Glóðafeykir - 01.11.1977, Blaðsíða 26

24
GLOÐAFEYKIR
er því ekki vanþörf á að brýna fyrir fólki að rita nafn við hverja mynd;
enginn veit, hvenær slíkt kann að verða um seinan. — Stærsta mynda-
gjöfin er frá Sigrúnu M. Jónsdóttur, ekkju Kristjáns C. Magnússonar
verzlunarmanns á Sauðárkróki, er lengi starfaði á vegum Sögufélagsins og
var um skeið formaður héraðsskjalasafnsins. Kristján tók ljósmyndir og
safnaði gömlum myndum í hálfa öld eða allt frá því um 1920. Meiri hluti
þessa myndasafns eru af mannvirkjum (svo sem húsum) og atburðum og
spannar nær hundrað ára tímabil.
Nú er skrásetning mynda hafin og um þær búið til frambúðar.
— Héraðsskjalasafninu er að sjálfsögðu mikil þökk í að fá sem mest af
myndum til varðveizlu.
Héraðsskjalasafnið á og allmikið af hljómplötum, ekki hvað sízt frum-
útgáfur eftir íslenzka söngvara, Sigrún M. Jónsdóttir var og gefandi
þeirra. Fleira mætti tína til, sem safninu hefur áskotnazt, en hér verður
staðar numið.
Þótt auglýstur afgreiðslutími safnsins sé aðeins 6 klst. vikulega, á
fimmrndögum kl. 8—10 að kvöldi og á fösmdögum kl. 2—6* hefur
verið leitazt við að verða við beiðnum um afgreiðslu á öðrum tímum.
Frá því safnið var opnað hafa háskólanemar sótt það að staðaldri, er
þeir vinna að prófverkefnum um skagfirzkt og samnorðlenzkt efni. Góð
vinnuaðstaða á safninu hefur sparað þeim tíma og fé, enda hafa þeir
þrásinnis sýnt, að þeir kunna vel að meta þessa fyrirgreiðslu.
Oft er leitað til safnsins símleiðis og skriflega hvaðanæva af landinu og
einnig erlendis frá. Á síðasta ári voru afgreidd 163 erindi utan afgreiðslu-
tíma, sum ærið tímafrek.
Safngestir hafa verið sem hér segir: Árið 1972: 532; 1973: 343;
1974: 640 og síðastliðið ár (1975) 1014 talsins.
Héraðsskjalasafn Skagfirðinga hefur nánast engar beinar tekjur. Sýsla
og bær leggja því hverju sinni og ákveða framlagið að fengnum tillögum
stjórnarinnar. Verður ekki annað sagt en að vel hafi verið að verki staðið.
Framlögin hefðu þó hrokkið skammt til að koma því í kring, sem á hefur
unnizt. Margir hollvinir hafa létt því róðurinn, unnið því endurgjaldslaust
og styrkt myndarlega með fjárframlögum. En eftir því sem handritum
fjölgar, vex kostnaður við reksturinn. Millilagspappír, skjalaöskjur og
skjalahylki kosta talsvert fé, svo að eitthvað sé nefnt.
Þorsteinn Jónsson (Þórir Bergsson) rithöfundúr gaf safninu öll handrit
sín og höfundarréttinn einnig (þ. e. útgáfu- og flutningsrétt). Hefur orðið
* Hér er átt við afgreiðslutíma nú (1977).