Dagblaðið Vísir - DV - 26.09.2014, Blaðsíða 2

Helgarblað 26.–29. september 20142 Fréttir
Gefa bágstöddum
mat á Facebook
Íslendingar á samfélagsmiðlum koma bágstöddum samborgurum til aðstoðar
U
ng stúlka, undir 18 ára
aldri, skráði sig inn í hóp­
inn Matargjafir á Face­
book í vikunni til þess eins
að hjálpa samborgurum
í neyð. Hún vann sér inn 10.000
krónur með aukavinnu og gaf helm­
inginn af upphæðinni inni í hópn­
um auk bleyja, brauðs, áleggs og
mjólkur.
Sagan er ekki einsdæmi því
neyðin er svo sannarlega til staðar
og hvunndagshetjurnar líka.
Nú er búið að búa til matargjafa­
hópa fyrir alla landshluta á Face­
book en hóparnir sem um ræðir eru
annars vegar fyrir þá sem eru í neyð
og vantar aðstoð með til dæmis mat
og bleyjur og hins vegar þá sem eru
aflögufærir og til í að hjálpa.
„Ég var meðlimur í hóp þar sem
allt fékkst gefins. Eitt kvöldið sá ég
auglýsingu frá konu sem sagðist hafa
verið að taka til í eldhússkápnum
sínum og var ekki að nota ýmislegt
matarkyns og hún vildi gefa. Mér
fannst þetta svo frábær hugmynd að
ég fór að hugsa um allt kjötið sem ég
átti í frystikistunni,“ segir Jóhanna
Bjarndís Arapinowicz, einn af stofn­
endum og stjórnendum uppruna­
lega hópsins á Facebook.
Síminn stoppaði ekki
„Þetta var fyrir
verslunar mannahelgi
og ég var að bjóða fólki
sem átti ekki mikið, og
gat ekki farið í ferða­
lag þessa miklu helgi,
að gleðja fjölskylduna
með góðum mat. Ég
var alls ekki viss um að
einhver vildi kjötið og
var satt best að segja
hálfstressuð yfir því að
hafa sett inn auglýs­
inguna,“ segir Jóhanna
Bjarndís en ekki stóð á
svörum.
„Það varð allt vit­
laust. Ég passaði mig
á því að skipta þessu
á milli fólks sem var
að spyrja um kjötið en
það rauk út strax og
næstu tvo sólarhringa
fékk ég fyrir spurnir
um kjötið, hvort eitt­
hvað væri eftir,“ segir
Jóhanna Bjarndís sem
veit að svona hvílir
þungt á þeim sem leita sér aðstoðar.
„Fólkið sem sótti kjötið var gráti
næst. Margir sögðu mér frá ástandi
sínu og það var grátlegt.“
Þann 31. júlí síðastliðinn settist
Jóhanna Bjarndís fyrir framan tölv­
una og bjó til hópinn Matargjafir en
hlutverk síðunnar var fyrst og fremst
að leiða saman þá sem gefa mat og
þá sem þiggja mat.
Margir vilja hjálpa náunganum
„Fólk getur auglýst aðstoð, tekið til
í skápum og frystikistum og boðið,
þiggjendur hafa síðan beint samband
við þá. Marga langar að gefa til baka
í samfélagið, hjálpa náunganum en
vita ekki hvar eða hvert á leita,“ segir
Jóhanna Bjarndís sem fékk fljótt eftir
stofnun hópsins fyrirspurnir frá fólki
sem vildi aðstoða hana.
„Dásamlegar dömur höfðu sam­
band við mig og buðu mér aðstoð
við síðuna, að hjálpa mér að fara yfir
stöðuna og að allt sé á kurteisisnót­
um, eyða út gömlum auglýsingum
og passa að aðgát sé höfð í nærveru
sálar. Í dag erum við sex stjórnend­
ur síðunnar; ég, Lilja Guðmunds­
dóttir, Jóhanna Sigurðardóttir, Árdís
Pétursdóttir, Álfheiður Þórsdóttir
og ein sem vill vera nafnlaus.“
Hægt er að biðja um hjálp beint
á vegg hópsins á Facebook en þó
eru nokkrir sem hafa samband við
stjórnendur síðunnar sem þá gerast
milliliðir fólksins við þá sem vilja
gefa mat.
