Dagblaðið Vísir - DV - 26.09.2014, Qupperneq 39

Helgarblað 26.–29. september 2014 Lífsstíll 39
Er vinnufélaginn að
ganga af þér dauðum?
Við þekkjum þetta öll – pirrandi samstarfsfólk sem
við erum dæmd til að eyða deginum með. Rithöfund-
urinn Alison Green, sem er sérfræðingur í mannauðs-
stjórnun og bloggari á vefsíðu ráðningarfyrirtækisins
The Muse, hefur skilgreint sjö algengustu og erfiðustu
týpurnar og komið með ráð til að tækla þær.
1 Einokarinn Gangi ykk-ur vel að halda stuttan fund
og hvað þá að halda dagskrá þegar
þessi týpa er í fundarherberginu. Ef
einhver opnar munninn þarf ein-
okarinn að koma sinni skoðun á
framfæri varðandi allt og ekkert sem
fram hefur komið. Hann gjarnan
veður úr einu í annað og þekkir ekki
sinn vitjunartíma.
Hvernig tæklar þú hann?
Láttu heyra í þér. Þeir sem einoka
fundi komast upp með það af því
að enginn tekur af skarið og bein-
ir spjallinu annað. Vertu hetjan í
hópnum og bjargaðu fundinum
einfaldlega með því að segja: „Við
verðum að komast yfir öll mál
á dagskrá svo við verðum að
snúa okkur að næsta máli.“
„Við höfum aðeins hálf-
tíma fyrir þennan fund
svo ég held að fólk ætti að
bíða með athugasemd-
ir þar til fundinum lýkur.“
„Þetta er merkilegt umfjöll-
unarefni en hins vegar erum
við komin af sporinu. Höldum
áfram að fjalla um X.“ Þú gætir líka
íhugað að tala við einokarann fyr-
ir fundinn og sagt eitthvað á þessa
leið: „Við höfum átt erfitt með að
halda einbeitingu á síðustu fund-
um og höfum því farið langt fram úr
tímaáætlun. Ertu til í að hjálpa mér
við að halda dagskránni réttri?“
2 Slettirekan Slettirek-an krefst meiri upplýsinga um
líf þitt en þú kærir þig um að deila
og gefur sig ekki fyrr en hún hef-
ur fengið að vita allt um ástalíf þitt,
heilsuna og jafnvel hugmyndir um
barneignir. Þetta eru þeir sem spyrja
þig hvort þú sért ófrísk eða hvort þú
sért að reyna, og velta gjarnan fyr-
ir sér öllum ákvörðunum sem þú
tekur.
Hvernig tæklar þú hana?
Það mikilvægasta er að muna að
þú þarf ekki að deila persónuleg-
um smáatriðum ef þú vilt það ekki.
Margir vilja ekki vera dónalegir en
það er ekkert dónalegt við það
að neita að blaðra um sitt
allra heilagasta. Það er
allt í lagi að gera sletti-
rekunni kurteislega en
ákveðið grein fyrir að
sumt viltu eiga fyrir
þig. Þú gætir haft þess-
ar setningar til hlið-
sjónar: „Þetta er ótrúlega
persónuleg spurning.“ „Af
hverju viltu vita það?“ „Mér finnst
óþægilegt að ræða þetta.“ „Ég vil
ekki tala um ástalíf mitt/val mitt
á getnaðarvörnum/væntanlega
skurðaðgerð.“
3 Sá lati Á meðan þú þræl-ar hangir sá seini í símanum
sínum, skipuleggur að gamni sínu
draumafótboltaliðið sitt eða horfir á
öll kattarmyndbönd á YouTube sem
hann finnur. Þú og allir aðrir starfs-
menn vita að hann er ekki að skila
sínu en einhverra hluta vegna kemst
hann upp með það.
Hvernig tæklar þú hann?
Þú hefur tvo valmöguleika. Þú get-
ur horft fram hjá letinni eða sagt
hug þinn. Það gæti verið að yf-
irmaðurinn taki hrein-
lega ekki eftir þessu en
svo gæti einnig verið
að hann sé að taka
á málinu á bak við
tjöldin. Svo kem-
ur þér þetta kannski
ekki beint við – svo
lengi sem leti hans hef-
ur ekki áhrif á þína vinnu.
Ef leti vinnufélaga verður til þess
að auka álagið hjá þér þá ættir þú að
taka málin í þínar hendur. Spjallaðu
við þann lata. Ef það hefur engin
áhrif verður þú að upplýsa yfirmann
þinn um stöðuna. Mundu bara að
halda fókusnum á því hvernig þetta
hefur áhrif á þína vinnu.
