Dagblaðið Vísir - DV - 12.10.2012, Qupperneq 28

28 Viðtal 12.–14. október 2012 Helgarblað
Í
pólitík þarf maður að láta hjart­
að ráða för. Hjarta mitt slær á
heimaslóðum. Ég hef alltaf ver­
ið feikilega mikill landsbyggða­
strákur í hjarta mínu og ofboðs­
legur Akur eyringur. Mér finnst best
að vinna fyrir það svæði, á meðan við
höfum kjördæmi, sem mér er kær­
ast,“ segir alþingismaðurinn, skáldið,
rithöfundurinn og fyrrverandi fjöl­
miðlamaðurinn Sigmundur Ernir
Rúnarsson sem sækist eftir fyrsta
til þriðja sæti á lista Samfylkingar í
Norðausturkjördæmi.
Alþingi úr takti
Eftir 28 ára starf við fjölmiðla venti
Sigmundur Ernir sínu kvæði í kross
og snéri sér að stjórnmálum. Árið
var 2009 og Sigmundur, eins og svo
margir aðrir, vildi leggja sitt að mörk­
um við uppbyggingu samfélagsins
eftir hrunið.
Hann segir fréttamennsku hafa
verið góðan grunn fyrir pólitíkina.
„Ég þekkti vel til landsins, þjóðlífsins
og þjóðmálanna. Ég vissi nokkurn
veginn að hverju ég gekk en óneitan­
lega verð ég að segja að hlutar at­
vinnustjórnmálanna eru mér ekkert
sértaklega að skapi.
Þetta er búið að vera merkileg lífs­
reynsla, í tiltölulega ómerkilegum
bransa, að því leyti að hann leggur
meiri áherslu á sundurlyndi en sam­
stöðu. Öll mín ár á almennum vinnu­
markaði settist maður niður með
fjölbreyttu galleríi vinnufélaga og
komst að niðurstöðu eftir snarpt og
gott samtal og kom hlutunum í verk.
Það hvarflaði ekki að manni að það
væri partur af árangrinum að tala illa
til vinnufélaga sinna, setja sig alltaf
upp á móti öllum þeirra hugmynd­
um og telja sínar eigin hugmyndir
alltaf þær bestu. Þannig virkar lífið
ekki og þess vegna virkar Alþingi ekki
nógu vel. Það er ekki í takti við aðra
vinnustaði í landinu sem vilja ná ár­
angri,“ segir Sigmundur Ernir sem er
að ljúka sínu fyrsta kjörtímabili á Al­
þingi Íslendinga og langar, þrátt fyrir
allt, að fá tækifæri til að starfa þar
lengur. „Ég held að börnin mín og
eiginkona setji ákveðið spurningar­
merki við það en mér finnst ég ekki
geta hætt núna í miðri uppbyggingu.
Ég vil ekkert endilega verða elliær í
þessu starfi en ég vil sjá til þess að við
festum jöfnuð í sessi og byggjum upp
velferð með vinnu að leiðarljósi.“
Minnimáttarkennd lítilla karla
Hann viðurkennir þó að hann sakni
fjölmiðlanna. „Fjölmiðlarnir ólu mig
upp og þar kynntist ég einstaklega
góðum vinum. Bakterían blundar
enn í mér. Ég er fréttasjúkur og líður
aldrei betur en þegar ég er að skrifa,“
segir hann en bætir við að hann hafi
strax kosið að láta ekki þá sem á eftir
komu í faginu fara í taugarnar á sér.
„Ég rífst ekki við sjónvarpið. Lífið er
allt of stutt til þess að tala niður til
fólks og illa um það. Það veit yfirleitt
enginn af því nema maður sjálfur og
það getur étið mann innan frá.“
Brotthvarf Sigmundar úr fjölmiðl­
um vakti athygli á sínum tíma. Í jan­
úar 2009 voru hann og eiginkona
hans, Elín Sveinsdóttir sem starfað
hafði hjá Stöð 2 í 23 ár, látin fara þegar
nýir stjórnendur tóku við fréttastof­
unni. Sigmundur segist ekki reiður
yfir því að honum var sagt upp störf­
um. „Ég hafði sem fréttastjóri alltaf
átt von á því að mér yrði sagt upp
með tíð og tíma. Öllum fréttastjórum
Stöðvar 2 hefur verið sagt upp þannig
að það hlaut að koma að mér. En
öðru gilti um konuna mína sem var
óumdeildur fagmaður í sjónvarps­
framleiðslu og algjör leiðtogi í tækni­
og framleiðsluhluta Stöðvar 2.
Ég held að uppsögn hennar hafi
stafað af einhverri minnimáttar­
kennd lítilla karlmanna. Mér hef­
ur alltaf fundist Ari Edwald óskap­
lega smávaxinn eftir að hafa rekið
einn sinn besta starfsmann fyrir það
eitt að vera gift fréttastjóranum. Mín
uppsögn var skiljanleg en hennar
algjörlega óskiljanleg. Þessum litlu
körlum fannst gráupplagt að nota
tækifærið fyrst það væri verið að
sparka mér að senda konuna burt
sömuleiðis. Mér finnst það stórkost­
lega furðuleg mannauðsstjórnun að
fjárfesta um 20 ára skeið í frábærum
starfskrafti sem einn daginn er leidd­
ur út úr fyrirtækinu eins og hver ann­
ar glæpamaður. Þannig kvaddi Stöð
2 Elínu Sveinsdóttur og þannig haga
bara lítilmenni sér.“
Algjör vanvirðing við
viðkvæmt mál
Hann segist hafa verið farinn að leiða
hugann að pólitík áður en til brott­
rekstursins kom. „Ég var strangt til
tekið búinn að taka þá ákvörðun í
hjarta mínu að skipta um starfsvett­
vang fyrir fimmtugt. Það var annað
hvort pólitíkin eða að leggja skrift­
irnar algjörlega fyrir mig. En vandinn
er sá að jafnvel þótt maður hafi gef­
ið út metsölubækur, sem sumar hafa
verið á lista yfir mest seldu bækur
ársins, þá lifir maður ekki á skrifum.
Ég tala ekki um ef maður hefur hlað­
ið niður börnum. Ég fór út í pólitík
meðal annars vegna fjölskyldumála,
á margan hátt til að berjast fyrir rétti
þeirra sem eiga undir högg að sækja
í samfélaginu. Við eigum að gera ráð
fyrir breiddinni frekar en einsleitni
og viðurkenna það í eitt skipti fyrir
öll að til þess að rækta gott samfé­
lag þarf allt kryddið í pottinum,“ segir
Betri
maður
eftir
dóttur-
missi
Sigmundur Ernir Rúnarsson hafði unnið við fjölmiðla
í 28 ár þegar honum og eiginkonunni, Elínu Sveinsdóttur,
var sagt upp á fréttastofu Stöðvar 2. Daginn áður hafði
fjölskyldan fengið að vita að elsta dóttir þeirra lægi fyrir
dauðanum. Sigmundur venti sínu kvæði í kross og hellti sér
út í stjórnmálin þar sem hann er að ljúka sínu fyrsta kjör-
tímabili. Hann ræðir dótturmissinn, pólitíkina, ástina og
kjaftasögurnar, sem hann segir ótrúlega ilkvittnar.
Indíana Ása Hreinsdóttir
indiana@dv.is
Viðtal