Fréttablaðið - 22.12.2014, Síða 37

Í fyrra vorum við á Íslandi til 18. desember en eyddum jól-unum á Korsíku. Mér fannst
þá eins og jólin væru búin þegar
við komum út í hitann, eftir að
hafa verið hér í snjó og jólaljós-
um, með jólalögin í eyrunum,“
segir Guðrún Anna Matthíasdótt-
ir, en hún býr á eyjunni Korsíku
ásamt manni sínum, Raphael
Leroux.
Þetta árið eyða þau jólunum
hér á landi og fá svo sannarlega
hvít jól. „Það togar alltaf að eiga
jólin í snjó og kulda. Ég hafði
reyndar ekki séð fyrir mér svona
brjálað veður. En þetta er hress-
andi. Ég hafði lengi beðið eftir
tækifærinu til að nota Moon-
Boots sem ég fékk í jólagjöf í
fyrra.“
BORÐHALDIÐ
STENDUR FRAM Á NÓTT
Jólunum hafa Guðrún og Rapha-
el eytt víða um heim, meðal
annars í Sádi-Arabíu, á Spáni og
á Martinique. Guðrún segir jóla-
haldið á Korsíku talsvert ólíkt
því íslenska.
„Á Korsíku tíðkast ekki að
setja ljósaseríur í gluggana eins
og hér og ekki eins mikið skreytt.
Jólamáltíðin hefst á fordrykk
klukkan fimm og svo er setið,
spjallað og borðað langt fram
á nótt. Stundum eru gerð hlé
til að dansa eða syngja og svo
haldið áfram að borða. Þar er
það heldur ekki bara fjölskyldan
sem borðar saman á jólunum
heldur vinir og kunningjar og
ekkert endilega sama fólkið hver
jól. Þetta er mjög skemmtilegt en
maður getur orðið svolítið eftir
ÁTVEISLA FRAM
UNDIR MORGUN
HEIMILI Guðrún Anna Matthíasdóttir býr á eyjunni Korsíku ásamt manni
sínum en þar stendur jólaborðhaldið fram á nótt. Í ár njóta þau hvítra jóla
heima á Íslandi en Guðrún á barnabók í jólabókaflóðinu.
HVÍT JÓL Guðrún Anna Matthíasdóttir listakona gefur út sína fyrstu bók nú fyrir jólin.
Hún býr á eyjunni Korsíku ásamt manni sínum þar sem jólaborðhaldið stendur fram á
nótt. Í ár fær hún hvít jól á Íslandi.
MYND/VILHELM
MARGNOTA POKI
Roll up bin kallast pokar eftir Michael Charlot. Pokarnir
eru úr vatnsþéttu og sterku plasti og er ætlað að þjóna
ýmsum hlutverkum. Pokann má nota sem blómapott,
ruslafötu, ísfötu og dótakassa. Hægt er að ráða stærð
pokans með því að rúlla niður efsta kantinum.