Dagblaðið Vísir - DV - 07.06.2013, Blaðsíða 16

16 Fréttir 7.–9. júní 2013 Helgarblað
n Nám við Háskólagátt á Bifröst uppfyllir ekki inntökuskilyrði Háskóla Íslands
É
g gat ekki skilið þetta öðruvísi
en að þetta væri bara undan-
fari háskólanáms, ekkert fyrir
eitt frekar en annað, segir kona
sem nýlega sótti um nám við
Háskólagáttina á Bifröst. Hún ætlaði
að auka við menntun sína til að geta
farið í nám í uppeldis- og menntun-
arfræði í Háskóla Íslands. Eftir að
hafa kynnt sér upplýsingar um Há-
skólagáttina á heimasíðu Háskólans
á Bifröst, sem og hringt og spurst fyr-
ir um námið, gat hún ekki betur skil-
ið en að námið myndi veita henni
inngöngu í Háskóla Íslands. Í ljós
kom hins vegar að nám við Háskóla-
gáttina uppfyllir ekki inntökuskilyrði
HÍ. Þá virðist vera misræmi á upplýs-
ingagjöf skólanna tveggja um málið.
Háskólagáttin byggir á því sem
áður hét frumgreinadeild Bifrastar
en á heimsíðu skólans segir: „Námið
er sniðið að aðalnámskrá framhalds-
skólanna með hliðsjón af þeim kröf-
um sem gerðar eru til inngöngu í fé-
lags- og hugvísindasvið háskóla.“
Hissa á misvísandi upplýsingum
Þrátt fyrir að gera ráð fyrir að nám-
ið kæmi henni inn í HÍ var konunni
ráðlagt af utanaðkomandi aðilum að
hafa samband við HÍ og kynna sér
málið betur. „Ég hafði samband við
HÍ og ég fékk þau svör að þeir hefðu
aldrei tekið við nemendum úr frum-
greinadeildinni hingað.“
Konan benti starfsmanni HÍ
hins vegar á að hér væri nýtt nám á
ferðinni en sá virtist ekki kannast við
það. Úr varð að konan sendi starfs-
manninum tölvupóst svo hann gæti
grennslast betur fyrir um málið. „Ég
fékk svo það svar að þeir tækju þetta
ekki gilt eins og staðan væri í dag.“
Konan hafði þá aftur samband
við Bifröst og fékk sömu svör og áður,
að hún ætti að geta fengið inngöngu
í alla háskóla á Íslandi ef hún lyki
námi við Háskólagáttina. Hún var
að vonum hissa eftir að hafa feng-
ið önnur svör frá starfsmanni HÍ og
hugsaði með sér hvort eitthvað hefði
kannski breyst varðandi inntökuskil-
yrðin á þessum skamma tíma. Hún
hafði því aftur samband við HÍ en
fékk sömu svör og áður.
Fleiri hafa lent í því sama
„Ég hringdi því aftur upp á Bifröst
og konan þar sagði já. Þá sagðist ég
hafa verið að skella á starfsmann HÍ
og hann hefði sagt nei. Hún fór og
talaði við yfirmann sinn, kom svo
aftur í símann og sagði að það væru
samningaviðræður í gangi við HÍ og
að þetta yrði ekkert mál.“
Voru þetta síðustu samskiptin
sem konan átti við Bifröst en hún er
ekki ennþá búin að fá svar um það
hvort hún komist inn í Háskóla-
gáttina eða ekki, enda umsóknar-
frestur ekki runninn út.
Eftir að hafa fengið þessar mis-
vísandi upplýsingar veit hún hins
vegar ekki hvað hún ætlar að gera.
Hún treystir því tæplega að nám við
Háskólagáttina nýtist henni sem
skyldi til að komast inn í það nám
sem henni hugnast.
DV hefur heimildir fyrir því að
fleiri einstaklingar hafi fengið þær
upplýsingar að þeir ættu að geta
komist inn í Háskóla Íslands eftir að
hafa lokið námi við Háskólagáttina.
Komast inn í alla aðra skóla
Jón Ólafsson, aðstoðarrektor Háskól-
ans á Bifröst, segir það mjög skrýtið
að einhver hafi fengið þær upplýs-
ingar að nemandi sem ljúki námi við
Háskólagáttina komist sjálfkrafa inn
í Háskóla Íslands. Það hljóti að hafa
verið annað hvort mistök af hálfu
starfsmanns eða misskilningur.
