Dagblaðið Vísir - DV - 25.10.2013, Blaðsíða 56

Hæg eru
heima­
tökin!
Atli Fannar
genginn út
n Atli Fannar Bjarkason, einn
heitasti piparsveinn landsins
og aðstoðarmaður Guðmundar
Steingrímssonar, formanns
Bjartrar framtíðar, er genginn
út. Þetta kemur fram í nýjasta
tölublaði Séð og heyrt en þar
kemur fram að sú heppna sé
Lilja Kristjánsdóttir, 23 ára starfs­
maður hjá Nova. Atli Fannar var
valinn einn af þrettán heitustu
piparsveinum í umfjöllun DV í
febrúar síðastliðnum og því hef­
ur Lilja aldeilis dottið í lukku­
pottinn.
Talnaglöggur
Kristinn
n Fréttamaðurinn Kristinn
Hrafnsson lætur gjarnan til sín
taka á Facebook, sem annars
staðar. Hann hefur reiknað út, að
samkvæmt nýjustu fylgistölum
stjórnmálaflokkanna hafi hvorki
fleiri né færri en 18.469 kjósend­
ur snúið baki við Framsóknar­
flokknum, eða „áttað sig á því að
þeir voru hafðir að fíflum.“
„Aðeins 5.804 kjósendur
Sjálfstæðisflokks hafa komist
að sömu niðustöðu. Er þetta
tölfræðileg sönnun þess að
kjósendur
Framsóknar­
flokksins
séu al­
mennt bet­
ur gefnir?“
spyr hann.
Gott verð til
Búdapest
n Þorsteinn Már Baldvinsson, for­
maður stjórnar Síldarvinnsl­
unnar, gerði vel við starfsmenn
fyrirtækisins á dögunum.
Vinnslan bauð öllu starfsfólki,
360 manns á árshátíð til Búda­
pest, eins og DV greindi frá á
miðvikudag. Hann sagði við DV
að ferðin hefði sannarlega verið
þess virði. Spurður um kostn­
að sagðist hann reikna með að
Icelandair hefði „gefið okkur
gott verð“. Líklega er það ekki
fjarri lagi. Björgólfur Jóhannsson,
forstjóri Icelandair, var fram­
kvæmdastjóri Síldarvinnslunnar
um árabil, frá
árinu 1999–
2005. Hann
hefur líkega
ekki okrað
á gömlum
vinnuveit­
anda.
V
ið vonuðumst til að það yrði
fjölmennt en við þorðum ekki
að vona að mætingin yrði
svona góð,“ segir Helgi Rúnar
Óskarsson, forstjóri 66°Norður. Fyrir­
tækið stóð á miðvikudagskvöld fyrir
fyrirlestrum í Háskólabíói þar sem
íslenskir afreksmenn, þau Vilborg
Arna Gissurardóttir suðurpólfari og
Leifur Arnar Svavarsson Everestfari,
fluttu framsögu.
Húsfyllir var í Háskólabíói, yfir
þúsund manns mættu og hlýddu á
magnaðar frásagnir þeirra beggja
af ævintýrum sínum í hálfan þriðja
klukkutíma. Helgi Rúnar segir að
flestir hafi fengið sæti en einhverjir
hafi ef til vill þurft að koma sér fyrir
úti við veggi eða í tröppum. Frábært
hafi verið að upplifa þann áhuga
og þá stemmingu sem myndaðist.
„Þau eru einstakt afreksfólk bæði
tvö,“ segir Helgi Rúnar og rifjar upp
að Vilborg Arna hafi með ferð sinni
á suðurpólinn safnað 37 milljónum
fyrir styrktarfélagið Líf. „Í sinni fram­
sögu tók hún fyrir blöndu af ferða­
sögu sinni og markmiðasetningu.
Hún fjallaði um hvernig nýta mætti
þá tækni í lífinu sjálfu.“ Fulltrúi DV
sem var í salnum segir að Leifur
hafi sagt frá sinni för upp norður­
hlíð Everst á sérstaklega grípandi og
áhugaverðan máta auk þess að sýna
hrikalegar myndir. Fyrirlestrarnir
hafi verið áhugaverðir en ólíkir.
Slysavarnafélagið Landsbjörg var
einnig á staðnum og kynnti upp­
lýsingavef Safetravel.is um örugga
ferðamennsku á Íslandi.
Helgi segir að þau hafi bæði leitað
til 66°Norður þegar kom að því að
búa sig fyrir ferðirnar. Fyrirtækið hafi
til að mynda sérsaumað dúnsam­
festing á þau bæði. „Við höfum klætt
þau upp í þessar ferðir og auk þess
reynt að hjálpa þeim að safna fjár­
magni til að gera þeim þetta kleift.“ n
„Þau eru einstakt afreksfólk“
n Húsfyllir var á fyrirlestri Vilborgar og Leifs Arnars í Háskólabíói
Fréttaskot 512 70 70Áskrift 512 70 80HELGARBLAÐ 25.–27. oKtóBer 2013 121. tbl. 103. árg. leiðb. verð 659 kr.
Húsfyllir Leifur, Vilborg og Helgi í Há-
skólabíói. Fullt var út úr dyrum í salnum.