Dagblaðið Vísir - DV - 12.10.2012, Síða 2

2 Fréttir 12.–14. október 2012 Helgarblað
Stærsta áhætta
Íslands
3 Útgerðarfé-lagið Sam-
herji, og tengd
fyrirtæki, er orðið
stærsta einstaka
kerfisáhættan í ís-
lenska bankakerf-
inu hvað varðar
lánveitingar til einstaka fyrirtækis
eða fyrirtækjanets. Þetta herma
heimildir DV. Samherji skuldaði um
75 milljarða króna í íslenska banka-
kerfinu í október 2008. Öfugt við
mörg af stærri fyrirtækjum landsins,
sem voru mjög skuldsett fyrir hrun,
hefur Samherji ekki gengið í gegn-
um erfiðleika síðustu ár. Þvert á móti
hefur Samherji veitt vindi í seglin og
keypt upp fyrirtæki sem lent hafa í
fangi bankanna eftir hrun.
Fleiri í mál
við Boga
2 „Þetta mál er sérlega
sársaukafullt og
sorglegt fyrir mig
og hefur verið
dómsmál síðan
árið 2011. Lögmað-
ur minn hefur ráð-
lagt mér að ræða ekki um málið op-
inberlega meðan það er fyrir dómi,“
sagði Eggert Dagbjartsson, fjár-
festir sem búsettur er í Cambridge
í Massachusetts í Bandaríkjunum,
í DV á miðvikudag. Blaðið fjallaði
þá um dómsmál sem Eggert hefur
höfðað gegn eignarhaldsfélagi Boga
Pálssonar fjárfestis, Shd Acquisition
LLC, vegna viðskipta þess með
svefnrannsóknar fyrirtækið Flögu í
ágúst í fyrra.
Leyniplagg
rannsakað
1 Komið hefur upp á yfir-
borðið leyniplagg
sem varpar nýju
ljósi á deilurnar
um Bónusgrísinn.
Skjalið er frá árinu
1991 og veitir Bón-
us notkunarrétt á
Bónusgrísnum til tuttugu ára
að ákveðnum skilyrðum uppfyllt-
um. Samningurinn er undirritaður
af feðgunum Jóhannesi Jónssyni
og Jóni Ásgeiri Jóhannessyni auk
hönnuðar vörumerkisins, Edithar
Randýjar Ásgeirsdóttur. Fjallað var
um málið í mánudagsblaði DV en
samkvæmt heimildum blaðsins hafa
Jóhannes og Jón Ásgeir aldrei viljað
kannast við samninginn.
Fréttir vikunnar Þessar fréttir bar hæst í DV í vikunni
Braut vegg
með beltagröfu
Útveggur í íbúðarhúsnæði í
Reykjanesbæ brotnaði í vikunni
þegar skófla á stórri beltagröfu
rakst í hann. Unnið var að því
að rífa niður bílskúr í nágrenni
við húsið þegar óhappið átti sér
stað. Lögreglan á Suðurnesjum
kom á vettvang en þá sást að
búið var að dælda bárujárn á
einni hlið hússins. Þegar inn var
komið reyndist veggurinn hins
vegar brotinn. Þetta kemur fram
í tilkynningu frá lögreglunni.
Þar segir einnig að sá sem var
að vinna á beltagröfunni hafði
talið að hann hefði farið of nærri
veggnum með áðurgreindum
afleiðingum.
Safna fyrir
bændur
Landssamtök sauðfjárbænda
hafa ákveðið að efna til söfnunar
til að styðja við bakið á bændum
sem urðu fyrir áföllum í óveðr-
inu sem gekk yfir Norðurland í
byrjun septembermánaðar. Sér-
stök verkefnisstjórn hefur verið
skipuð til að hafa umsjón með
söfnuninni með Guðna Ágústs-
son, fyrrverandi landbúnað-
arráðherra, í fararbroddi. Auk
hans eiga Dagbjört Bjarnadóttir,
oddviti Skútustaðahrepps, Jón
Aðalsteinn Baldvinsson, fyrr-
verandi vígslubiskup á Hólum,
Friðrik Friðriksson, fyrrver-
andi sparisjóðsstjóri á Dalvík,
og Þórarinn Ingi Pétursson, for-
maður Landssamtaka sauðfjár-
bænda, sæti í stjórninni. Þeir
sem vilja styðja leggja málefn-
inu lið geta lagt framlag inn á
reikning nr. 0161-15-380370, kt.
630885-1409, í Landsbankanum
á Sauðárkróki.
