Fréttablaðið - 23.04.2016, Page 37

„Þegar við ákváðum að láta til
skarar skríða fyrir tíu árum
og stofna fatamerkið Farmers
Market varð Grandinn fyrir valinu
af praktískum ástæðum. Við höfð­
um ekki úr miklum fjármunum að
moða auk þess sem nálægðin við
miðbæinn og heimili okkar var
hentug,“ segir Bergþóra Guðna­
dóttir, hönnuður Farmers Market.
„Þó grunaði okkur einnig hver
þróunin yrði á þessu svæði, að
hún yrði eitthvað í ætt við það sem
gerst hefur í öðrum borgum. Þar
hafa iðnaðarhverfi gengið í endur­
nýjun lífdaga, og skapandi grein­
ar, gallerí og veitingastaðir hafa
sprottið upp,“ segir hún og bendir á
Meat Packing District í New York
og Kødbyen í Kaupmannahöfn.
Þessi þróun virðist vera að ganga
eftir á Grandasvæði sem Berg­
þóru þykir afar ánægjulegt. „Hér
eru komnir frábærir veitingastað­
ir og gallerí auk þess sem margir
af helstu tónlistarmönnum lands­
ins hafa hér vinnuaðstöðu og stúd­
íó. Þetta blandast svo skemmtilega
við höfnina og iðnaðarstarfsemina
sem henni tengist.“
Stúdíóið breyttist í verslun
Upphaflega ætluðu Bergþóra og
maður hennar, Jóel Pálsson, að­
eins að opna hönnunarstúdíó á
Hólmaslóðinni. „En smám saman
jókst traffíkin þannig að við opn­
uðum verslun líka,“ lýsir Berg­
þóra. Þó Farmers Market sé í góðu
samstarfi við nokkra aðra söluað­
ila á landinu um ýmsar vörur þá
er verslunin á Hólmaslóð sú eina
sem þau hjónin eiga og reka sjálf
og býður upp á alla vörulínu merk­
isins.
„Auk Farmers Market erum við
með til sölu úrval af íslenskri tón­
list, bókum og ýmsu fallegu sem
við handveljum sjálf og okkur
þykir ríma vel við okkar vörulínu
og konsept. Þar má nefna frönsku
Aigle stígvélin, skart frá Aurum,
Orra Finn og Chan Luu, heimilis­
vörur og ýmislegt fleira. Því ákváð­
um við að kalla verslunina Farmers
& Friends, enda eru margir þess­
ir aðilar, eins og tónlistarmenn og
hönnuðir, góðvinir okkar.“
List á veggjum
Í versluninni er einn veggur
sem lagður er undir sýningar af
ýmsu tagi. „Hér hafa ýmsir lista­
menn sýnt verk sín á undanförn­
um árum. Í augnablikinu erum við
reyndar sjálf með sýningu á aug­
lýsingamyndum Ara Magg sem
hann hefur gert með Farmers
Market undanfarin ár og hafa hlot­
ið mikla athygli.“
John Galliano í heimsókn
Bergþóra segir að þau hafi stund­
um orðið hissa þegar í verslunina
kemur fólk sem hefur keypt sér
ferð til Íslands eftir að hafa lesið
umfjöllun um búðina í tímariti, en
fjallað hefur verið um Farmers &
Friends í ýmsum þekktum erlend­
um blöðum á borð við Monocle,
Vogue og fjölda ferðatímarita.
„Eins urðum við hissa þegar við
sáum einn daginn ritstjóra amer­
íska Vogue spóka sig í versluninni.
Hann var geysilega forvitinn, mát­
aði helling af fötum og vildi fá að
vita allt um fyrirtækið og hönnun­
ina. Hann kom svo aftur daginn
eftir og þá með sjálfan John Galli­
ano með sér. Það var dálítið súr­
realískt.“
Alltaf eitthvað nýtt
Ávallt bætist í úrvalið hjá Farmers
Market. „Undanfarið hafa verið
að bætast við nýjungar í flesta
flokka vörulínunnar okkar. Til
dæmis undirföt, peysur, skyrtur
o.fl. Fyrir sumarið er svo væntan­
leg lítil sumarlína fyrir dömur sem
ég hef verið að vinna að undanfar­
ið og er mjög spennt yfir.“
Suðupottur skapandi greina á Granda
 Fatamerkið Farmers Market byggir á sjálfbærni og nútímalegri útfærslu á norrænum rótum í hönnun. Eina verslun Farmers Market, sem
hefur alla línu merkisins til sölu, er Farmers & Friends að Hólmaslóð 2.  Þar má einnig finna úrval af annarri áhugaverðri hönnunarvöru.
Verslunin er skemmtilega upp sett.
Ávallt bætist í úrvalið hjá Farmers Market.
Í versluninni er einn veggur sem lagður er undir sýningar af ýmsu tagi. Um þessar
mundir prýða vegginn auglýsingamyndir Ara Magg fyrir Farmers Market.
Falleg hönnun frá Farmers Market.
Verslunin Farmers & Friends er afar falleg og þangað er skemmtilegt að koma enda gaman að skoða þá fjölbreyttu hönnunarvöru sem þar er að finna. Myndir/Ari MAGG
Kynningarblað GrAndinn
23. apríl 2016 5
2
3
-0
4
-2
0
1
6
0
4
:3
5
F
B
1
2
0
s
_
P
0
8
4
K
.p
1
.p
d
f
F
B
1
2
0
s
_
P
0
7
7
K
.p
1
.p
d
f
F
B
1
2
0
s
_
P
0
3
7
K
.p
1
.p
d
f
F
B
1
2
0
s
_
P
0
4
4
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
9
3
1
-E
9
C
4
1
9
3
1
-E
8
8
8
1
9
3
1
-E
7
4
C
1
9
3
1
-E
6
1
0
2
7
5
X
4
0
0
.0
0
1
5
A

F
B
1
2
0
s
_
2
2
_
4
_
2
0
1
6
C
M
Y
K