Senda út neyðarkall
„Við söfnum á lista, sendum út
neyðarkall í okkar nafni. Gefend­
ur hafa samband við okkur
og færa okkur mat, margir
fara út í búð og kaupa auka
matarpoka. Við deilum á
milli eftir fjölskyldustærð.
Frá opnun síðunnar hafa
yfir 60 manns fengið matar­
aðstoð og við höfum ekki
tölu yfir þá sem hafa þegið
aðstoð beint af síðunni. Við
erum bundnar trúnaði okk­
ar á milli, við skráum allt og
fylgjumst vel með,“ segir Jó­
hanna Bjarndís sem nú ann­
ar ekki eftirspurn.
„Reyndar verða breytingar
á þessum neyðarköllum okk­
ar því að við önnum ekki
eftir spurn, við erum ekki
með matarlager hjá okkur né
stuðning frá fyrirtækjum, allt
er fengið frá fólkinu sem er á
Facebook.“
Jóhanna Bjarndís bendir
fólki sem vantar aðstoð eða
vill aðstoða að hafa nú sam­
band við matargjafahópa
á sínu heimasvæði en búið er að
stofna matargjafahóp fyrir Akureyri
og nágrenni, Selfoss og nágrenni,
Akranes og nágrenni, Vesturland,
Ísafjörð og nágrenni og Suðurnes
og nágrenni.
„Fátækt er engin skömm og ég
hvet alla sem vantar aðstoð að hafa
samband.“ n
Atli Már Gylfason
atli@dv.is „Fólkið sem sótti kjötið var gráti
næst. Margir sögðu mér
frá ástandi sínu og það
var grátlegt.
Jóhanna Bjarndís Stofnaði hópinn
Matargjafir á Facebook.
Gefa mat á
Facebook
Hvunndagshetjur
okkar Íslendinga
gefa bágstöddum
mat á Facebook.
Hjálparhönd Fjölmargir Íslendingar hafa tekið höndum saman og gefa nú mat til bágstaddra á Facebook.
Mótmæla
bótatímanum
Fjölskylduráð Hafnarfjarðarbæjar
gerir alvarlegar athugasemdir við
þær fyrirætlanir ríkisstjórnarinn­
ar að stytta hámarksbótatíma at­
vinnulauss fólks úr þremur árum
í tvö og hálft ár. Kvarta ráðið und­
an því að ekkert samráð hafi ver­
ið gert við sveitarfélögin í landinu
og segja fyrirvarann hafa verið lít­
inn sem engan.
Beinn kostnaður sveitarfélags­
ins af þessum aðgerðum er áætl­
aður 57 milljónir á næsta ári.
„Fjölskylduráð leggur því
áherslu á að ríkisvaldið leggi til
mótvægisaðgerðir vegna þessara
aðgerða og fjármagni þær, m.a. í
formi virkniúrræða fyrir þenn­
an hóp en að öðrum kosti dragi
þessi áform til baka,“ segir í bók­
un fjölskylduráðs.
Vita ekki hvaðan
blysið kom
Ekki liggur fyrir hvaða nemandi
tók með sér neyðarblys í Brekku­
bæjarskóla á mánudag eða
hvernig blysið endaði í kennslu­
stund í skólanum. Engin neyðar­
blys eru geymd í skólanum, en
nemandi í fjórða bekk kveikti á
einu slíku í miðri kennslustund
með þeim afleiðingum að hann
stórslasaðist.
Faðir drengsins fullyrðir að
blysið hafi ekki komið af heimili
þeirra. Drengurinn hefur verið á
gjörgæsludeild Landspítalans í
Reykjavík og verður á sjúkrahúsi
í nokkrar vikur að öllum líkind­
um. Brunasár hans eru mikil og
hefur faðir hans rætt það opin­
berlega að hann eigi fyrir hönd­
um sér langt og strangt bataferli.
„Bata eins góðan og hann get­
ur fengið. En örin verða mikil
og ávallt til áminningar um at­
burðinn,“ segir faðir hans, Oddur
Guðmundsson. Samnemendur
drengsins hafa fengið áfallahjálp.