Gerðir kirkjuþings - 1987, Page 87

84
3
7. Ef ekki er unnt að haida uppi kennslu í grein vegna þess að ekki hefur fengist kénnari í
greininni eða vegna þess að aðstaða er ekki fyrir hendi, og útilokað að ráða bót á því, þá
er heimilt að fengnu samþykki fræðslustjóra að nota þær stundir sem þessari grein eru
ætlaðar til annarrar kennslu.
8. í valgreinum skal meðalfjöldi nemenda í námshópum eigi vera minni en 17 og í
einstökum hópum eigi færri en 12 nemendur. Þó er bent á þann möguleika að í sumum
tilvikum er unnt að steypa saman smærri nemendahópum þannig að nemendur fáist við
ólík viðfangsefni undir umsjón sama kennara.
í 9. bekk skulu nemendur velja annað hvort samfélagsgreinar, 4 stundir, eða
raungreinar, 4 stundir.
Einnig skulu nemendur eiga kost á að velja báðar greinamar.
Um aðrar valgreinar skal hafa samráð við fræðslustjóra, en sérstaklega er bent á
eftirfarandi:
Heimilisfræði
Mynd- og handmennt
Sjóvinna
Starfsfræðsla- kynning atvinnuvega
Tónmennt — hljóðfæraleikur — kórstarf
Tölvufræði
Vélfræði
Viðskiptagreinar (m. a. bókfærsla, vélritun)
Tiltekið val í 9. bekk takmarkar ekki möguleika nemenda til framhaldsnáms að því
tilskildu að þeir hafi fullnægt þeim lágmarkskröfum um námsárangur sem gerður er til
inngöngu í framhaldsskóla.
9. í sumum tilvikum er skylt að veita nemendum fræðsiu um tiltekin efni sem ekki koma
fyrir í námsefni einstakra greina. Má hér nefna bindindisfræðslu, sbr. áfengislög nr. 58,
24. apríl 1954, fræðslu um umferðarmál, sbr. umferðarlög nr. 40, 23. aprfl 1968, fræðslu
um kynlíf, sbr. lög nr. 25, 22. maí 1975, fræðslu um jafnréttismál, sbr. lög nr. 78, 1976,
félagsmálafræðslu, sbr. reglugerð nr. 433/1977 um félagsstörf og félagsmálafræðslu í
grunnskólum.
Þessa efnisþætti er unnt að kenna á námskeiðum eða í tengslum við aðrar námsgreinar
og er ekkert við það að athuga þótt vikulegur fjöldi kennslustunda víki um skeið
nokkuð frá því sem stundaskráin segir, ef þess er gætt að meðalstundafjöldi hvers
nemanda á viku yfir allt skólaárið sé sem næst því sem tilgreint er. Námskeiðin leiði ekki
til aukakostnaðar.
Þá skal leitast við að halda uppi kórstarfi svo og fjölbreyttu félagsstarfi. Stundir til
þessarar starfsemi getur skóli tekið af kvóta sínum samkvæmt 10. og 14. gr. reglugerðar
nr. 213/1975 um rekstrarkostnað grunnskóla.
10. Stærð aldursflokka er víða þannig að mikil óhagkvæmni verður í rekstri skóla ef
viðmiðunarstundaskrá er fylgt nákvæmlega. í þessum tilvikum ber að huga að
möguleikum til samkennslu mismunandi árganga, eða bekkjardeilda í sama árgangi í
vissum greinum, en það er kennsluform sem víða er beitt með góðum árangri bæði í
litlum og stórum skólum. Þessi tilhögun gerir kröfu um aukna samvinnu kennara en
býður upp á fjölbreytni og aukinn sveigjanleika í skólastarfi auk þess að þær stundir sem
skólar hafa til ráðstöfunar nýtast í mörgum tilvikum betur. Ekki er unnt að gefa neinar
algildar reglur í þessu efni og er nauðsynlegt að kennarar þreifi sig áfram um
hagkvæmar leiðir.
Hér á eftir fer dæmi um hugsanlega stundaskrá fyrir skóla með fáa nemendur.