Dagblaðið Vísir - DV - 23.05.2014, Blaðsíða 58

Helgarblað 23.–26. maí 201446 Sport
K
nattspyrnuunnendur munu
sitja límdir við sjónvarps-
skjáinn klukkan 18.45 á
laugardag þegar flautað
verður til leiks í úrslitaleik
Meistaradeildar Evrópu. Eins og al-
kunna er mætast þar nágrannarnir
og erkifjendurnir Atletico Madrid
og Real Madrid. DV skoðar hér leið
liðanna í úrslitin, metur möguleika
beggja liða og loks spáir Kristján
Guðmundsson, þjálfari Keflavíkur, í
spilin fyrir leikinn.
Real líklegra
Flestir spá því að Real Madrid muni
bera sigur úr býtum gegn erkifjend-
um sínum. Þannig er til að mynda
stuðullinn á sigur Real á Lengj-
unni 1,80 en 3,15 á sigur Atletico.
Reynslan sýnir þó að enginn skyldi
afskrifa lið Atletico enda hefur ekk-
ert lið í heiminum komið jafn mikið
á óvart í vetur. Um liðna helgi tryggði
félagið sér Spánarmeistaratitilinn,
þann fyrsta frá 1996, og þykir það í
raun ótrúlegt afrek að félaginu hafi
tekist að skáka bæði Real Madrid
og Barcelona sem bæði hafa varið
margfalt hærri fjárhæðum til leik-
mannakaupa á undanförnum árum.
Lykilmenn tæpir
Diego Simeone, stjóri Atletico
Madrid, þykir hafa unnið kraftaverk
með lið sitt. Fá lið eru jafn skipulögð
og vinnusöm, en í liðinu eru einnig
einstaklingar sem geta unnið leiki
upp á eigin spýtur. Blikur eru þó á
lofti því óvíst er hvort markahæsti
leikmaður liðsins í vetur, Diego
Costa, geti tekið þátt vegna meiðsla.
Costa, sem skorað hefur 36 mörk
á tímabilinu, þar af átta í Meistara-
deildinni, glímir við meiðsli aftan
á læri og mun það væntanlega ekki
koma í ljós fyrr en á leikdag hvort
hann verði með. Sömu sögu er að
segja af Tyrkjanum Arda Turan sem
meiddist gegn Barcelona um liðna
helgi en þó er útlitið bjartara hvað
hann varðar. Búist er við því
að Cristiano Ronaldo og
Gareth Bale verði búnir
að jafna sig af meiðsl-
um og verði með á
laugardaginn. Þá er út-
lit fyrir að varnarjaxlinn
Pepe verði klár í slaginn.
Sá eini sem bókað er að
missi af leiknum er Xabi
Alonso, leikmaður Real
Madrid, sem tekur út
leikbann.
Naumur sigur Real
Yfirvofandi fjarvera Diego Costa
gæti skipt sköpum, segir Kristján
Guðmundsson
Kristján Guðmundsson, þjálfari
Keflavíkur, spáði því á síðum DV,
áður en undanúrslitin hófust,
að Real Madrid og Atletico
Madrid myndu mætast í
úrslitaleiknum. Kristján
segir að þó að Atletico-
liðið sé vel skipulagt muni
möguleikar þess gegn
Real velta mikið á þátt-
töku Diegos Costa. „Þeir
munu finna leið til að spila
án hans, en hann skiptir
liðið miklu máli. Þeir
reyndu að láta
hann spila
gegn
Barcelona en hann varð að fara út af.
Hvað sem verður þá held ég að hann
verði ekki fullfrískur á laugardaginn,“
segir Kristján.
Aðspurður hvernig hann telji að
leikurinn endi segist Kristján spá
2–1 sigri Real. „Þetta er titillinn sem
stjórn Real Madrid hefur verið að
sækjast eftir undanfarin ár og ég held
að þeir klári þetta. Atletico er búið að
vinna deildina og þetta er líka spurn-
ing um það hversu mikla list það lið
hefur á dessertinum,“ segir Kristján.
