Dagblaðið Vísir - DV - 13.12.2013, Qupperneq 32

Helgarblað 13.–16. desember 201332 Skrýtið
n Skrýtnustu glæpirnir og heimskustu glæpamennirnir n Fyndið og sorglegt
Þ
að er aldrei góð hugmynd
að brjóta af sér en stundum
eru brot afbrotamanna svo
heimskuleg, klúðursleg,
furðuleg eða hreinlega
sorgleg að hinum almenna borgara
ofbýður vitleysan. Fréttir af furðu-
legum glæpum og heimskum glæpa-
mönnum vekja jafnan athygli og
lukku og hefur DV því tekið saman
brot af því „besta“ á árinu 2013 en
listinn er tekinn saman, í engri sér-
stakri röð, af vefsíðunni The Stir.
Hleraði eigið morðsamsæri
Bílasalinn Larry Barnett var hand-
tekinn vegna gruns um að hann
hefði í hyggju að myrða fyrrverandi
starfsmann sinn hjá Legend Motor
Company í Jonesboro í Arkansas.
Upp komst um fyrirætlan Barnetts
eftir að hann hringdi óvart í mann-
inn sem hann ætlaði að láta drepa
meðan hann var með símann í
vasanum. Fórnarlambið tilvonandi
heyrði Barnett lýsa því í smáatriðum
fyrir leigumorðingjanum, í 90 mín-
útur, hvað hann vildi láta gera til að
koma manninum fyrir kattarnef.
Það átti að líta út eins og slys. Mað-
urinn hafði samband við lögreglu
sem handtók hinn 68 ára bílasölu-
mann eftir að rannsókn á heimili
fórnarlambsins leiddi í ljós að brotist
hefði verið þar inn, átt við gaselda-
vél á heimilinu og búið þannig um
að allt myndi springa í loft upp næst
þegar kveikt væri á henni.
Hið gegnsæja dulargervi
Rúmlega fertugur Breti, Jamie Neil,
hafði setið að sumbli ásamt fé-
laga sínum kvöld eitt í september í
Cornwall þegar þeir fengu þá hug-
mynd að ræna bensínstöð í ná-
grenninu. Neil og hinn tvítugi
Gareth Tilly, ákváðu að dulbúa sig
fyrir verknaðinn. Eitthvað hugs-
uðu þeir það ekki alveg til enda.
Tilly vafði trefli um höfuð sér en
Neil fann greinilega enga lambhús-
hettu og ákvað því að setja glæran
og mjög svo gegnsæjan plastpoka
yfir höfuðið.
Afgreiðslumaðurinn var að
vonum smeykur þegar mennirnir
beindu að honum byssu meðan
þeir gripu áfengi úr hillum bens-
ínstöðvarinnar en hann róaðist þó
og kveikti á öryggiskerfinu þegar
hann áttaði sig á að byssan var í
raun farsími. Það var nefnilega hr-
ingt í Tilly og við það lýstist upp
lyklaborð símans. Félagarnir hlupu
þá út með rýra uppskeru. Tveimur
dögum síðar þekkti lögreglumaður
á frívakt Neil af myndum úr öryggis-
myndavél stöðvarinnar og handtók
hann á gangi um nágrennið. Þessir
góðkunningjar lögreglunnar hlutu
tveggja ára fangelsisdóm hvor.
Bíllyklalaus bankaræningi
Hinn 57 ára gamli Andrew Frank
Laviguer kemst á listann sem einn
heimskasti bankaræningi ársins.
Laviguer gekk inn í bankaútibú
Wells Fargo í Portland í Bandaríkj-
unum og fékk þar afhentar fúlgur
fjár gegn hótunum með byssu. Allt
virtist ganga eins og í sögu hjá kall-
inum þar til hann kom hlaupandi út
úr bankanum og ætlaði að hoppa
inn í bílinn sinn og bruna á brott.
Þá kom í ljós að hann hafði gleymt
bíllyklunum inni í bankanum. Tók
hann þá til fótanna með seðla-
slóðina á eftir sér og lögguna á hæl-
unum. Hann komst ekki langt og
var yfirbugaður af lögreglumanni og
vegfarendum skammt frá. Til að bíta
höfuðið af skömminni þá reyndist
byssan sem Laviguer notaði við
ránið vera leikfangabyssa. Athygli
vekur að hann var enginn byrjandi
í faginu því í ljós kom að hann var
eftirlýstur fyrir fimm önnur rán í
tveimur ríkjum. Dagsformið hefur
eitthvað svikið hann.
Náttúran kallar í morgunskokki
Það er misjafnt hvernig morgun-
rútínan er hjá fólki. Kona ein í Al-
buquerque Bandaríkjunum var af-
hjúpuð sem bölvaður sóði eftir að
maður einn sendi upptökur af henni
á staðarfréttastofuna KOAT. Maður-
inn sagðist í að minnsta kosti fjög-
ur skipti hafa séð konuna ganga
örna sinna upp við húsvegg heim-
ilis hans. Gerði hún þetta alltaf á
sama tíma, um helgar á meðan hún
var í miðju morgunskokkinu. Von-
aðist maðurinn til að hún myndi
hætta þessu ef hann birti mynd-
bandið opin berlega enda taldi hann
litlar líkur á því að hann yrði tekinn
alvarlega ef hann kærði framferðið
til lögreglu. Engum sögum fer af því
hvort konan hafi skammast sín til að
hætta að nota heimili mannsins sem
almenningssalerni.
