19. júní - 19.06.2010, Page 33

Hvers vegna er enn til kynbundið launamisrétti á
Íslandi?
Ég veit það ekki og skil það ekki. Það á auðvitað að borga
einstaklingum sömu laun fyrir sömu vinnu. Ég hef ekki tekið
eftir því í minni stétt að það sé launamisrétti og vonandi dregur
úr því í öðrum stéttum.
Ertu sammála því að rétt sé að setja upp
kynjakvóta?
Ég held að það sé ágætt að hafa kynjakvóta til að hafa
viðmið fyrir bæði kynin. Í kokkabransanum er samið um laun
á veitingahúsunum en það er farið eftir stöðluðum launum í t.d.
mötuneytum.
Hvernig hefur konum gengið að feta sig í stjórnun í
því fagfélagi sem þú ert í?
Í dag sitja tvær konur í sjö manna stjórn Matvís, önnur er þjónn
og hin matartæknir. Ég sit í stjórn Klúbbs matreiðslumeistara en
í honum eru 120 kokkar, þar af átta konur. Það er ágætis hlutfall
miðað við framboð, held ég.
Hver var fyrsta konan í þínu starfi og hvenær hóf hún
störf?
Fyrsta konan sem útskrifaðist heitir Erla Ívarsdóttir og það
var árið 1970. Ég veit ekki til þess að kvenkokkur hafi opnað
sinn eigin veitingastað í sama gæðaflokki og ég. Ég prófaði
að googla orðið kvenkokkur og þá kom bara; varstu að meina
Kevin kokkur sem segir meira en mörg orð.
karlastörf. Margar konur gegna nú áhrifamiklum stöðum í þjóðfélaginu.
Við fengum nokkrar þeirra til að svara spurningum er varða þessi mál.
33
32-41 Eg er kona5styrk.indd 3 6/1/10 2:13:27 PM