Fréttablaðið - 13.11.2014, Page 42

KYNNING − AUGLÝSINGBílafjármögnun FIMMTUDAGUR 13. NÓVEMBER 20142
Útgefandi: 365 miðlar ehf., Skaftahlíð 24, s. 512 5000 Umsjónarmenn auglýsinga: Gunnhildur Geira Dan Þorláksdóttir, geira@ 365.is, s. 512-5036 Ábyrgðarmaður: Jón Laufdal.
Nýskráningum bifreiða hérlendis hefur fjölgað mikið í ár eftir nokkur döpur ár. Að sama skapi hefur framboð bíla-
fjármögnunarleiða aukist og er komið í nokk-
uð eðlilegt horf aftur eftir mikla dýfu í kjölfar-
ið bankahrunsins, að sögn Özurar Lárusson-
ar, framkvæmdastjóra Bílgreinasambandsins.
Hann segir að nýskráningar bifreiða árin fyrir
hrun hafi verið um 15.-22.000 á ári en þeim
fækkaði niður í 2.000 þegar minnst var árið
2009. „Íslendingar gengu í gegnum miklu
dýpri og lengri dýfu en nágrannaþjóðir okkar.
Í nágrannalöndunum var sala nýrra bíla strax
komin á góðan skrið árið 2011 á meðan við
vorum enn að sleikja botninn. Stöðugur vöxtur
hefur orðið víða erlendis í nýskráningum bif-
reiða en það er ekki fyrr en á þessu ári sem við
sjáum miklar breytingar hérlendis.“
Botninn datt úr bílasölu á Íslandi um
páskana árið 2008 að sögn Özurar. „Það má
segja að hrunið í bílasölu hafi komið á undan
bankahruninu. Breytingin var lítil á árunum
2009-2011 og það var fyrst árið 2012 sem eitt-
hvað breytist í þeim efnum. Árið í fyrra olli
okkur töluverðum vonbrigðum enda áttum við
von á mun meiri sölu þá. Í ár hafa verið skráð-
ir um 8.800 nýir bílar sem er auðvitað stórt
stökk frá síðustu árum en við eigum enn tölu-
vert langt í land til að halda í horfinu þannig að
meðal aldur bifreiða hækki ekki hér á landi.“
Breyttur bílafloti
Mikil fækkun í nýskráningum bifreiða er þó
ekkert einsdæmi hér á landi að sögn Özurar og
þarf ekki bankahrun til. „Undanfarna áratugi
hafa skipst á skin og skúrir í þessum bransa og
með ýktari sveiflum jafnvel en þekkist í öðrum
atvinnugreinum hér á landi. Hér eru miklu
meiri sveiflur í sölu nýrra bíla en tíðkast í ná-
grannalöndum okkar.“
Samhliða breytingum á nýskráningum bif-
reiða hefur samsetning bílaflotans breyst. Mik-
ill vöxtur er í sölu smábíla, jepplinga og lúxus-
bifreiða á kostnað meðalstórra fjölskyldubíla.
„Við höfum sé mjög mikinn vöxt í sölu minni
fjölskyldubíla og niður í smábíla á borð við Toy-
ota Aygo. Á móti hefur sala á meðalstórum bif-
reiðum staðið í stað. Jepplingar hafa selst vel í
ár á kostnað jeppa sem helst eru keyptir af bíla-
leigum. Einnig hefur sala á lúxusbílum aukist
undanfarin 1-2 ár þótt ekki sé, eðli málsins
samkvæmt, um margar bifreiðar að ræða.“
Framboð bílafjármögnunarleiða hefur tekið
mikinn kipp undanfarið eftir mikla lægð frá
árinu 2008. „Neytendur hafa í mörg ár ekki
haft úr mörgum kostum að velja þegar kemur
að bílafjármögnun. Við erum hins vegar að sjá
miklar breytingar undanfarið eitt til tvö ár, þá
sérstaklega í ár. Þetta horfir allt til betri vegar. Á
góðæristímanum tóku of margir 100% lán fyrir
dýrum bifreiðum en slíkt aðgengi að fjármun-
um er tæplegast í boði í dag. Vaxtakjör þess-
ara lána eru orðin viðunandi og því raunhæf-
ur kostur fyrir bifreiðareigendur að nýta sér þau
í dag til kaupa á nýjum bifreiðum.“
Bjart fram undan í sölu bifreiða
Eftir nokkur mögur ár er sala á nýjum bifreiðum að taka kipp hér á landi. Nýskráningum bifreiða hefur fjölgað mikið í ár frá síðasta
ári. Að sama skapi hefur framboð bílafjármögnunarleiða aukist og neytendur hafa úr fleiri kostum að velja en áður.
Samsetning bílaflotans hefur breyst hérlendis undanfarin ár. MYND/GVA
„Í ár hafa verið skráðir um 8.800 nýir bílar sem er
auðvitað stórt stökk frá síðustu árum,“ segir Özur
Lárusson, framkvæmdastjóri Bílgreinasambandsins.
MYND/GVA
Suðurlandsbraut 14 > sími 440 4400 > www.ergo.is > ergo@ergo.is
Við aðstoðum með ánægju.
Þegar fjölskyldan stækkar getur nýrri, sparneytnari og öruggari bíll gert
gæfumuninn. Með faglegri ráðgjöf og góðri þjónustu hjálpum við ykkur að
fjármagna það sem upp á vantar til að þið getið fengið ykkur nýjan fjölskyldubíl.
Við fjármögnum flest
allt milli himins og jarðar