Peningamál - 01.08.2000, Page 27

aðhaldsaðgerðir en ella sem geta valdið óstöðugleika
á fjármálamörkuðum og hugsanlega leitt til aftur-
kipps í bandarískum þjóðarbúskap. Ýmsir talsmenn
bandaríska seðlabankans hafa lýst því yfir að þeir
telji ekki nægilegt að draga úr hagvexti til samræmis
við langtímahagvaxtargetu, heldur þurfi bandaríska
þjóðarbúið að vaxa um skeið hægar en langtímahag-
vaxtargeta segir til um ef koma eigi í veg fyrir verð-
bólgu. Aukin hagvaxtargeta til langs tíma dregur ekki
úr þörfinni fyrir aukið peningalegt aðhald, heldur
kann hún þvert á móti að hækka þá raunvexti sem
nauðsynlegir eru til að halda hagvexti hæfilegum og
verðbólgu í horfinu.
Þótt hagvöxtur hafi aukist mjög í Evrópu að
undanförnu er nokkur aukaframleiðslugeta til staðar
í helstu löndum evrusvæðisins. Ekki er heldur loku
fyrir það skotið að Evrópa muni njóta ávaxta sam-
svarandi framleiðnibyltingar og Bandaríkin til þessa.
Enn hafa þó ekki sést greinileg merki um áhrifamátt
upplýsingabyltingarinnar í Evrópu, en það kann að
breytast með vaxandi fjárfestingu og batnandi efna-
hagshorfum.
Auk heimilda sem þegar hefur verið getið í neðanmálsgreinum var
m.a. stuðst við Reuters, fréttatilkynningar Eurostat, Seðlabanka
Evrópu o.fl. aðila, Standards and Poor's: U.S. Financial Notes,
Weekly Market Analysis og upplýsingaveitur fjölda aðila á ver-
aldarvefnum.
26 PENINGAMÁL 2000/3