4 Skrafskjóðan Skraf-skjóðan talar. Mikið. Þessar
týpur eru sérstaklega duglegar að
plata þig í langar samræður þegar
þú þarft að skila verkefni eða ert á
leiðinni heim úr vinnu og þær skilja
ekki þegar þú reynir að eyða sam-
talinu. Þetta eru oft góðu týpurn-
ar sem verður til þess að þú fyllist
samviskubiti þegar þú hörfar í burtu
þegar þú sérð þær nálgast.
Hvernig tæklar þú hana?
Mundu að þér er ekki skylt að láta
einhvern eyða mikilvægum tíma
þínum og að það er í fínu lagi að
útskýra að þú getir ekki spjallað.
Prófaðu eitthvað af þessu: „Ég er að
drífa mig með verkefni. Má ég kíkja
á þig þegar ég hef tíma?“ „Ég þarf
að hlaupa á fund.“ „Ég er orðinn of
seinn. Tölum um þetta seinna.“ Þú
gætir líka sett tímamörk á spjall-
ið með því að segjast aðeins hafa
mínútu til að spjalla vegna anna eða
veifað blöðunum sem þú heldur á
og sagst þurfa að skila þessu á rétt-
an stað.
5 Sá fúli Ef þú hefur ein-hvern tímann unnið með ein-
hverjum sem hreinlega smita
frá sér neikvæðni veistu
hversu hversu erfitt er að
eiga við þá samskipti. Til-
lögur, ný verkefni, nýir
starfsmenn og sérstaklega
nýir yfirmenn – þetta er allt
ömurlegt í augum þess fúla.
Og þeir sjá til þess að þú vit-
ir það.
Hvernig tæklar þú hann?
Ef þú ert yfirmaður þess fúla skaltu
tala við hann. Annars getur nei-
kvæðnin breiðst út um skrifstofuna.
Ef þú ert ekki yfirmaður er best að
tækla neikvæðni með húmor. Ef þú
getur séð þennan vinnufélaga sem
þinn eiginn Stanley úr The Office
muntu eiga auðveldara með að um-
bera hann. Mundu bara að ham-
ingjusamir einstaklingar haga sér
ekki svona. Ef þér tekst að hafa smá
samúð með þeim fúla gætir þú átt
auðveldara með að þola hann.
6 Hávaðaseggurinn Þú ert að reyna að ein-
beita þér en hávaðaseggur
sem hlær og skríkir ger-
ir það ómögulegt. Há-
vaðaseggurinn er líka
sá sem leyfir öllum að
hlusta á öll símtöl sín,
hækkar reglulega í út-
varpinu eða neitar að
hætta að blístra.
Hvernig tæklar þú hann?
Ef lætin hafa áhrif á vinnuna er best
að tala hreint út. Fæstir hávaða-
seggir gera sér grein fyrir að þeir séu
að trufla. Ekki bölva í hljóði, tjáðu
þig. Þú gætir sagt eitthvað á þessa
leið: „Ertu til í að lækka tónlistina.
Ég get ekki einbeitt mér. Takk.“ „Þú
gerir þér ekki grein fyrir hvað það er
truflandi að þú takir öll símtöl með
kveikt á hátalaranum. Ég heyri varla
í eigin viðmælendum. Getur þú
slökkt á hátalaranum?“ Ef þú ert ef-
ins um að þú eigir að segja hug þinn
skaltu muna að sjálfur myndir þú
vilja vita ef þú værir að trufla. Flest-
ir eru sama sinnis. Svo er afar sjálf-
sögð krafa að geta unnið vinnuna
sína án truflunar.
7 Beturvitringurinn Herra beturvitringur hef-
ur skoðun á öllu og elskar að segja
þér hvernig þú átt að vinna vinnuna
þína, hvað þú sagðir vitlaust á fund-
inum, af hverju viðskiptavinum þín-
um muni ekki líka hugmyndir þínar
og jafnvel hvers skyns launahækkun
þú munt fá í ár.
Hvernig tæklar þú hann?
Kraftur beturvitringsins liggur í
athyglinni sem þú gefur honum.
Næst þegar hann ákveður að deila
með þér visku sinni óumbeðið
skaltu ekki veita því neina athygli. Ef
þér finnst þú verða að svara varastu
þá að gleðja hann með því að stofna
til samræðna. Í staðinn getur þú
einfaldlega sagt: „Takk, ég pæli
í því.“ Þú getur líka notað að-
ferðir til að koma í veg fyrir
að hann byrji. Skiptu um
umræðuefni eða afsakaðu
þig og láttu þig hverfa.
Spjallaðu við
þann lata Ef
það hefur engin
áhrif verður þú að
upplýsa yfirmann
þinn um stöðuna.