Skírnir - 01.04.1998, Qupperneq 224

218
KRISTÍN BRAGADÓTTIR
SKÍRNIR
hagvöxtur sé undir honum kominn. Hann er ósýnilegri en „ecomomie
culturel" og skilar hvorki arði á sama hátt né jafn hratt. Hann er á hinn
bóginn háður „capital informationnel" eða upplýsingaauði þjóðarinnar
og færni hennar til að tileinka sér hann. Fólk, sem gætir þess að vera vel
að sér og áttar sig á því hvar vaxtarbroddurinn er og hvar ávinninganna
er að vænta, hafnar fljótlega í þeim þrepum samfélagsins þar sem gildin
eru mörkuð og ákvarðanir teknar. A þetta við jafnt um stjórnmálamenn,
embættismenn og athafnamenn viðskiptalífsins. Þessi umræddu verk
vekja mann til umhugsunar um það í hvaða mynd menningin birtist.
Bourdieu fór ótroðnar slóðir við að búa til hugtök og hefur gefið fé-
lagsvísindum ný verkfæri t. d. til greiningar á bókmenntum. Hann gekk
út frá frönskum samtíma sínum þar sem auðvelt var að kortleggja sið-
venjur, leiðir til menntunar og hagnýt sambönd vina og vandamanna.
Það hefur síðan komið í ljós að kenningar hans er hægt að nota í víðara
samhengi. I síauknum mæli er talað um að framtíð þjóða byggist á þátt-
töku þeirra og færni í hinu alþjóðlega upplýsingasamfélagi. Að eiga góð-
an skerf af menningarauði felur ekki síst í sér að vera vel upplýstur og
með á nótunum.8 Æ mikilvægara verður að safna saman upplýsingum,
setja þær í kerfi og gera þær aðgengilegar, hvort sem er í prentuðu formi
eða til rafrænnar notkunar. Báðar umræddar bækur sýna, svo ekki verð-
ur um villst, að menningarlegur höfuðstóll Islendinga hefur verið digur í
tímanna rás. Síðar mun koma í ljós hvort hans hafi verið nægilega gætt,
ávöxtun hans leitt okkur áfram eða hvort hann hefur rýrnað í höndum
okkar vegna slælegrar gæslu.
8 Donald Broady: „Sociologi och epistemologi. Om Pierre Bourdieus författar-
skap och den historiska epistemologin." Doktorsritgerð frá Stokkhólmshá-
skóla 1991. Sjá einnig: Pierre Bourdieu: Texter om de intellektuella. Stock-
holm 1992.