Gerðir kirkjuþings - 1987, Qupperneq 153

150
Þingslitaræða biskups.
Góðir þingfulltrúar.
Hinu 18. Kirkjuþingi er að ljúka. Mér er efst i huga
þakkir til ykkar, kæru kirkjuþingsmenn. Það hefur verið
létt að vera forseti þingsins þessa daga.
í upphafi þings héldu sumir að fá mál yrðu á þessu
Kirkjuþingi. Ekki hafði ég áhyggjur af þvi. Reynsla
undanfarinna ára hefur sýnt að mörg mál koma fram á hverju
Kirkjuþingi. Og svo var nú. 26 mál - auk tveggja
fyrirspurna - komu fram og hafa öll hlotið afgreiðslu.
Ef til vill væri að mörgu leyti heppilegra að færri mál
kæmu fram svo að betur væri hægt að ræða þau. Eins væri
æskilegt að mál væru send út til þingmanna fyrir þing,
eins og Kirkjuráð gerir að venju. Nú var það ekki unnt
vegna þess að þau tvö stórmál sem Kirkjuráð lagði fram
voru ekki tilbúin af eðlilegum ástæðum. Þetta veit ég að
þið skilduð og unnuð samkvæmt þvi. Það vil ég þakka og
einnig þeirri nefnd sem vann þau frumvörp svo vel og
ýtarlega þrátt fyrir knappan tima.
Þau mál - um sóknargjöld og kirkjugarðsgjöld - eru þau
mikilsverðustu sem hér hafa verið afgreidd. Að þau fái
farsælan framgang hjá Alþingi er kirkjunni algjör nauðsyn.
Ég er bjartsýnn á að það verði, ekki sist fyrir þann áhuga
sem kirkjumálaráðherra sýnir málinu. Við þökkum honum
starf hans og áhuga og biðjum honum blessunar i mikilvægu
starfi.
Nefndir þingsins hafa unnið mjög vel, þó gafst þeim minni
timi til starfs en stundum áður vegna þess hve þingfundir
voru langir. Vinnutimi var þvi oft langur.
En allir vildu leggja sig fram að leysa málin á sem bestan
hátt. Nefndirnar fengu sérfróða menn til að gefa
upplýsingar og er það vel. öllu þessu var stýrt
farsællega i höfn, þess vegna var unnt að afgreiða málin.
Umræður voru málefnalegar og þó að skoðanir væru skiptar
um ýmis mál var alltaf greinilegt að öll stefndum við að
sama marki, að vinna að framgangi kirkjunnar sem við
þjónum. - Gera veg hennar sem mestan.
Ég þakka nefndunum, formönnum þeirra og riturum vel unnin
störf. Þökk sé þingskrifurum - og sérstaklega ritara
þingsins, séra Lárusi Halldórssyni fyrir mjög gott starf.
Aðrir starfsmenn þingsins fá og þakkir, biskupsritari,
fréttafulltrúi og ekki sist þau sem sáu um ritun og
fjölföldun á þingskjölum. Tekin var upp sú nýbreytni að
tölva Biskupsstofu var flutt hingað og flýtti það mjög
fyrir allri vinnu.