Dagblaðið Vísir - DV - 13.12.2013, Blaðsíða 8

Helgarblað 13.–16. desember 20138 Fréttir
,,Fékkst enginn
til að búa hérna“
Eyjólfur Valdimarsson, yfirmaður á RÚV, ræðir um fría húsnæðið á Vatnsenda
Þ
að var gengið á alla hús­
verði hérna í Efstaleitinu og
það fékkst enginn til að búa
þarna,“ segir Eyjólfur Valdi­
marsson, forstöðumaður
þróunarsviðs Ríkisútvarpsins, að­
spurður hvernig það hafi borið að
að Kristín Harpa Hálfdánardóttir,
yfirmaður íþróttafrétta hjá RÚV, var
fengin til að búa frítt í húsi sem er í
eigu RÚV á Vatnsendahæð í Kópa­
vogi. Í húsinu er vararafstöð Ríkis­
útvarpsins, geymsla fyrir ýmiss kon­
ar hluti sem stofnunin á sem og
útvarpssendar.
DV greindi frá málinu í blaði sínu
á þriðjudaginn og ræddi við Kristínu
Hörpu um húsið. Hún sagði skyldur
sínar sem staðarhaldara vera eftir­
farandi: „Þetta er engin höll […] Það
er bara að fylgjast með stórum sal
sem er þarna, sem er fullur af dóti
frá RÚV, það þarf að fylgjast með ör­
yggiskerfinu og brunakerfinu og svo
er þarna dísilvél, sem þarf að fylgj­
ast með og starta reglulega, sem er
vararafstöð fyrir RÚV.“ Kristín Harpa
hefur búið í húsinu síðan árið 2010
og greiðir ekki leigu. Hún sagði að
í staðinn fyrir að búa í húsinu sinni
hún verkefnum sem tengjast því,
fylgist með og vakti muni, vararaf­
stöð og annað.
Húsið er á milli 500 og 600 fer­
metrar og segir Eyjólfur að íbúðin
sjálf sé um 90 fermetrar að stærð.
Vantaði húsnæði
Eyjólfur segir að Kristín Harpa hafi á
þessum tíma verið að flytja frá Hvera­
gerði til Reykjavíkur og að hana hafi
vantað húsnæði í borginni. „Það
hittist þannig á að Kristín Harpa var
að flytja frá Hveragerði til Reykja­
víkur og vantaði húsnæði í bænum.
Hún var þá spurð að því hvort hún
væri tilbúin að taka að sér búsetu
gegn því að sinna eftirliti með því.“
Aðspurður hvort íbúðin í húsinu
hafi verið boðin öðrum starfsmönn­
um RÚV, eða auglýst, segir Eyjólfur
að svo hafi ekki verið. „Nei, þetta
er ekkert auglýst eða neitt slíkt. Við
töldum okkur bara heppna að finna
einhvern sem væri reiðubúinn að
taka þetta að sér og búa þarna.“
Í samtali við DV á þriðjudaginn
sagði Kristín Harpa að hún hefði
verið beðin um að taka að sér að
vera staðarhaldari í húsinu. „Ég veit
eiginlega ekkert annað um þetta en
það að ég er staðarhaldari […] Ég veit
lítið annað um þetta en hvað ég geri
þarna.“
Bjó í húsinu í tíu ár
Eyjólfur segir að íbúðin í húsinu á
Vatnsendahæð hafi losnað eftir að
yfirhúsvörður RÚV lét af störfum hjá
stofnuninni fyrir nokkrum árum.
