn Roy Albrecht,
sem býr í tjaldstæðinu í Laugar­
dal. Hann sagði í samtali við blað­
ið að hann væri flóttamaður vegna
skoðana sinna og hann hafi flúið
til Íslands vegna þess tjáningar­
frelsis sem hann taldi vera hér.
Auk þess segist hann ekki vera
kynþáttahatari. Ef ummæli hans á
netinu eru hinsvegar skoðuð sést
vel að það er ekki rétt. „Ég stund­
aði það að sieg heil­a geðveikan
Pólverja í hverfinu mínu þangað
til að hann kýldi mig,“ segir hann
í umræðu á síðunni Vanguard,
sem er vettvangur fyrir nýnasista.
Annars staðar á sömu síðu kallar
hann Obama Bandaríkjaforseta
Barry Obongo. Sömuleiðis heldur
hann því fram á netinu að helförin
hafi aldrei átt sér stað.