Gerðir kirkjuþings - 1970, Blaðsíða 3

Biskup minntist einnig frú Sigríðar Stefánsdóttur, konu
sr. Gunnars Árnasonar, en hún var nýlega látin. Þingmenn vottuðu
eiginmanni hennar og fjölskyldu samúð og heiðruðu minningu hennar.
Þá gat biskup þess, að mannaskipti hefðu orðið á stóli
kirkjumálaráðherra. Tjáði hann jóhanni Hafstein þakkir fyrir
góðvild og lipurð og sérstaklega fyrir þátt hans í setningu nýrra
laga um skipun prestakalla og prófastsdæma og um kristnisjóð.
Frú Auður Auðuns, nýskipaður kirkjumálaráðherra, var viðstödd
þingsetninguna og bauð biskup hana velkomna til starfa. "Vér trúum
þvíj að hin fyrsta kona, sem falin er ábyrgð ráðherraembættis á
íslandi, muni góðu heilli og giptusamlega láta til sín taka um
kirkjunnar mál. Guð styrki hana til þess og í sérhverju góðu verki"
Frú Auður ávarpaði þingið og reeddi hlýlegum orðum um mikil-
vægt starf kirkjunnar með þjóðinni.
Á þessum fyrsta fundi var kosin kjörbréfanefnd. Kosnir voru
eftir uppástungu biskups:
Sr. Bjarni Sigurðsson,
Ástráður Sigursteindórsson,
sr. Sigurður Kristjánsson,
sr. Pétur Ingjaldsson,
Þórður Tómasson.
Þetta 7. Kirkjuþing var hið fyrsta á nýju kjörtímabili, en
kjörtímabilið er hið þriðja í sögu þingsins. Tiltölulega margir
fulltrúanna eru nýkjörnir, alls 10 aðalfulltrúar, en einn þeirra
hefur setið á þingi áður, á 1. kjörtímabili þess.'
Þingfundir og önnur þingstörf fóru fram í safnaðarsal
Hallgrímskirkju. Þeir hófust jafnan með því, að sunginn var
sálmur og biskup las ritningarkafla og bað bænar. Almennir
þingfundir voru alls lþ.
Á 2. fundi, þegar kjörbréf höfðu verið úrskurðuð, voru
kjörnir 1. og 2. varaforseti. Kjörnir voru: Sr. Gunnar Árnason og
sr. Eiríkur J. Eiríksson.