Skírnir - 01.04.1998, Qupperneq 156

150
CHRISTOPHE PONS
SKÍRNIR
átt í útistöðum við hann. Vitnisburð sinn staðfestir hann með frá-
sögnum af sjálfum sér frá því að hann var bóndi á Skipeyri. Eg
fékk ekkert að vita um efni þessara frásagna en Ingibjörg staðfesti
áreiðanleik þeirra og það að Guðrún gæti ekki hafa haft minnstu
hugmynd uni þær.
Það er fyrst í kjölfar transins sem draugurinn verður sannlega
að ásteytingarsteini innan fjölskyldunnar. Agreiningurinn snýst
um það hvort systkinunum beri að fara að Skipeyri eða ekki. Má
jafnvel halda því fram að þetta skipti fjölskyldunni í tvær fylking-
ar: þá sem vilja fara og þá sem eru andvígir leiðangrinum.
Sumarið 1994 undirbýr þrenningin ferð að Skipeyri. Brottfar-
ardagur er ákveðinn. Þá kemur það í hlut Ingibjargar að segja
Hildi (74 ára), móður sinni, dóttur Sigurðar, frá áformum þeirra.
Hildur bregst ókvæða við og kann enginn skýringu á öfgakennd-
um viðbrögðum hennar. Hún ber því við að hún megi ekki til
þess hugsa að til þeirra sjáist, barna sinna, snuðrandi við rústirnar
á Skipeyri. Hún harðbannar þeim að leggja upp í ferðina og segist
ekki vilja heyra meira á þetta minnst.7 Að baki þessum viðbrögð-
um kann þó að leynast önnur veigameiri ástæða: Hildur tengir
barnið sem borið var út á Skipeyri við son sinn Magnús, sem var
síðastur í röð systkinanna og dó aðeins sjö mánaða gamall. Ingi-
björg er sannfærð um að draugurinn hafi komið þessum hug-
myndum inn hjá móður sinni og kyndi undir misskilningi henn-
ar, því svo lengi sem hún ruglar börnunum tveimur saman, muni
hún setja sig upp á móti leiðangrinum. Siggi er þessu ósammála:
„Hún er enginn kjáni og veit vel hvað er á seyði! “ Með þessum
andmælum tekur Siggi undir hugmyndir móður sinnar um látna
bróðurinn. Leiðangrinum er frestað.
Sumarið eftir, árið 1995, ákveða Guðrún og Ásgeir (35 ára) að
leggja leið sína að bænum án þess að láta aðra vita. Þau vilja
þannig komast hjá því að ögra Hildi og öðrum fjölskyldumeð-
limum sem leggjast gegn leiðangrinum. Ásgeir verður á þennan
hátt þátttakandi í draugasögunni án þess að hafa sjálfur nokkurn
tíma verið ásóttur af draugnum. Áður en þau komast af stað bilar
7
Þrátt fyrir að börn hennar bentu á að sveitin væri komin í eyði, lét hún sér
ekki segjast.