Dagblaðið Vísir - DV - 26.09.2014, Síða 10

10 Fréttir Helgarblað 26.–29. september 2014
Leynd yfir eignar-
haldi stórrar útgerðar
Samkeppniseftirlitið skoðar samvinnu Samherja, Gjögurs og Síldarvinnslunnar
Þ
að eru ótal margir. Þú sérð
það bara í ársskýrslunni. Það
eru allir taldir upp þar,“ segir
Anna Guðmunds dóttir, við-
skiptafræðingur og 22 pró-
senta hluthafi í útgerðinni Gjögri
á Grenivík. Í ársreikningi Gjögurs
er einungis tekið fram hverjir eiga
rúmlega 44 prósenta hlut í Gjögri en
ekki hverjir eiga tæplega 56 prósenta
hlut. Á móti Önnu á Ingi Jóhann
Guðmundsson, framkvæmdastjóri
Gjögurs, rúmlega 22 prósenta hlut.
Í ársreikningi Gjögurs fyrir 2012
stendur aðeins að 12 hluthafar eigi
í félaginu en ekki hverjir þeir eru.
Síðast þegar DV reyndi að fá upplýs-
ingar um eignarhaldið á meirihlut-
anum í Gjögri frá Inga Jóhanni var
hann ekki reiðubúinn að svara þeirri
spurningu. Ingi Jóhann situr meðal
annars í stjórn eignarhaldsfélagsins
SVN eignafélags ehf. sem er hluthafi
í tryggingafélaginu Sjóvá en eigandi
þess er Síldarvinnslan. Eignarhaldið
á Gjögri kemur heldur ekki fram
til fulls í gagnagrunni Lánstrausts,
Creditinfo, en upplýsingarnar sem
eru þar eru fengnar frá fyrirtækja-
skrá ríkisskattstjóra. Eignarhaldið á
Gjögri skiptir máli því opinberir aðil-
ar – Fiskistofa – halda yfirlit um um-
ráðarétt yfir aflaheimildum á Íslandi
sem er bundið kvótaþaki. Gjögur er
14 stærsta útgerðarfyrirtæki lands-
ins miðað við aflaheimildir og ræður
yfir samtals 2,53 prósentum heildar-
aflans samkvæmt nýjasta yfirliti frá
Fiskistofu.
Næststærst í Síldarvinnslunni
Gjögur á rúmlega 34 prósenta hlut
í Síldarvinnslunni í Neskaupstað á
móti tæplega 45 prósenta hlut akur-
eyska útgerðarrisans Samherja. Sam-
herji og Síldarvinnslan eru annað og
þriðja stærsta útgerðarfélagið á Ís-
landi. Bæði Anna og Ingi Jóhann sitja
í stjórn Síldarvinnslunnar. Líkt og DV
greindi frá á þriðjudaginn þá ræður
Samherji beint eða óbeint yfir 14,07
prósentum af kvótanum sem úthlut-
að er á Íslandsmiðum. Félagið á,
beint eða óbeint, fjögur af þeim þrjá-
tíu útgerðarfyrirtækjum sem mestan
kvóta eiga við Íslandsstrendur – um
er að ræða Samherja sjálfan, Síldar-
vinnsluna, Útgerðarfélag Akureyringa
og Polaris Seafood. Í lögum um stjórn
fiskveiða kemur fram að hver útgerð
megi ekki ráða yfir meiru en 12 pró-
sentum heildarkvótans. Ein staka út-
gerðir geta hins vegar ráðið yfir meira
en 12 prósentum kvótans með óbein-
um hætti, í gegnum óbeint eignarhald
sitt á öðrum útgerðar fyrirtækjum, en
þetta á til dæmis við um Samherja
sem fer þannig yfir 12 prósenta mark-
ið. Lög um stjórn heimila hins vegar
slíkt óbeint eignarhald á meira en 12
prósentum kvótans.
Samvinnan skoðuð
Samkeppniseftirlitið hefur haft sam-
vinnu Samherja, Síldarvinnslunnar
og Gjögurs til skoðunar í meira en eitt
ár. Ástæðan fyrir þeirri skoðun var
athugun stofnunarinnar á því hvort
heimila ætti kaup Síldarvinnslunnar
á útgerðarfélaginu Bergi-Hugin í
Vestmannaeyjum. Samkeppnis-
eftirlitið heimilaði kaup Síldarvinnsl-
unnar á Bergi-Hugin en Vestmanna-
eyjabær höfðaði dómsmál vegna
sölunnar á þeim forsendum að að-
ilar í Vestmannaeyjum ættu að eiga
forkaupsrétt á útgerðinni. Dæmt var
Vestmannaeyjabæ í vil í héraðsdómi
en eigandi Bergs-Hugins, Magnús
Kristinsson, áfrýjaði málinu sem fer
fyrir Hæstarétt Íslands.