Farsi á Facebook
Matthew Oliver, frá Flórída í Banda-
ríkjunum, var allt annað en sáttur
þegar lögreglan í Pasco-sýslu ákvað
að lýsa eftir honum á Facebook-síðu
embættisins undir myndaalbúminu
„Flóttamaður dagsins.“ Oliver var
eftirlýstur í tengslum við á rán og
ákvað að setja inn röð athugasemda
við myndina. Þar hélt hann fram
sakleysi sínu og útlistaði fjarvistar-
sönnun sína sem hljóðaði þannig að
hann hefði verið á sjúkrahúsi þegar
ránið var framið og að hann ætlaði
að leita réttar síns. Uppátækið vakti
mikla athygli meðal annarra not-
enda á Facebook sem gerðu stólpa-
grín að Oliver sem var handtekinn
tveimur dögum síðar. Talsmaður
lögreglunnar sagði það hafa gefið
góða raun að lýsa eftir flóttamönn-
um á Facebook en þetta væri í fyrsta
skipti sem einhver þeirra skrifaði
athugasemdir við eigin mynd.
Dópsali fékk lögregluaðstoð
Hinn 19 ára gamli Morgan Tapp,
frá Tennessee í Bandaríkjun-
um, hafði samband við lögreglu í
Murfreesboro í ágúst síðastliðn-
um allt annað en sáttur enda hafði
hann verið rændur. Tilkynnti hann
lögreglunni að af heimili hans væri
horfinn öryggisskápur. Svo ótrúlega
vildi til að nokkrum klukkustundum
síðar fannst óopnaður öryggisskápur
sem passaði við lýsingar Tapp. Á
meðan lögreglan beið eftir að Tapp
kæmi á lögreglustöðina til að vitja
skápsins merkti fíkniefnaleitarhund-
ur skápinn og vakti það grunsemd
lögreglumanna. Við komuna féllst
Tapp á að opna skápinn og kom þá
í ljós að inni í honum voru ósköpin
öll af kannabisefnum. Rúmlega 250
grömm í sölueiningum, pillur og 930
dalir í reiðufé. Var hinn ráðalausi
dópsali að sjálfsögðu handtekinn á
staðnum.
Blæti fyrir kúamykju
Eitt furðulegast blæti sem varð að
lögreglumáli á árinu hlýtur að til-
heyra hinum 44 ára gamla Breta
David Truscott. Hann er haldinn
þeim undarlegu hvötum að fá eitt-
hvað kynferðislegt út úr því að velta
sér nakinn upp úr kúamykju. Og
það verður að lögreglumáli þegar þú
þvælist í óleyfi inn á bóndabýli til að
fullnægja þessum undarlegheitum
og hótar síðan landeigendum lífláti
reyni þeir að stöðva þig. Truscott fór
alltaf á sama bóndabæinn og hef-
ur í þrígang verið dæmdur fyrir brot
tengd þessu blæti sínu. Bóndinn,
Clive Ross, hafði reynt ýmislegt til
að verjast ágangi Truscott, eins og
að þrífa mykjudreifarann sinn reglu-
lega, en þá svaraði Truscott fyrir sig
með því að kveikja í hlöðunni hans.
Fyrr á þessu ári var Truscott fluttur
af geðdeild og í fangelsi til að afplána
dóm sem hann hlaut fyrir að rjúfa
skilorð.
Reyndi að selja barnið sitt
– tvisvar
Næsta frétt er eiginlega meira sorgleg
en skrýtin þó vissulega sé athæfið
heimskulegt. Leeanna Brown frá
Kentucky var handtekin á dögunum
eftir að hún reyndi að selja barnunga
dóttur sína. Til að gera illt verra þá var
þetta í annað skiptið sem hún reyndi
að koma barninu í verð. Upp komst
um málið eftir að Luonda Martin,
frænka Brown, kom á lögreglustöð-
ina í Elizabethtown til að kvarta und-
an frænku sinni. Martin taldi sig vera
að fara að ættleiða barnið til að búa
því betra heimili en þá hafi Brown
allt í einu farið að heimta greiðslur og
framfærslu. Hún vildi sumsé eitthvað í
staðinn fyrir barnið. Martin hafði tek-
ið barnið að sér eftir að tilraun Brown
til að selja barnið fyrir 5 þúsund dali
gekk ekki eftir. Leeanna Brown á tvær
aðrar ungar dætur. Systurnar búa nú
allar saman á fósturheimili á með-
an móðir þeirra á yfir höfði sér allt að
fimm ára fangelsi. n
Furðulegustu
glæpir ársins
Misheppnaðir glæpamenn
Furðufréttir af misheppnuðum
glæpamönnum virðast ansi
margar koma frá Bandaríkjunum.
Einhverra hluta vegna. MyND ReuteRs
Matthew Oliver Var eftirlýstur á
Facebook-síðu lögreglunnar í Pasco-sýslu.
Ákvað að tjá sig í athugasemdakerfinu.
Larry Barnett Maðurinn sem hann ætlaði
að láta drepa fékk að hlusta á ráðabruggið.
Andrew Frank Laviguer Gleymdi
bíllyklunum inni í bankanum sem hann
hafði nýlokið við að ræna.
Leeanna Brown Reyndi að selja ungbarn
sitt í tvígang.
Jamie Neil Rændi bensínstöð í Bretlandi
með gegnsæjan plastpoka á höfðinu.
Versta dulargervi ársins.
David truscott Er reiðubúinn að stofna
lífi bænda í hættu til að fá að fullnægja sér
í mykjuhaug.