Glóðafeykir - 01.11.1977, Blaðsíða 9

GLOÐAFEYKIR
7
J3 1

Hluti af norðursal Safnahússins. Frá iðnkynningu á Sauðárkróki 1977.
heldur ekki samstarfinu við rafveituna. Þeir aðilar fengu síðar aðstöðu
í húsi Búnaðarbankans, sem byrjað var á um svipað leyti.
Sumarið 1966 var steypt upp efri hæðin og komið undir þak og næstu
árin er síðan unnið að öðrum þáttum byggingarinnar. Byrjað var á
miðstöðvarlögn í apríl 1967 og þá lagt í norðurenda, einnig var sá hluti
hússins múraður innan. En nú dró nokkuð úr framkvæmdahraða vegna
fjárhagsörðugleika. Raunar sýndu bæði sýslunefnd og bæjarstjórn mikinn
áhuga og skilning á byggingarmálinu og voru heldur rýmileg á fjárveit-
ingar, en mikið þurfti til og stjórn safnanna vann ötullega að útvegun
lána og styrkja til byggingarinnar. Ljóst var, að hagkvæmast yrði að
ganga frá einb.verjum hluta hússins fyrst og var ákveðið að leggja áherzlu
á efri hæðina, sem hýsa skyldi bókasafnið og skjalasafnið. Voru síðan
hinir ýmsu þættir unnir í áföngum eftir því sem geta leyfði.
Haustið 1969 var gengið frá sölu á gamla bókasafnshúsinu að Suður-
götu 7, en hálf húseignin var þinglesin eign Héraðsbókasafnsins. Ríkis-
sjóður keypti eignina fyrir lögreglustöð og fangahús og var kaupverð kr.
362.000.00. Gekk það að sjálfsögðu til nýbyggingarinnar. Hinn helm-
ingur hússins var eign sýslu og bæjar og afsalaði stjórn safnanna sér