19. júní - 19.06.2010, Page 35

Ertu sammála því að rétt sé að setja upp
kynjakvóta?
Það er nauðsynlegt að koma á einhvers konar kynjakvóta til
að breyta stöðunni. Því miður hallar enn mikið á konur þó að
hvatning og krafa um jafnrétti sé í lögum.
Hvernig hefur konum gengið að feta sig í stjórnum í því
fagfélagi sem þú ert í?
Alþingismenn eru ekki í fagfélagi, þeir búa við lítið starfsöryggi og
þurfa að leggja störf sín í dóm kjósenda á fjögurra ára fresti eða oftar.
Þetta er mönnum misauðvelt. Laun þeirra og starfskjör eru ákveðin
af kjararáði.
Hver var fyrsta konan í þínu embætti og hvenær hóf hún
störf?
Eins og ég nefndi áður hefur Alþingi starfað í einni málstofu frá
1991 og starf forseta þingsins varð þá til í þeirri mynd sem nú er.
Salome Þorkelsdóttir var fyrst kvenna kosin forseti Alþingis árið
1991 og gegndi hún því starfi til 1995. Hún hafði áður verið forseti
efri deildar ein kvenna.
Sólveig Pétursdóttir var forseti Alþingis árin 2005 til 2007 og ég var
kosin forseti Alþingis 15. maí 2009 á fyrsta þingfundi eftir kosningar.
En eins og áður sagði var Guðrún Helgadóttir fyrsta konan og sú
eina sem var forseti sameinaðs þings fyrir sameiningu deildanna.
Það var árin 1988-1991.
35
32-41 Eg er kona5styrk.indd 5 6/2/10 12:30:05 PM