Búsetu í húsinu má rekja aftur til
ársins 2001 þegar RÚV sá fram á að
þurfa að hafa einhvern starfsmann
á vakt í því allan sólarhringinn. Yfir­
húsvörðurinn flutti þá inn í það:
„Húsið hafði verið mannlaust um
nokkurra ára skeið þegar við ákváð­
um, árið 2001, að fá einhvern til að
búa þarna því þetta er mjög mikil­
væg sendistöð fyrir RÚV. Við inn­
réttuðum íbúð því íbúðabyggðin
hafði færst nær húsinu og við sáum
að það var meiri traffík þarna: tóm­
ar áfengisflöskur og sprautunálar
voru til dæmis í kringum húsið. Ára­
tugum saman hafði þetta hús verið
mannað af vaktmönnum allan sól­
arhringinn af því langbylgjustöðin
hafði verið þarna.“
Greiðir skatt af hlunnindunum
Líkt og kom fram í DV á þriðjudaginn
þá felst í því ágætis búbót að þurfa
ekki að greiða leigu eða afborganir af
húsnæði sínu. Skýringarnar á því af
hverju sú er raunin hjá einum af yfir­
mönnum RÚV liggur fyrir í framan­
nefndum skýringum. Eyjólfur segir
enn fremur að búsetan í íbúðinni sé
hlunnindi sem Kristín Harpa greiði
staðgreiðslu skatta af. n
Ingi Freyr Vilhjálmsson
ingi@dv.is
„Hún var þá spurð
að því hvort hún
væri tilbúin að taka að sér
búsetu gegn því að sinna
eftirliti með því.
Skattlagt sem hlunnindi Búsetan í húsinu
er skattlögð sem hlunnindi að sögn Eyfjólfs
Valdimarssonar. Hann segir engan hafa viljað búa í
húsinu og því hafi Kristín Harpa verið beðin um það.
Vantaði húsnæði
Eyjólfur segir að enginn af
húsvörðum RÚV hafi viljað búa
í íbúðinni og því hafi Kristín
verið beðin um það. Það þótti
heppilegt enda vantaði Kristínu
húsnæði á þeim tíma.
Mynd SIGtryGGur arI
Öll spjót beinast að ráðuneytinu
Hanna Birna fór fyrir stjórnskipunar- og eftirlitsnefnd í vikunni og svaraði fyrir leka trúnaðarupplýsinga
S
kjal sem ber heitið „Minnis­
blað varðandi Tony Omos“ og
lekið var á valda fjölmiðla í síð­
asta mánuði er ekki til á mála­
skrá hjá Útlendingastofnun og ríkis­
lögreglustjóra og þar kannast enginn
við að hafa séð skjalið. Þetta gengur
í berhögg við það sem Hanna Birna
Kristjánsdóttir hefur sagt undan­
farið en hún hefur vísað til þess að
Útlendingastofnun, lögreglan og
lögmenn hælisleitendanna hafi haft
umrædd gögn undir höndum. Öll
spjót beinast nú að innanríkisráðu­
neytinu en Hanna Birna var kölluð
fyrir stjórnskipunar­ og eftirlitsnefnd
á þriðjudag vegna málsins.
Minnisblaðið byggir á skjölum
ráðuneytisins um málsmeðferð
hælisleitendanna en Mbl.is sagði
það vera upprunnið í ráðuneytinu.
Lögmenn hælisleitendanna hafa
ekki fengið minnisblaðið afhent frá
ráðuneytinu þrátt fyrir formlega
beiðni þess efnis. Lögmaður Tony
Omos hefur lagt fram kæru vegna
leka persónuupplýsinga um skjól­
stæðing hans til fjölmiðla. Málið
er litið alvarlegum augum. Svör
Útlendingastofnunar og ríkislög­
reglustjóra við fyrirspurnum DV
hafa verið skýr. Svör innanríkisráðu­
neytisins við ítrekuðum fyrirspurn­
um DV hafa hins vegar verið þver­
sagnarkennd og loðin eins og rekið
hefur verið í fyrri umfjöllun.
DV spurði Jóhannes Tómasson,
upplýsingafulltrúa ráðuneytisins, út
í það í síðustu viku hvort ráðuneytið
hygðist láta rannsaka hvernig skjal
sem ber öll merki þess að vera frá
innanríkisráðuneytinu komið, hafi
endað í höndunum á völdum fjöl­
miðlum. Sagðist hann ætla að kanna
hvernig svarað yrði. DV ítrekaði fyrir­
spurn sína viku seinna en þá sagðist
Jóhannes enn vera að kanna hvernig
svarið yrði. n jonbjarki@dv.is
Íhuga svör Innanríkisráðuneytið hefur tekið viku í að íhuga hvernig svara eigi fyrirspurn DV.
