Dagblaðið Vísir - DV - 23.05.2014, Blaðsíða 70
Helgarblað 23.–26. maí 201462 Fólk
É
g kem sem leynigestur og
skvísa gæsina upp,“ segir ís-
drottningin Ásdís Rán sem hef-
ur í nógu að snúast eftir að hún
flutti heim til Íslands frá Búlgaríu.
Frá því í vor hefur fjöldi vinkonu-
hópa haft samband við Ásdísi og
fengið hana í lið með sér í gæsanir.
„Ég laga hárið á gæsunum og mála
þær; geri á þeim svona „IceQueen-
look“ svo þær verða algjörar skvís-
ur. Oftast kem ég þeim á óvart á hár-
greiðslustofu þar sem þær sitja með
kampavínsglasið áður en prógram-
mið byrjar. Þetta gerðist alveg sjálf-
krafa og það hefur verið brjál-
að að gera í þessu en það er bara
skemmtilegt.“
Ásdís segir allar gæsirnar hafa
verið ánægðar. „Flestar eru þetta
týpur sem eru ekkert að eyða allt
of miklum tíma til að hafa sig til
dagsdaglega og hafa því gaman af
því að vera „glamúrus“ í gæsun-
inni. Ég lærði hárgreiðslu í gamla
daga svo ég sé um hárið og „make-
up-ið“ en vinkonurnar koma með
skvísufötin.“
Hún segir íslenskar konur upp til
hópa ágætlega miklar skvísur. „En
þær mættu samt alveg gera meira í
því að skvísa sig upp. Ég er búin að
búa svo mikið erlendis og þar eru
konur duglegri í þessu. Íslenskar
konur hugsa samt vel um sig og það
er alltaf að aukast að þær séu dug-
legar í ræktinni og klæði sig upp á
og svona. Það er ekkert langt síðan
að það var horft á mann ef maður
klæddist pinnahælum. Fyrir stuttu
síðan þótti það bara skrítið. Skvísu-
tískan er alltaf að ryðja sér meira til
rúms hér á landi.“
Sjónvarpsþátturinn Heimur Ís-
drottningarinnar, sem átti upphaf-
lega að vera sýndur á Stöð 3 en hef-
ur verið færður á Stöð 2, fer í loftið í
júní. Að sögn Ásdísar fjallar þáttur-
inn um tísku, fegurð, lífsstíl, fitness
og sport. „Mér verður fylgt eftir í alls
konar ævintýrum og við skyggn-
umst líka bak við tjöldin í heimi feg-
urðarinnar. Við erum enn að taka
upp og það örlar á smá stressi en
líka spenningi.“ n indiana@dv.is
Ásdís Rán Ásdís er
með mörg járn í eldin-
um líkt og vanalega.
Mynd MaRy CaRMen
Ásdís Rán breytir gæsum í ísdrottningar
„Skvísar upp“ gæsir
Katrín með
glæpagöngutúr
Á sunnudaginn mun Katrín Jak-
obsdóttir, bókmenntafræðingur,
sérfræðingur í íslenskum
glæpasögum og fyrrverandi
menntamálaráðherra, leiða
glæpasagnagöngu um miðbæ
Reykjavíkur. Katrín er þekkt fyrir
áhuga sinn á glæpasögum og
ráðgátum og á göngu sinni mun
hún leiða fólk í sannleikann um
undirheima íslenskra glæpa-
sagna. Gangan hefst klukkan 11
frá Suðurgötu 3.
Davíð orðinn
afi aftur
Davíð Oddsson, fyrrverandi
forsætisráðherra og núverandi
ritstjóri Morgunblaðsins, er
orðinn tvöfaldur afi. Sonur hans
og Ástríðar Thorarensen, Þor-
steinn Davíðsson, eignaðist sína
aðra dóttur á þriðjudag. Þor-
steinn og kona hans, Heiðrún
Gestsdóttir, dóttir Geirs Waage,
áttu fyrir eina dóttur sem fædd
er árið 2011.
Í
svona litlu samfélagi þá er flók-
ið að fjalla um erfið mál eins og
þessi og það þarf að gera það vel,“
segir sjónvarpsmaðurinn Ásgeir
Erlendsson um þættina Íslenskir
ástríðuglæpir sem sýndir hafa ver-
ið á Stöð 2 undanfarin sunnudags-
kvöld. Þættirnir hafa vakið mikla
athygli enda er í þeim fjallað um
erfið og viðkvæm morðmál. Ásge-
ir segir þau hafa vandað vel til verka
við gerð þáttanna og gefið sér góð-
an tíma til að gera umfjöllunina sem
besta.
