Dagblaðið Vísir - DV - 31.10.2008, Page 16

föstudagur 31. október 200816 Helgarblað
Einblíndi á útrás
Árið 2000 sameinuðust FBA
og Íslandsbanki í skugga mikillar
valdabaráttu um bankann en Davíð
Oddsson, þá forsætisráðherra, brást
hinn versti við þegar Orca-hópur-
inn svokallaði náði undirtökunum
í FBA. Fjórmenningarnir Eyjólfur
Sveinsson, Jón Ólafsson, Þorsteinn
Már Baldvinsson og Jón Ásgeir Jó-
hannesson mynduðu þennan hóp
sem var mikill þyrnir í augum Dav-
íðs og í skjóli þeirra varð Bjarni
bankastjóri Íslandsbanka. Sagan
segir að Bjarni hafi gert ýmislegt fyr-
ir fjórmenningana í staðinn og hann
gekk meðal annars oft erinda Orca-
hópsins í Íslandsbanka.
Eftir sameininguna var Bjarni
skyndilega orðinn bankastjóri í
stærsta banka landsins og sam-
kvæmt heimildum DV einblíndi
Bjarni á þeim tíma á fjárfestinga-
hugsunina sem og útrás bankans
erlendis. Það mun til dæmis hafa
verið mikið áfall fyrir hann þeg-
ar KB banki keypti FIH-bankann í
Danmörku, sem síðar var lagður að
veði hjá Seðlabanka Íslands, en Ís-
landsbanki hafði tekið þátt í kapp-
hlaupinu um danska bankann.
Bjarni sneri sér þá til Noregs og sá
um kaup á KredittBanken og BN-
banka þar í landi.
Fékk sjö milljarða
Nokkrum árum síðar varð Ís-
landsbanki að viðskiptabankan-
um Glitni. Þar gegndi Bjarni stöðu
bankastjóra til ársins 2007 þegar
Lárus Welding tók við starfinu og
fékk heilar þrjú hundruð milljón-
ir króna fyrir það eitt að hefja þar
störf. Sjálfur leysti Bjarni þá út sjö
milljarða í hlutafé úr bankanum auk
þess sem hann fékk nærri hálfan
milljarð þegar hann hætti störfum.
„Hann seldi allt og sýndi þar
með að þessi kafli væri endanlega
búinn,“ segir einn viðmælenda DV
um starfslok Bjarna. Annar segir
að ástæðan fyrir því að Bjarni hætti
störfum, þrátt fyrir að hafa margfald-
að bankann í sinni tíð, hafi verið sú
að honum hugnuðust ekki breyttar
áherslur í rekstri Glitnis. Það er að
bankinn sækti enn frekar á erlend
mið og sigldi þar með í kjölfar Kaup-
þings sem hafði tútnað gríðarlega út
við landvinninga sína.
„Hann er mjög varkár fjárfestir,“
sagði einn viðmælenda DV.
Áttaði sig á kreppunni
„Hann er rosalega fljótur að
greina kjarnann frá hisminu,“ sagði
einn viðmælanda DV um viðskipta-
hæfileika Bjarna en því til stuðnings
má nefna að Bjarni sagði fyrir ári
að stórefla þyrfti Fjármálaeftirlitið
hér á landi. Í apríl síðastliðnum var
hann í viðtali við norska blaðið Dag-
ens Næringsliv þar sem hann varaði
við stærð íslensku bankanna. Enn
fremur sagði hann að óróleikinn í
fjármálalífi Íslendinga myndi halda
áfram. Vandamálið á Íslandi væri
hraður vöxtur íslenska bankakerfis-
ins, en gjaldeyrisvarasjóður Seðla-
bankans hefði ekki fylgt þeim vexti.
„Fjármálageirinn þarf að endur-
skipuleggja sig en Íslendingar koma
sterkari en áður út úr þeirri endur-
skipulagningu,“ sagði Bjarni í apríl
en yfirskrift greinarinnar var: Raun-
hæfara að búa í Noregi en Reykja-
vík.
Orkumikill Bjarni
„Hann er gríðarlega orkumikill
maður,“ sagði einn viðmælandinn
við DV um Bjarna en eins og þekkt
er hleypur hann maraþon á milli
þess sem hann fjárfestir víða um
heiminn. Þá heklar hann einnig og
segir það róa taugarnar.
Bjarni situr ekki auðum höndum
í Noregi því hann hefur gengið til
liðs við bandaríska fjárfestingarsjóð-
inn Paine & Partners þar sem hann
starfar við að leita góðra fjárfest-
inga í Norður-Evrópu. Að launum
fær hann ýmist að taka þátt í verk-
efnum sem honum þykja áhugaverð
eða þóknun fyrir að finna áhuga-
verð tækifæri. Hjá sjóðnum starfa
tuttugu og tveir fjárfestar. Bjarni
hefur þó ekki alfarið snúið baki við
íslensku viðskiptalífi því hann á
tölvufyrirtæki á æskuslóðum sínum,
Akranesi, auk fleiri fyrirtækja.
500 millur í REI
Orkuboltinn Bjarni Ármanns-
son hugsaði sér gott til glóðarinn-
ar þegar hugmyndir komu upp um
að sameina Geysi Green Energy og
útrásarsvið Orkuveitunnar og gera
þekkingu Íslendinga á framleiðslu
umhverfisvænnar orku að upp-
sprettu gríðarlegra auðæva. Bjarni
varð því einn af aðalleikurunum
í REI-málinu svokallaða sem átti
heldur betur eftir að draga dilk á eft-
ir sér. REI-málið hófst í september á
síðasta ári þegar tilkynnt var form-
lega á blaðamannafundi að Bjarni
yrði stjórnarformaður Reykjavik En-
ergy Invest, útrásararms Orkuveitu
Reykjavíkur, en hann tók við af Birni
Ársæli Péturssyni sem síðar réð
sig til starfa hjá Landsbankanum í
Hong Kong.
Á sama blaðamannafundi kom
fram að félagið hygðist safna um 50
milljarða króna hlutafé til að hefja
fjármögnun alþjóðlegra jarðhita-
verkefna.
Bjarni hafði ekki setið lengi sem
stjórnarformaður þegar stjórnmála-
menn fóru að gagnrýna samninga
um kaup á hlut hans í REI en Bjarni
keypti fyrir fimm hundruð milljón-
ir króna á genginu 1,278. Til marks
um hversu góð kaup þetta voru
fengu fjórir aðrir starfsmenn REI að
kaupa fyrir tíu milljónir hver á geng-
inu 2,77 og því ljóst að Bjarni hafði á
nokkrum dögum meira en tvöfald-
að fjárfestingu sína. Bjarni komst þó
að því að kaupin voru „too good to
be true“,eins og það er orðað.
„Bjarni minnir oft á pól-
itíkus frekar en banka-
stjóra. Hann hefur
gaman af að plotta og
skiptir um bandamenn
án þess að blikna.
Þannig á hann það til
að skilja aðra eftir í
súpunni til að sleppa
sjálfur.“
Fullur af orku bjarni þykir sameina í
einum manni tvo mjög ólík áhugamál.
Maraþonhlaup sem krefjast mikillar orku
og það að hekla sem róar hann niður.