Niðurskurður
bitnar á
Afríku
Höfum aldrei náð mark-
miðum í þróunaraðstoð
Niðurskurðarhugmyndir ríkis­
stjórnarinnar hafa mætt miklum
óvinsældum síðustu daga. Með­
al annars vegna hugmynda um
niðurskurð til þróunaraðstoðar
sem nemur 700 milljónum króna
frá því í núverandi fjárlögum.
Gunnar Bragi Sigurðsson utan­
ríkisráðherra staðfesti í umræð­
um á Alþingi að ráðast ætti í
þennan niðurskurð.
Samkvæmt yfirliti í framlögðu
fjárlagafrumvarpi fyrir næsta ár
var stefnt að því að framlög Ís­
lands til þróunarmála næmu 0,26
prósentum af vergri þjóðarfram­
leiðslu. Það er langt frá þeim 0,7
prósentum sem er markmið sem
Sameinuðu þjóðirnar hafa sett
iðnvæddum ríkjum á borð við Ís­
land. Ekki einu sinni á góðæris­
árinu 2007 komst Ísland nálægt
þessu markmiði en þá nam þró­
unaraðstoð 0,24 prósentum af
landsframleiðslu.
Mest fer til
afríku
Stærstur hluti
þróunaraðstoðar
sem Íslendingar
taka þátt í fer í
gegnum Þróunar­
samvinnustofn­
un Íslands, eða um 1,8 milljarðar
króna á þessu ári. Öll starfsemi
stofnunarinnar er í Afríku og þá
helst þremur ríkjum; Malaví, Mó­
sambík og Úganda. Stærstur hluti
fjármunanna nýtist í Úganda,
eða rétt rúmur hálfur milljarður.
Þróunarsamvinnustofnunin, sem
komið var á fót árið 1971, starfar
líka að svæðaverkefni um jarð­
hitaleit í austanverðri álfunni.
Mikið hefur verið skorið nið­
ur í vinnu Þróunarsamvinnu­
stofnunarinnar en fyrir hrunið
2008 voru samstarfslönd Íslands
í tvíhliða þróunarsamvinnu sex
talsins en ekki þrjú. Á árunum
2009 til 2011 lokuðu Íslendingar
umdæmisskrifstofum sínum í
Namibíu, Níkaragva og Srí Lanka.
Eftir standa áðurnefnd þrjú lönd
en óvíst er hvaða afleiðingar 700
milljóna króna niðurskurður
mun hafa á starfsemina.
alþingi búið að álykta
Í mars 2013, í tíð síðustu ríkis­
stjórnar, samþykkti Alþingi þró­
unarsamvinnuáætlun fyrir árin
2013 til 2016 en hún fól meðal
annars í sér að hlutfall þróunar­
aðstoðar yrði komið í 0,42 pró­
sent af vergri landsframleiðslu í
lok tímabilsins. Í þingsályktun­
inni var lagt upp með að framlög
til þróunaraðstoðar yrðu komin í
0,28 prósent af þjóðarframleiðslu
árið 2014 og næmi samtals tæp­
um fimm milljörðum króna. Árið
2015 var gert ráð fyrir að hlutfall­
ið væri komið í 0,35 prósent.
Ljóst er að með niðurskurðin­
um nú verður ekki unnt að halda
í þá áætlun. Margoft hefur komið
fram í máli fulltrúa ríkisstjórnar­
innar, þá sérstaklega formanns
fjárlaganefndar, Vigdísar Hauks­
dóttur, að engin áform eru uppi
um að fylgja áætlunum eða plön­
um fyrri ríkisstjórnar í þessum
málefnum.
Gunnar Bragi
Sveinsson
„Stærstur hluti
nýtist í Úganda.