Vönduðu sig
„Þetta var vissulega erfitt en við
ákváðum að taka okkur mjög góð-
an tíma til þess að gera þættina. Við
lögðum strax upp með það að vanda
okkur ofsalega mikið. Þegar maður
er að skoða mál sem snerta svona
marga og eru svona viðkvæm þá
verður maður að fara varlega, gefa
sér tíma og hugsa vel hvernig fram-
setningin er. Það skiptir miklu máli,“
segir hann.
Vildu hafa aðstandendur með
Ásgeir segir teymið að baki þáttun-
um hafa skoðað talsvert fleiri mál
en fjallað er um í þessari þáttaröð
en samtals eru málin fimm. Það hafi
skipt máli að aðstandendur þeirra
fórnarlamba sem fjallað er um hafi
verið samþykk umfjölluninni. „Í
flestum þáttunum erum við með
fjölskyldur fórnarlambanna með
okkur, það skiptir miklu máli. Það er
ekki bara málið sjálft sem við leggj-
um áherslu á heldur líka það sem
gerist síðar og mörg ár á eftir, þar
sem afleiðingarnar eru mun víðtæk-
ari en flestir gera sér grein fyrir líkt
og fram hefur komið í þáttunum,“
segir hann.
Sonur fæddist fjórum vikum
fyrir tímann
Hann segir vinnuna við þættina hafa
verið afar krefjandi. „Þetta var mjög
lærdómsríkt. Ég er mjög þakklátur
fyrir að hafa fengið þessa reynslu.
Líka fyrir það að öðlast traust að-
standenda sem treystu okkur til að
fjalla um þessi mál og ég vona að út-
koman sé í samræmi við það sem
fólk gerði ráð fyrir.“
Ásgeir er nýorðinn faðir en frum-
burðurinn kom í heiminn í miðju
vinnsluferli fyrir þættina. Hann og
unnusta hans, Sara Rakel Hinriks-
dóttir, eignuðust son 10. apríl síð-
astliðinn. „Hann fæddist sautján
dögum fyrir fyrsta þátt, kom fjór-
um vikum fyrir tímann, átti ekki að
koma fyrr en 4. maí,“ segir Ásge-
ir og viðurkennir að þetta hafi verið
ansi annasamur tími. „Það var lítið
sofið en þetta er nú samt líklega einn
skemmtilegasti mánuður sem ég hef
upplifað,“ segir hann hlæjandi.
Í fæðingarorlofi í Sviss
Nú er Ásgeir í fæðingarorlofi og nýt-
ur lífsins með konu og barni í Sviss
hjá tengdaforeldrum sínum sem
eru búsettir þar í landi. Hann verð-
ur í orlofi út júlí. „Við höfum bara allt
sumarið til þess að spóka okkur, þrjú
saman og njóta sumarsins. Þetta
gæti ekki verið betra.“
Ásgeir segist ekki gera ráð fyrir
því að önnur sería af ástríðuglæp-
um verði gerð. Þegar hann snúi aftur
til starfa á Stöð 2 þá fari hann aftur í
Ísland í dag en þar hefur hann ver-
ið einn þáttastjórnenda. „Ég býst við
að fara bara í þá rútínu aftur. Annars
veit maður aldrei, hlutirnir gerast
hratt í sjónvarpinu þannig það er
aldrei að vita hvað gerist í haust.“ n
viktoria@dv.is
„Þetta var mjög
lærdómsríkt“
n Ásgeir kafaði ofan í erfið mál n Nýtur lífsins í fæðingarorlofinu
Fjölskyldan Ásgeir
með unnustu sinni, Söru
Rakel Hinriksdóttur, og
syni þeirra sem ekki hefur
hlotið nafn ennþá.
Eignuðust
dreng
Ásgeir Kolbeinsson og unnusta
hans, Bryndís Hera Gísladóttir,
eignuðust dreng á þriðjudag.
Þetta er þeirra fyrsta barn saman.
Ásgeir birti mynd af syninum á
Facebook-síðu sinni og skrifaði:
,,Ég fæddist 20.05.14, klukkan
20:35 og var 3.430gr (13,7merk-
ur) og 50cm á lengd. Ég er búinn
að haga mér mjög vel og veit ekki
betur en að mamma og pabbi
séu sammála því. Það er aldrei að
vita nema að ég leyfi fleiri mynd-
ir af mér á Facebook á næstunni.
Það fer eftir því hvað ég fæ mörg
LIKE, eða „ghahhhghahhh“ eins
og við ungabörnin köllum það,“
skrifar Ásgeir.