Leikir Atletico Madrid hafa oft
verið lokaðir og tiltölulega fá mörk
verið skoruð. Kristján býst við að
sú verði einnig raunin á laugar-
dag. „Sigur Real gæti orðið stærri ef
Atletico opnar sig en ég býst ekki við
því. Líkurnar á að Atletico vinni leik-
inn aukast eftir því sem staðan er 0–0
lengur, en mig grunar samt að Real
klári þetta. Carlo Ancelotti veit alveg
hvernig á að vinna þessa deild.“ n
Óvinir Grunnt hefur
verið á því góða milli
þessara tveggja, Pepe
og Diego Costa. Það
mun ekkert breytast á
laugardag. Báðir hafa
glímt við meiðsli en
það væri betra fyrir
knattspyrnuna ef þeir
verða klárir í slaginn.
n Atletico Madrid og Real Madrid mætast í úrslitum Meistaradeildarinnar á laugardag
Einar Þór Sigurðsson
einar@dv.is
Vissir þú …
… að Carlo Ancelotti, stjóri Real, er einn
sex stjóra sem bæði hafa unnið Meist-
aradeildina sem leikmaður og þjálfari.
… að í 199 leikjum þessara liða hefur Real
Madrid unnið 52,8%, Atletico 24,1% en
23,1% leikja hafa endað með jafntefli.
… í þessum leikjum hefur Real Madrid
skorað 342 mörk á móti 252 mörkum
Atletico.
… Real Madrid hefur skorað 3,08 mörk
að meðaltali í leik í vetur gegn 2,08
mörkum Atletico. Atletico hefur þó að-
eins fengið á sig 0,5 mörk að meðaltali í
leik gegn 0,75 mörkum Real.
… að Atletico Madrid hefur unnið fjóra af
síðustu fimm úrslitaleikjum sínum gegn
Real Madrid, alla í spænska bikarnum.
… að Cristiano Ronaldo er markahæsti
leikmaður Real Madrid í Meistara-
deildinni með 16 mörk en Diego Costa er
markahæstur hjá Atletico með 8 mörk.
… að Atletico Madrid hefur fengið lang-
flest spjöldin í Meistaradeildinni í vetur,
eða 27. Real Madrid hefur fengið 19.
… að Atletico Madrid er 46,1 prósent
leiktímans með boltann að meðaltali
í leikjum sínum í Meistaradeildinni en
Real Madrid 51,6 prósent.
Munu berjast til
síðasta blóðdropa
Leið Atletico í úrslit
Atletico Madrid dróst í G-riðil í riðla-
keppninni ásamt Zenit í Pétursborg,
Porto og FH-bönunum í Austria Vín.
Atletico vann riðilinn mjög sannfærandi,
fékk 16 stig af 18 mögulegum og gerði
aðeins eitt jafntefli. Í 16-liða úrslitum
dróst Atletico gegn Milan þar sem liðið
vann 5–1 samanlagt. Í 8-liða úrslitum
lagði Atletico spænska stórveldið
Barcelona að velli, 2–1 samanlagt. Í
undanúrslitum mætti Atletico Chelsea
þar sem 3–1 samanlagður sigur vannst.
Leið Real í úrslit
Real Madrid dróst í B-riðil í riðlakeppn-
inni ásamt Galatasaray, Juventus og FC
Kaupmannahöfn. Líkt og Atletico vann
Real sannfærandi sigur og fékk 16 stig af
18 mögulegum. Í 16-liða úrslitum vann
Real sannfærandi 9–2 sigur á Schalke í
tveimur leikjum. Í 8-liða úrslitum vann
liðið annað þýskt lið, Borussia Dort-
mund, samtals 3–2 og í undanúrslitum
mætti Real þriðja þýska liðinu, Bayern
München, þar sem liðið vann 5–0 sigur í
tveimur leikjum.
Spennandi leikur
Kristján á ekki von á öðru
en úrslitaleikurinn verði
spennandi. MyNd SigtRygguR ARi