Fréttablaðið - 05.12.2014, Blaðsíða 36

5. desember 2014 FÖSTUDAGUR| TÍMAMÓT | 36TÍMAMÓT
Tilkynningar um merkis atburði, stórafmæli
og útfarir má senda á netfangið
timamot@365.is.
Sýningin Tryggvi Magnússon og
skjaldarmerkið var opnuð þann 1.
desember á Landsbókasafninu í til-
efni þess að 70 ár eru liðin frá því að
Ísland fékk fullveldi. Langafa barn
Tryggva, Andrés Úlfur Helguson,
stendur fyrir sýningunni.
„Hann langafi var myndlistamaður
eða eins og Goddur sagði þá var hann
líklega fyrsti grafíski hönnuðurinn á
Íslandi sem starfaði alfarið sem slík-
ur,“ segir Andrés, en teikningarnar
af skjaldarmerkjunum eru einungis
lítið brot af verkum Tryggva.
„Amma mín, Þórdís Tryggva-
dóttir, varðveitti allt hans æviverk
í myndum og riti og ætli teikning-
arnar séu ekki um 3.000 talsins. Á
þessu lá hún eins og ormur á gulli til
fjörutíu ára og enginn fékk að róta í
þessu. Ég gafst hins vegar ekki upp
og fékk við og við að skoða myndirn-
ar. Það fór svo að lokum þannig að
fjölskyldan ákvað í sameiningu að
gefa Landsbókasafninu verk hans,“
segir Andrés, en þar voru verkin
hreinsuð og númerið og munu þau
verða í varðveislu Landsbókasafns-
ins til frambúðar.
Þessi sýning verður líklega
sú fyrsta af mörgum en Tryggvi á
stórbrotinn feril að baki. Hann var
annar tveggja teiknara Rafskinnu
1933-1943, myndskreytti fjölda
barnabóka og þjóðsagna ásamt því
að vera aðalhönnuður og teikn-
ari Alþingishátíðarinnar 1930. Á
sýningunni má sjá margar tillög-
ur Tryggva og annarra teiknara að
lýðveldisskjaldarmerki auk eldri
skjaldar merkja Íslands.
„Það er áhugavert að sjá þró-
unina og á tímabili voru hugmyndir
um að breyta merkinu í fálkamerki.
Árið 1919 voru helstu myndlistar-
menn þjóðarinnar fengnir til þess að
gera tillögur að nýju skjaldarmerki,
svokölluðu lýðveldismerki. Teikning
Tryggva var samþykkt og opinberuð
á ríkisráðsfundi 17. júní 1944 sem
skjaldarmerki lýðveldisins Íslands.
Kórónan var felld í burtu af merk-
inu, lögun skjaldarins breytt.
„Að auki var landvættunum bætt
við merkið, sem er skemmtilegt því
langafi var byrjaður að teikna land-
vættirnar að minnsta kosti 20 árum
áður,“ segir Andrés, sem nú vinnur
að gerð ævisögu um langafa sinn.
Hann biðlar því til þeirra sem ein-
hverjar upplýsingar hafa um langafa
hans eða þeirra sem vantar upplýs-
ingar um hann og verk hans að hafa
samband við sig og senda tölvupóst
á netfangið skjaldarmerkid@gmail.
com. adda@frettabladid.is
Sýning á sögu
skjaldarmerkis Íslands
Langafabarn Tryggva Magnússonar, myndlistarmanns og teiknara skjaldarmerkis Íslands,
setur upp sýningu á sögu skjaldarmerkisins í tilefni 70 ára lýðveldisafmælisins.
GLÆSILEGAR TEIKNINGAR Andrés við verk langafa síns, teikningar af skjaldarmerki Íslands. FRÉTTABLAÐIÐ/VALLI
Elskulegur eiginmaður minn,
bróðir og mágur,
MARINÓ ÞÓRÐUR JÓNSSON
flugmaður og flugkennari,
verður jarðsunginn frá Kópavogskirkju
þriðjudaginn 9. desember kl. 15. Jarðsett
verður í Gufuneskirkjugarði. Þeim sem vilja
minnast hans er bent á Líknardeild LSH í
Kópavogi.
Berghildur Jóhannesdóttir Waage og fjölskylda
Sigurður Jónsson, Sigurlína Guðnadóttir og fjölskylda
Ástkær móðir okkar, tengdamóðir,
amma og langamma,
ANNA CAMILLA EINARSDÓTTIR
sem lést á Droplaugarstöðum 26. nóvem ber,
verður jarðsett frá Háteigskirkju þriðju daginn
9. desember kl. 13.