Sækja refSibætur
til boga í Denver
H
éraðsdómur í borginni
Denver í Colorado í Banda-
ríkjunum hefur úrskurðað
að Arion banki og íslenski
fjárfestirinn Eggert Dag-
bjartsson megi bæta refsibótakröfu
(e. punitive damages) við stefnur
sínar gegn Boga Pálssyni. Líkt og
DV greindi frá í vikunni hafa Arion
banki og Eggert stefnt Boga í Den-
ver vegna viðskipta hans með svefn-
rannsóknarfyrirtækið Flögu í fyrra.
Dómurinn í Denver úrskurðaði um
refsibótakröfuna á þriðjudaginn
var, daginn eftir að DV greindi frá
málaferlunum gegn Boga. Þetta
kemur fram í úrskurðunum frá
dóminum í Denver sem DV hefur
undir höndum. Refsibótakröfurnar
bætast því við skaðabótakröfurnar
sem Arion banki og Eggert hafa nú
þegar sett fram gegn Boga og félög-
um hans.
Telur refsiverða háttsemi líklega
Samkvæmt gildandi lögum í Colorado-
fylki geta dómstólar þar fallist á refsi-
bótakröfur þegar „skaðinn sem um
ræðir er tilkominn vegna fjársvika,
refsiverðs ásetnings til að valda
öðrum tjóni eða tilefnislauss, vísvit-
andi brots“, samkvæmt því sem fram
kemur í lögunum. Þetta er einmitt
niðurstaða dómsins en orðrétt segir í
úrskurðinum: „Dómurinn, sem býr yfir
nægjanlegum upplýsingum og sér rök
fyrir kröfunni sem lögð er fram, fellst
hér með á hana.“
Þrátt fyrir að dómurinn hafi fallist
á kröfur Arion banka og Eggerts um
refsibótakröfurnar þá þýðir það ekki að
komist hafi verið að þeirri niðurstöðu
að Bogi og eignarhaldsfélög hans hafi
brotið lög, gerst sek um fjársvik, held-
ur aðeins að rétturinn telji staðreynd-
ir málaferlanna réttlæta kröfugerð
þeirra gegn Boga. Kæra gegn Boga og
félögum hans hefur hins vegar ekki
verið lögð fram til opinberra aðila í
Bandaríkjunum.
Bogi og eignarhaldsfélög hans hafa
14 daga til að svara breytingunum á
stefnum Arion banka og Eggerts gegn
Boga og félögum hans.
Hagnaðist verulega
Stefnurnar ganga út á að Bogi Pálsson
hafi svikið og blekkt Arion banka og
Eggert í ágúst í fyrra þegar hann keypti
tæplega 12 milljóna dollara skuldir
Flögu af bankanum fyrir 4 milljónir
dollara. Þremur vikum seinna seldi
Bogi eitt af dótturfélögum Flögu fyrir
16 milljónir dollara, fjórum sinn-
um hærra verð. Eggert var hluthafi og
stjórnarmaður í félaginu en vissi ekk-
ert um viðskipti Boga við bankann fyrr
en þau voru frágengin. Arion banki og
Eggert vilja báðir láta slíta kaupsamn-
ingi bankans og Boga á þeim grund-
velli að um fjársvik hafi verið að ræða.
Bogi hafði gert samning við bank-
ann í árslok 2008 í tengslum við fjár-
hagslega endurskipulagningu Flögu en
samkvæmt honum átti hann að vinna
að því fyrir hönd bankans að selja
eignir Flögu uppi í skuldirnar við Arion
banka og eða endurfjármagna félag-
ið. Bogi greindi bankanum hins vegar
frá því að ekkert gengi að finna kaup-
anda að eignum Flögu, sumarið 2011,
eftir að hann hafði hafið samningavið-
ræður um kaup bandaríska svefnrann-
sóknarfyrirtækisins Natus á einu af
dótturfélögum Flögu, Emblu. Fyrir vik-
ið hagnaðist hann um milljónir dollara
á kostnað Arion banka sem þurfti að
afskrifa hluta af skuldum Flögu eftir
söluna á svefnrannsóknarfyrirtækinu.
Ekki náðist í Helga Jóhannes-
son, lögmann Boga, við vinnslu
fréttarinnar. Bogi sjálfur hefur ekki
viljað ræða beint við blaðið heldur
hefur vísað á Helga. n
n Arion banki og Eggert geta sótt refsibætur til Boga„Dómurinn, sem
býr yfir nægjan-
legum upplýsingum og
sér rök fyrir kröfunni sem
lögð er fram, fellst hér
með á hana.
Ingi Freyr Vilhjálmsson
fréttastjóri skrifar ingi@dv.is
Sækja refsibætur til Boga
Arion banki og Eggert Dagbjartsson
mega sækja refsibætur til Boga
Pálssonar og eignarhaldsfélaga
hans vegna viðskipta með svefn-
rannsóknarfyrirtækið Flögu í fyrra.