Hann segir Háskólagáttina vera
aðfararnám að háskóla sem sé þó
sérstaklega miðað að Bifröst. „Þrátt
fyrir að við höfum ekki haft samn-
inga þá hafa nemendur eiginlega
alltaf komist inn í Háskólann á Akur-
eyri og HR og ég veit ekki betur en
þetta sé tekið fullgilt í Listaháskólan-
um. Með öðrum orðum, þetta hefur
ekki verið neitt vandamál. Þetta fólk
gengur inn í alla háskóla vandkvæð-
alaust, nema Háskóla Íslands.“
Jón segist þó vita til þess að nem-
endur úr frumgreinadeildinni, sem
var undanfari Háskólagáttarinnar,
hafi komist inn í Háskóla Íslands.
Þeir geti hins vegar ekki gefið neina
tryggingu fyrir því.
Hann bendir á að þrátt fyrir að
nemandi sem ljúki slíku námi upp-
fylli þau almennu skilyrði sem sett
eru í landinu um ígildi stúdentsprófs,
þá geti hver skóli um sig sett ákveðin
inntökuskilyrði.
„Við höfum ekki farið fram á að fá
samning við HÍ um að þeir taki alla
okkar nemendur, enda myndi það
aldrei ganga. Það sem við höfum
gert er að við erum búin að óska eftir
því við allar deildir á hugvísinda- og
félagsvísindasviði að hver deild gefi
okkur upplýsingar um það hvaða
viðbótarskilyrði nemendur þurfa að
uppfylla til að komast inn, hafi þeir
klárað Háskólagáttina hjá okkur.“
Uppfyllir ekki inntökuskilyrði
Þórður Kristinsson, sviðsstjóri
kennslu mála hjá Háskóla Íslands,
segir inn töku skil yrði skólans vera
mjög skýr. Stúdentsprófs sé krafist.
„Það uppfyllir í sjálfu sér ekki formleg
inntökuskilyrði í háskóla, þetta nám á
Bifröst. Það er bara þannig.“
Hann segir nemendur sem ljúki
námi við Háskólagáttina vissulega
geta sótt um undanþágu frá inntöku-
skilyrðum og þá sé farið yfir hverja
umsókn fyrir sig.
Aðspurður hvort HÍ hafi tekið inn
einhverja nemendur beint úr frum-
greinadeild eða Háskólagáttinni á
Bifröst, segir Þórður: „Ég held ekki,
nema þeir hafi lokið einhverju öðru
námi líka.“ Hann segir þetta á end-
anum snúast um að nemendur hafi
nægan undirbúning til að takast á
við námið. „Síðast þegar það var far-
ið yfir þetta þá gekk þetta ekki. Þetta
er svona núna.“
Aðspurður hvort það sé verið að
taka saman upplýsingar fyrir Háskól-
ann á Bifröst svo það liggi ljóst fyrir
hve miklu námi nemendur þurfi að
bæta við sig til að komast inn í HÍ,
líkt og aðstoðarrektor Háskólans á
Bifröst talar um, segir Þórður ekkert
slíkt vera í gangi eins og er. n
Háskólagáttin
dugar ekki í Hí
Sólrún Lilja Ragnarsdóttir
blaðamaður skrifar solrun@dv.is
Ósamræmi Sviðsstjóri kennslumála hjá HÍ segist
ekki vita til þess að nemendur af frumgreinadeild á
Bifröst hafi verið teknir beint inn í HÍ. Aðstoðarrektor
Háskólans á Bifröst segist hins vegar vita til þess að
nemendur þaðan hafi komist inn í HÍ.
Aðstoðarrektorinn Jón Ólafs-
son segir Háskólagáttina vera
aðfararnám að háskóla sem sé þó
sérstaklega miðað að Bifröst.
„Það uppfyllir í
sjálfu sér ekki
form leg inntökuskilyrði í
há skóla, þetta nám á Bif-
röst. Það er bara þannig.
Þórður Kristinsson,
sviðsstjóri kennslumála hjá HÍ
„Ég gat ekki skilið þetta
öðruvísi en að þetta væri
bara undanfari háskólanáms,
ekkert fyrir eitt frekar en annað