Mikil innbyrðis viðskipti
Eftir stendur hins vegar skoðun
Samkeppniseftirlitsins á samvinnu
Samherja, Síldarvinnslunnar og
Gjögurs sem ekki er komin niður-
staða í. Í úrskurði Samkeppnis-
eftirlitsins um söluna á Bergi-Hugin
segir meðal annars um viðskipti
á milli félaganna þriggja: „Þannig
seldi Síldarvinnslan 70,5% af seld-
um botnfiskheimildum sínum til
Samherja á árinu 2012 og að sama
skapi seldi Gjögur um 68,0% af
seldum botnfiskheimildum sínum
til Síldarvinnslunnar. Þá seldi Sam-
herji auk þess um 41,6% af seldum
botnfiskheimildum sínum til Síldar-
vinnslunnar á árinu 2012.“ Innbyrð-
is viðskipti á milli fyrirtækjanna eru
því umtalsverð. Í samtali við DV nú
í sumar sagði Páll Gunnar Pálsson,
forstjóri Samkeppniseftirlitsins, að
ekkert væri hægt að gefa upp um
niðurstöðu athugunarinnar en að
henni yrði lokið með einhverjum
hætti: „Við höfum aflað gagna í mál-
inu og erum að vinna úr þeim. Það
er svo sem ekkert meira um þetta
að segja á þessari stundu […] En
við munum ljúka málinu með ein-
hverjum hætti.“
Ekkert krosseignarhald
Í úrskurðinum um söluna á Bergi-
Hugin kemur hins vegar fram að
athugunin muni ekki ná ekki til
þess að skoða hvort útgerðirnar
fari gegn lagaákvæðum um kvóta-
þak. Í samtali við DV í sumar sagði
Þorsteinn Már Baldvinsson, for-
stjóri Samherja, að ekkert kross-
eignarhald væri í eignarhaldinu á
Síldarvinnslunni eða Gjögri: „Ég
veit ekkert um hvað þessi athug-
un hjá Samkeppniseftirlitinu snýst.
Það er oft verið að tala um kross-
eignarhald í þessu, eða við heyrð-
um það í fjölmiðlum, en það er ekk-
ert krosseignarhald í þessu. Gjögur
á í Síldarvinnslunni, Síldarvinnslan
á ekki í Gjögri og við eigum ekki í
Gjögri.“ n
Ingi Freyr Vilhjálmsson
ingi@dv.is
„Þú sérð
það bara í
ársskýrslunni
Samvinnan skoðuð Samvinna Síldarvinnslunnar, sem Gunnþór Ingvason stýrir, Samherja og Gjögurs hefur verið til skoðunar hjá
Samkeppniseftirltinu en eignarhald síðastnefndu útgerðarinnar er ekki gagnsætt samkvæmt opinberum upplýsingum. MyNd INgIbjörg dögg
Bifreið stolið
á Hverfisgötu
Tilkynnt var um stuld á bifreið
á Hverfisgötu á þriðja tíman-
um aðfaranótt fimmtudags. Í
dagbók lögreglu kemur fram að
sendibílstjóri sem var að dreifa
dagblöðum hafi haft samband
og tilkynnt að bifreiðinni hefði
verið stolið meðan hann var að
taka blaðabunka úr bifreiðinni.
Að sögn lögreglu fannst bif-
reiðin skömmu síðar og var mað-
ur, sem grunaður er um að hafa
stolið bifreiðinni, handtekinn þar
nærri með muni úr bifreiðinni.
Hann var færður á lögreglustöð
og vistaður í fangageymslu.
Innbrot og
þjófnaðir
Lögreglan á höfuðborgar-
svæðinu var kölluð að apóteki
í Hafnarfirði rétt fyrir klukkan
eitt aðfaranótt fimmtudags. Þar
hafði verið brotin rúða í hurð,
farið inn og stolið lyfjum. Málið
er í rannsókn. Í dagbók lögreglu
kemur fram að skömmu síðar,
eða um hálf tvö leytið, hafi verið
tilkynnt um innbrot í fyrirtæki í
Kópavogi. Þar hafði gluggi verið
spenntur upp og farið inn. Talið
er að fartölvu og fatnaði hafi ver-
ið stolið. Loks var, á fjórða tím-
anum aðfaranótt fimmtudags,
tilkynnt um mann í Grafarvogi
sem var að fara inn í bifreiðar og
stela. Maðurinn var handtekinn
og vistaður í fangageymslum í
tengslum við rannsókn málsins.
Kinnbeinsbrotnaði í líkamsárás
Sló fórnarlambið þannig að það féll með andlit á bekk
R
íkislögreglustjóri hefur ákært
fimm menn fyrir tvær alvar-
legar líkamsárásir á hend-
ur tveimur mönnum. Í ákæru
kemur fram að mennirnir hafi verið í
Ólafsvík aðfaranótt sunnudagsins 17.
júní árið 2012. Þar veittist einn þeirra
að öðru fórnarlambinu með miklu
ofbeldi. Er hann, Marcin Kuleza,
ákærður fyrir sérstaklega hættulega
líkamsárás, að hafa veist að mann-
inum með því að sparka og slá ítrek-
að í líkama og höfuð þannig að mað-
urinn hlaut brot í vinstra kinnbeini,
glóðarauga á báðum augum, bólgur
og mar í andliti auk þess að fá verki og
eymsli í hálshrygg og kjálkum. Sömu
nótt, stuttu síðar, veittust þeir Marcin,
Adam Kuleza, Kamil Wisniewski,
Pawel Stasieluk, og Mariusz Kulesza
að sama manninum aftur, og félaga
hans.
Í ákæru segir að þeir hafi, fyrir
utan Aðalgötu 16 í Ólafsvík, veist að
mönnunum, ítrekað sparkað og sleg-
ið í líkama þeirra auk þess sem Adam
sló seinna fórnarlambið þannig að
hann féll með andlitið á bekk. Við það
brotnuðu tennur auk þess sem hann
hlaut bólgu yfir kinnbeini. Er þess
krafist að mennirnir verði dæmdir
fyrir líkamsárásir, en Marcin og Adam
fyrir sérstaklega hættulegar árásir.
Fórnarlömbin fara fram á bætur.
Annað fórnarlambanna krefst þess
að fá rúma eina milljón með vöxtum
og dráttarvöxtum vegna árásarinnar,
en hitt krefst þess að fá rúmlega sjö
hundruð þúsund krónur. Þingfesting
málsins var á fimmtudag. n
Kinnbeinsbrotinn
Annar mannanna
kinnbeinsbrotnaði.