Ægir - 01.10.2011, Page 54

54
H E I L S A S J Ó M A N N A
Ljúft að sjá tveggja
stafa tölu á vigtinni
„Ég byrjaði á því að setja gos-
drykki og sælgæti á bannlista,
minnkaði brauðát en jók við
mig ferska grænmetið. Síðast
en ekki síst fór ég að borða
minna en áður. Strax viku
seinna fann ég fyrir breyting-
um og eftir sex vikna veiðiferð
kom ég tólf kílóum léttari í
land. Sérlega ljúft var að sjá
þegar ég komst fyrst undir
hundrað kílóa markið og
tveggja stafa tölur blöstu við
á vigtinni. Breytingin er bæði
andleg og líkamleg, líðanin er
bara allt önnur nú en áður
var,“ segir Ármann Sigurðs-
son, 46 ára háseti á fjölveiði-
skipi Samherja, hf., Vilhelm
Þorsteinssyni EA-11.
Hann tók sér tak í eigin
heilbrigðismálum sumarið
2009, í anda viðhorfa og ráð-
legginga Sonju Sifjar Jóhanns-
dóttur, íþróttafræðings og for-
varnarfulltrúa Tryggingamið-
stöðvarinnar. Leiðir Ármanns
og Sonju Sifjar lágu fyrst sam-
an þegar útgerðin fékk hana
til að fjalla um mataræði og
hreyfingu áhafnarinnar. Þá
var Ármann í grennd við 110
kílóin en hafði misserum áð-
ur lagt enn meira á vigtina
sína eða vel yfir 130 kíló.
Stöðugt aðhald Sonju Sifjar
„Ég var sem strákur alltaf í
fótbolta og brenndi því miklu
en þegar ég hætti að hreyfa
mig seig á ógæfuhliðina. Um
þrítugt var ég orðinn fjandi
þykkur,“ segir Ármann.
„Mér tókst ná af mér tals-
vert mörgum kílóum en var
samt áfram í þriggja stafa tölu
og var bara bærilega sáttur
við það, þar til Sonja Sif kom
um borð fyrir þremur árum. Í
heilsutékki kom ég reyndar
þokkalega út hvað varðar út-
hald, hjarta og æðar en hún
sannfærði mig um að gera
eitthvað róttækt í mínum mál-
um. Ég væri einfaldlega alltof
þungur og yrði að bregðast
við því. Sonja Sif var mjög
ákveðin með skýr skilaboð.
Ég hlustaði og ákvað að
bregðast við, enda engrar
undankomu auðið. Hún vildi
fylgjast með mér og hótaði
dagsektum ef ég næði ekki
árangri! Við vorum í sam-
bandi í gegnum tölvupóst og
hún fylgdist því vel með
gangi mála.
Ég er að öllu leyti í miklu
betra formi en áður og fór
fljótlega að ganga á fjöll þeg-
ar færi gáfust. Því er ekki að
neita að eftir því var tekið um
borð og annars staðar þegar
kílóin runnu svona hressilega
af mér og sjálfsagt hefur
heilsuátakið haft einhver áhrif
á aðra. Samherji á líka hrós
skilið fyrir að hvetja starfsfólk
sitt til að hreyfa sig og stunda
líkamsrækt. Slíkt viðhorf eig-
enda fyrirtækis skiptir miklu
máli. Mér er ljúft að segja
mína sögu hér til að hvetja
aðra, sem eru í svipuðum
sporum og ég, að taka sér
tak. Það er sannarlega þess
virði.“
Gjörbreytt líf - tugum kílóa léttari. Ármann í eldhúsinu heima í Urðargili á Akureyri.
„Líðanin er allt önnur en áður var,“ segir Ármann.
Ármann var yfir 130 kíló þegar hann ákvað að snúa blaðinu við. „Ég var orðinn fjandi þykkur um þrítugt.“