Dagblaðið Vísir - DV - 21.01.2011, Síða 40

40 | Lífsstíll 21.–23. janúar 2011 Helgarblað
Litríkir herrar í
sumar
Vor- og sumarlína Tommy Hilfiger var
með eindæmum litrík. Mikla athygli vöktu
leðurskór með dýramynstri eins og herrann
klæðist á myndinni að ofan. Þá mátti sjá
ljósbleikar herrabuxur við ljósbláa jakka
og virðulega teinótta jakkar við litríkari og
léttari flíkur.
Ofursvöl
Leica
Þýski framleiðandinn Leica sendir frá
sér nýja ofursvala Leicu M9 sem ber
heitið Strúturinn, eða Leica Ostrich, í afar
takmörkuðu upplagi. Safnarar geta látið
sig dreyma en ytra byrði vélarinnar er klætt
með leðri með skemmtilegri áferð og vélin
sjálf tekur myndir í 18 mio pixla upplausn.
Meðan sól hækkar á lofti fara margir að
huga að léttari tónum og mynstrum fyrir
heimilið.
Vorlína H&M fyrir heimilið er nú fáanleg
á netinu í vefverslun H&M. Áherslur vorsins
eru rómantík og hráleiki, hlýlegir grænir,
fjólubláir og brúnir tónar sem minna á
Suður-Evrópu.
Vorlína H&M
fyrir heimilið
Í vikunni var opnaður nýr veitinga-
staður við Ingólfstorg í Reykjavík: Uno
– cucina italiana.
Eigendurnir eru Bento og Nuno
sem margir þekkja af Tapas-barnum,
aðrir eigendur eru Eyþór Mar og Ítal-
inn Martin Sappia.
Á Uno – cucina italiana er boð-
ið upp á ítalska matseld og íslenskt
hráefni en af matseðli má til dæm-
is panta sér: hangikjöts-carpaccio,
hrefnu-carpaccio og byggotto (risotto
úr ösku ræktuðu byggi undan Eyja-
fjöllum).
Pastað á Uno er búið til á
staðnum, daglega, í ítalskri pasta-
vél sem ber nafnið Rósa og ítalski
fagmaðurinn Nino sér um fram-
leiðsluna.
Eyþór Mar Halldórsson segir
ítalska matargerð fyrst og fremst
byggja á ferskleika afurðanna
og bragðgæðin fari eftir því. „Ég
heillast af ítalskri matargerð vegna
þess hve sterk áhersla er á fersk-
leika. Ítalir hafa gaman af því að
elda og að borða og þannig á það
að vera.
Eyþór gefur lesendum DV upp-
skriftir til að spreyta sig á heima við
að viðargrilluðum lax, hangikjöts-
carpaccio og polentufrönskum
með chlli-sultu. „Byggið kaupum
við af bændum undir Eyjafjöllum
og hangikjötið er tvíreykt, íslenska
hráefnið er afskaplega skemmti-
legt í þessu samhengi og með því
að nota það fylgjum við þeirri
reglu að nota hráefnið sem fer-
skast.“
Vínið með matnum
Með laxinum:
Tommasi Soave Classico Le Volpare, Valpol-
icella. Hvítvín með flauelsmjúkri áferð, með
örlítilli sætu en frískandi eftirbragði.
Með hangikjöts-carpaccio:
Castelani Chianti Classico Campo-
maggio, Toscana. Sikimjúkt og
bragðmikið rauðvín.
Með polenta-frönskunum:
Villa Lucio Pinot Grigio, Toscana.
Kremað og ávaxtakennt, suðræn
stemning.
og íslenskt hráefni
Viðargrillaður lax með
byggotto og salvíusmjöri
n Lax
n Kjúklingasoð
n Bankabygg
n Rauð paprika
n Græn paprika
n Fennika
n Eggaldin
n Kúrbítur
n Rauðlaukur
n Bankabygg
n Parmesan
n Íslenskt smjör
n Salvía
n Salt
n Pipar
n Sólselja
Lax
Skerið laxinn í góðar steikur og grillið laxinn á
roðhliðinni á meðalhita í um 4–6 mínútur (Þangað
til að laxinn byrjar að taka lit ofarlega á hliðinni).
Snúið honum þá við og grillið í 2–4 mínútur á þeirri
hlið. Takið hann af grillinu og kryddið hann með salti,
sólselju og pipar.
Salvíusmjör
Smjör og salvía eru sett í pott og látin krauma á frekar
lágum hita þar til smjörið byrjar að brúnast örlítið.
Bankabygg
Sjóðið bankabyggið í kjúklingasoði í um 40 mínútur
og takið það til hliðar. Skerið grænmetið í teninga og
steikið það á pönnu og bætið síðan bankabygginu við.
Síðast hrærið þið smjörinu og parmesanostinum við
byggið og smakkið til með salti og pipar.
Hangikjöts-carpaccio með
rauðbeðusultu og
karamelluðum furuhnetum
n Hangikjötslæri
n Hunang
n Hvítvín
n Garðablóðberg
n Pipar
n Rauðbeður
n Kirsjuberjaedik
n Tómatsósa
n Sítrónuolía
n Furuhnetur
n Flórsykur
n Baby mozzarella
Hangikjöt
Úrbeinið lærið og skerið burt mestu fituna. Hrærið
hunangi, hvítvíni, pipar og garðablóðbergi saman og
látið hangikjötið marinerast í leginum í um sólarhring.
Rúllið hangikjötinu síðan upp í plastfilmu og frystið.
Skerið í örþunnar sneiðar og leggið á disk. Setjið baby
mozzarella og sítrónuolíu yfir carpaccio-ið.
Rauðbeðusulta
Sjóðið rauðbeðurnar þar til þær verða meyrar og
maukið í matvinnsluvél. Bragðbætið með kirsuberja-
ediki og tómatsósu.
Karamellaðar furuhnetur
Stráið flórsykri yfir furuhnetur og steikið á pönnu
þangað til þær verða ljósbrúnar.
Polenta „chips“ með chillisultu
n Polenta
n Svartur pipar
n Salt
Polenta chips
Sjóðið polentuna í um 40 mínútur og kryddið með
salti og svörtum pipar. Setjið á bakka og kælið í 3
tíma. Rífið polentuna niður og veltið upp úr polentu-
mjöli. Djúpsteikið þangað til stökkt.
Chilisulta
n 2 kg rauð paprika
n 12 chilli
n 14 hvítlaukar
n 800 gr tómatar
n 1,5 kg sykur
n 250 ml hvítvínsedik
Sjóðið allt saman í um 30 mínútur og maukið svo.
Ítölsk matargerð
Nino býr til pasta Pastað á Uno er
búið til á staðnum, daglega, í ítalskri
pastavél sem ber nafnið Rósa og hinn
ítalski Nino sér um framleiðsluna.
Martin Sappia Hinn ítalski Martin Sappia
eldar úr íslensku byggi. Lax með íslensku byggi,
grilluðu grænmeti, sólselju, radísum, ristuðum
möndlum og salvíusmjöri.