Peningamál - 01.08.2003, Side 32

PENINGAMÁL 2003/3 31
Gengi krónunnar veiktist ...
Eftir alllangt meira og minna samfellt tímabil styrk-
ingar tók krónan að gefa eftir þegar leið á maí. Í kjöl-
far tilkynningar um aukin regluleg kaup Seðlabank-
ans á gjaldeyri kom fram skammlíf veiking sem gekk
til baka á nokkrum dögum en eftir miðjan júní varð
nokkuð hröð veiking sem tók til baka nánast alla
styrkingu krónunnar sem orðið hafði frá áramótum.
Frá júnílokum hefur vísitala gengisskráningar verið
nokkuð stöðug í kringum vísitölugildið 124. Oft er
erfitt að skýra skammtímahreyfingar á gengi þar sem
væntingar spila svo stórt hlutverk. Skýringar á um-
snúningi gengisins í maí og júní gætu m.a. verið
tímabundið hlé á ýmsum stærri hræringum, sem ýttu
undir væntingar um aukið innstreymi gjaldeyris, t.d.
skuldsettum sameiningum og yfirtökum fyrirtækja.
Hugsanlegt er einnig að óvissa um framhald varnar-
samstarfs Íslands og Bandaríkjanna hafi haft einhver
áhrif á gengið í júni. Þá gæti það verið skýring að
gengi krónunnar hafi hreinlega ofrisið um miðjan
maí, eins og oft vill verða þegar gjaldmiðlar sveiflast.
Regluleg gjaldeyriskaup Seðlabankans voru aukin
um miðjan maí og svo virðist sem áhrifa þeirra hafi
farið að gæta meir eftir því sem væntingar um annað
flæði á markaðnum minnkuðu. Þess varð einnig vart
að spákaupmenn, sem tekið höfðu stöðu með krón-
unni, lokuðu stöðum sínum allhratt þegar veiking
hófst og flýtti það líklega fyrir lækkun gengisins.
Þróun vísitölu gengisskráningar má sjá á mynd 1.
Fjármálamarkaðir og aðgerðir Seðlabankans1
Krónan veikist
1. Í þessari grein eru notaðar upplýsingar sem tiltækar voru þann 25. júlí
2003.
Gengi íslensku krónunnar veiktist í maí og júní. Því réði m.a. minna innflæði gjaldeyris, aukið útflæði,
m.a. vegna lánahreyfinga, og aukin spákaupmennska, auk þess sem aukin regluleg gjaldeyriskaup
Seðlabankans kunna að hafa haft áhrif. Vísitala gengisskráningar hefur verið nærri gildinu 124 það sem
af er júlí. Ávöxtun verðtryggðra skuldabréfa lækkaði nokkuð á markaði vegna mikillar eftirspurnar og
lækkuðu bankar verðtryggða inn- og útlánsvexti sína í kjölfarið. Lausafjárstaða banka hefur verið rúm
og þeim hefur gengið betur að miðla lausu fé sín á milli en áður. Vaxtamunur við útlönd hefur aukist á
síðustu mánuðum, vegna vaxtalækkana í öðrum löndum og hækkandi ávöxtunar íslenskra ríkisvíxla.
Hlutabréfa- og skuldabréfaviðskipti í Kauphöll Íslands fyrstu sex mánuði ársins voru meiri en á sama
tíma í fyrra og úrvalsvísitala hlutabréfa hefur hækkað um 11% það sem af er ári. Hlutabréf nokkurra
félaga hafa verið afskráð hjá Kauphöllinni í kjölfar samruna og yfirtöku.
Janúar | Febrúar | Mars | Apríl | Maí | Júní | Júlí |
117
118
119
120
121
122
123
124
125
126
31. des. 1991=100
Mynd 1
Vísitala gengisskráningar
Heimild: Seðlabanki Íslands.
Daglegar tölur 3. janúar - 25. júlí 2003