Glóðafeykir - 01.11.1977, Blaðsíða 15

GLOÐAFEYKIR
13
sem flestum söfnum landsins. Er nú til spjaldskrá yfir meginhluta
íslenzkra bóka safnsins.
Haustið 1976 tók svo Hjalti Pálsson frá Hofi, B.A., við bókavarðar-
starfinu, og stendur nú starfsemi safnsins í blóma undir stjórn hans;
hefur verið keypt mikið af nýjum bókum og gert við eldri bækur, sem
farnar voru að láta á sjá. En í aðfangabók safnsins eru nú (í júní 1977)
skráðar tæplega 14000 bækur. Sú tala sýnir þó ekki raunverulega bóka-
eign safns'ns, því að bæði er eftir að kanna, hversu margar bækur hafa
eyðilagzt og glatazt, og eins er töluvert af erlendum bókum óskráð.
Skal þar sérstaklega nefnt mikið og gott safn margs konar bóka og
tímarita um landbúnað, sem Arni G. Eylands hefur gefið safninu á
undanfömum árum.
Utlán safnsins á síðasta ári voru um 21000 bindi. Hefur útlánaaukning
verið stcðug, og er um 80% síðan safnið fluttist í núverandi húsnæði
sitt. Langsamlega mest er lánað út af skáldsögum, en einnig töluvert af
ævisögum og þjóðlegum fróðleik. Flestir lánþegar em frá Sauðárkróki,
eins og eðlilegt er; þó hafa útlán til sveitafólks aukizt nokkuð á síðustu
ámm, og er vonandi að áframhald verði á þeirri aukningu, svo að safnið
rísi undir nafninu Héraðsbókasafn. Þá hafa verið lánaðir bókakassar í
togara Útgerðarfélags Skagfirðinga upp á síðkastið.
Framtíðarhorfur Héraðsbókasafns Skagfirðinga ætm að vera bjartar.
Það styðst við ört vaxandi bæjarfélag og fjölmennar sveitir. Ríður nú
á, að þessir eigendur safnsins haldi áfram uppbyggingu þess og það geti
gegnt því hlutverki, sem því er ætlað. Gott bókasafn hlýmr alltaf að
vera ein meginstoð í menningarlífi hvers bæjar og héraðs.
Eiríkur Rögnvaldsson.