Skírnir - 01.04.1998, Blaðsíða 172

166
ÁRNI BJÖRNSSON
SKÍRNIR
eigin duttlungum." Vissulega veit ég dæmi þess úr bernsku að
menn gerðu sér upp skyggni til að öðlast óttablandna virðingu.
Það merkir þó ekki að menn geri sér almennt leik að þessu. Ber-
dreymi sumra manna er og eitt af þeim dulrænu fyrirbærum sem
hvað örðugast er að afneita og hvergi hef ég sagt menn ljúga því
upp.
A hinn bóginn geta draumvitranir átt sér rætur í ýmsu sem
mikið er í daglegri umræðu eða leitar á hugann. Um hugsanlega
sannfræði í frásögnum ólygnasta fólks, til dæmis um hjálp við
huldukonu í barnsnauð og önnur samskipti við huldufólk, þyrfti
ekki að leita lengra en í ótrúlega skýra drauma. Um slíkt skýr-
dreymi má til gamans taka nýlegt dæmi:
Margrét Gísladóttir frá Hæli í Hreppum, textílforvörður á
Þjóðminjasafni Islands, ók sumarið 1978 um Þrastaskóg í Gríms-
nesi og sá sér til undrunar að búið var að jafna sumarbústað
kunningjafólks hennar, fjölskyldu Osvalds Knudsens, við jörðu
og svart sárið blasti við, en bátaskúrinn stóð þó enn niðri við ána.
Hún harmaði þetta og fjölyrti nokkuð um það við fólk, þar til
vinkona hennar á Laugarvatni tók hana eitt kvöld með sér í bíltúr
niður í Þrastaskóg. Þar var þá allt á sínum stað, og um leið rann
upp fyrir Margréti að hana hafði dreymt þetta. Fyrr um sumarið
höfðu hinsvegar staðið nokkrar deilur um sumarbústaðinn milli
Ósvalds og landeigandans.
Síðar í erindinu segir Valdimar:
Enn sem fyrr er náttúrudulúðin sterkur þáttur í trúarhugmyndunum. I
tæknisamfélagi síðustu áratuga fellur þetta viðhorf að nokkru leyti sam-
an við náttúruverndarsjónarmið sem láta sífellt meira að sér kveða. Hins
vegar er ástæðulaust að ganga jafn langt og Arni Björnsson og skýra
álagasagnir frá styrjaldarlokum til fullnustu út frá umhverfisvernd.
Þetta er blátt áfram ekki rétt túlkun á mínum orðum. Ég bendi
einungis á að miklu fleiri fagrir og ástsælir klettar og hólar hlutu
að lenda í væntanlegu vegarstæði eftir að jarðýtur komu til sögu
og unnt varð að ryðja þeim brott í stað þess að krækja þurfti fyrir
þá. Stundum vilja einstaklingar af ýmsum ástæðum vernda þessa
fornvini sína og beita að sjálfsögðu öllum tiltækum ráðum og