Peningamál - 01.08.2003, Side 16

Spáð er að hagvöxtur verði aðeins meiri á þessu
og næsta ári en gert var ráð fyrir í síðustu spá. Fram-
leiðsluspenna hefur einnig verið endurskoðuð og er
nú reiknað með lítils háttar slaka á árunum 2002 og
2003, sem snýst í smávægilega framleiðsluspennu á
árinu 2004, þar sem hagvöxtur verður þá yfir vexti
framleiðslugetu. Þar sem gert er ráð fyrir meiri slaka
á vöru- og vinnumarkaði spáir bankinn minni
verðbólgu framan af spátímabilinu en gert var í
síðustu spá. Verðbólga er hins vegar yfir verðbólgu-
markmiði Seðlabankans sé litið tvö ár fram í tímann.
Eins og í síðustu spá er talið að spáóvissan eitt ár
fram í tímann sé heldur niður á við en nú er talið að
spáóvissan tvö ár fram í tímann sé samhverf, í stað
upp á við í síðustu spá.
Eftirspurn og framleiðsla
Forsendur þjóðhags- og verðbólguspár Seðla-
bankans
Í þjóðhags- og verðbólguspá Seðlabankans frá því í
maí sl. var miðað við gengisvísitöluna 120 út spá-
tímabilið. Nú er hins vegar reiknað með gengis-
vísitölunni 124. Er þannig gengið út frá því að gengi
krónunnar verði rúmlega 3% lægra á spátímabilinu
en gert var ráð fyrir í síðustu spá. Spáin byggist jafn-
framt á því að áhrif opinberra fjármála verði tiltölu-
lega hlutlaus að frátalinni umtalsverðri aukningu
opinberrar fjárfestingar á þessu ári en samdrætti á því
næsta. Þetta felur í sér að ekki verði breytingar á út-
gjalda- og tekjuhlið ríkissjóðs sem raski afkomu
hans. Sjálfvirk sveiflujöfnun, sem felst í breytingum
á tekjum og gjöldum ríkissjóðs sem stafa af hags-
veiflunni, er hins vegar látin virka. Gert er ráð fyrir
að vöxtur samneyslu sé undir sögulegu meðaltali.
Forsendur um þróun ytri skilyrða á þessu ári og
næstu ár hafa breyst þannig að gert er ráð fyrir held-
ur meiri lækkun á verði sjávarafurða á þessu ári en í
seinustu spá. Nú er áætlað að verð sjávarafurða lækki
um 4% á þessu ári í stað 2% lækkunar í síðustu spá.
Gert er ráð fyrir óbreyttu verði milli áranna 2003 og
2004 sem er breyting frá fyrri spá, en þá var gert ráð
fyrir 2% hækkun á milli áranna. Þá er gert ráð fyrir
nokkrum vexti í útflutningsframleiðslu sjávarafurða
á þessu ári eða 3% vegna aukinna aflaheimilda á
næsta fiskveiðiári og aukins kolmunnaafla nú í sum-
ar. Óbreyttar magnforsendur eru notaðar vegna 2004
eða 5% magnaukning. Áætlað er að verðlag áls muni
hækka um 4% á þessu ári og er það breyting frá fyrri
spá sem gerði ráð fyrir 1% verðlækkun. Áfram er
byggt á verði á framvirkum samningum og verðfor-
sendum álfyrirtækjanna tveggja, Norðuráls og Alcan
á Íslandi.
Gert er ráð fyrir að verðlag innflutnings í erlendri
mynt haldist óbreytt frá því í maí. Horfur um elds-
neytisverð eru byggðar á framvirkum samningum.
PENINGAMÁL 2003/3 15
Tafla 3 Forsendur þjóðhagsspár Seðlabanka Íslands
Núverandi spá1 Breyting frá síðustu spá1
Stýrivextir og gengi2 2002 2003 2004 2002 2003 2004
Stýrivextir Seðlabankans ............................................. 8,2 5,3 5,3 - - -
Gengisvísitala erl. gjaldmiðla ...................................... 131,4 123,0 124,0 - 2,0 3,3
Ytri skilyrði (breytingar frá fyrra ári í %
nema fyrir vexti)
Útflutningsframleiðsla sjávarafurða ............................ 4¼ 3 5 - 3 -
Verð sjávarafurða ......................................................... 3¼ -4 - - -2 -2
Verð áls ........................................................................ -6½ 4 2½ - 5 3½
Verð almenns vöruinnflutnings.................................... -½ -½ ½ - - -
Eldsneytisverð.............................................................. 2 9 -14 - 6 -
Verð útflutnings vöru og þjónustu ............................... -1¾ -7¾ ¾ - -¼ -¼
Viðskiptakjör vöru og þjónustu ................................... 1 -1¼ ¼ -¼ ¼ -½
Erlendir skammtímavextir (%) .................................... 2¾ 3 3½ - - -
1. Stutt lárétt strik (-) táknar að breyting er engin. 2. Ársmeðaltöl. Miðað er við óbreytta vexti og gengi frá spádegi (dagleg gögn).