Starfsfólk á Droplaugarstöðum, og fyrr í
Lönguhlíð 3, fær kærar þakkir fyrir góða og
hlýlega umönnun.
Sigríður Stefánsdóttir
Guðrún Edda Káradóttir
Einar Kárason
Anna Karen Káradóttir
tengdabörn, barnabörn og barnabarnabörn.
Ástkær sambýliskona mín,
SIGURBJÖRG GUÐJÓNSDÓTTIR
Viðarrima 4,
lést á Landspítalanum miðvikudaginn 3. desember.
Jakob Jónsson
Ástkær sambýliskona, móðir, tengdamóðir,
amma okkar og systir,
RAGNHEIÐUR HELGA ÓLADÓTTIR
lést í faðmi fjölskyldu þann 30. nóvember.
Útför fer fram frá Fossvogskirkju
miðvikudaginn 10. desember kl. 15.
Elías Rúnar Sveinsson
Bjarni Bjarnason Katrín Júlíusdóttir
Valgerður Bjarnadóttir
Snorri, Júlíus, Kristófer Áki og Pétur Logi
og systkini hinnar látnu.
Faðir okkar og tengdafaðir,
JÓN S. EINARSSON
húsasmíðameistari,
lést að morgni 3. desember á
Fjórðungssjúkrahúsinu í Neskaupstað.
Kristín Björg Jónsdóttir Jón Hlífar Aðalsteinsson
Margrét Jónsdóttir
og fjölskyldur.
Ástkær eiginkona mín,
SÓLVEIG ÁRNADÓTTIR
Gullsmára 9,
Kópavogi,
lést á heimili sínu föstudaginn 28. nóvember.
Útför hennar fer fram frá Hjallakirkju,
Kópavogi, þriðjudaginn 9. desember
kl. 11.00.
Stefán Þórhallsson
Ástkær eiginkona mín,
stjúpmóðir og stjúpamma,
FLÓRA SIGRÍÐUR
EBENEZERSDÓTTIR
lést þriðjudaginn 2. desember á Fjórðungs-
sjúkrahúsi Ísafjarðar. Útförin fer fram frá
Ísafjarðarkirkju laugardaginn 13. desember
klukkan 14.00.
Halldór Sigurgeirsson
Guðbjörg Halldórsdóttir Þórbergur Egilsson
Hugrún Þórbergsdóttir
Ólafur Jóhann Þórbergsson
Ásdís Helga Þórbergsdóttir
Finnland varð sjálfstætt ríki þennan dag
árið 1917 en hafði verið undir stjórn Rússa
frá 1808. Rússneska byltingin var í fullum
gangi og Finnar notuðu tækifærið og lýstu
yfir sjálfstæði.
Bolsévikastjórnin viðurkenndi það en árið
1918 hófst blóðug borgarastyrjöld í kjölfar
átaka milli hvítliða og rauðliða bæði í Finn-
landi og Rússlandi. Henni lauk með sigri
hvítliða í Finnlandi en rauðliða í Rússlandi.
Saga Finna og Svía var samofin í yfir 700
ár. Sænska var ráðandi í stórum hluta Finn-
lands og tungumál menningar og stjórn-
sýslu. Rússar hertóku Finnland 1800 og
heimtuðu að þeir slitu sem mest tengslin
við Svía. Finnsk ritmenning varð til á fyrri
hluta 19. aldar og 1892 var finnska gerð
jafn rétthá sænskunni.
ÞETTA GERÐIST 6. DESEMBER 1917
Finnar öðluðust sjálfstæði
MERKISATBURÐIR
1796 Leikritið Slaður og trúgirni eftir Sigurð Pétursson er frum-
sýnt í Reykjavíkurskóla.
1848 Gullæðið hefst í Kaliforníu er mikið magn gulls uppgötvast
þar.
1926 Kvikmyndin Beitiskipið Pótemkín eftir Sergei Eisenstein er
frumsýnd.
1932 Þýskættaði eðlisfræðingurinn Albert Einstein fær banda-
ríska vegabréfsáritun.
1933 Áfengisbanni í Bandaríkjunum lýkur.
1936 Sovétríkin taka upp nýja stjórnarskrá og Kirgistan verður
Sovétlýðveldi.
1945 Sveit fimm sprengjuflugvéla á vegum bandaríska flotans
týnist í Bermúda-þríhyrningnum.
1968 Jarðskjálfti af stærðinni 6 stig finnst í Reykjavík. Hann á
upptök sín í Brennisteinsfjöllum austan Kleifarvatns.