Skírnir - 01.09.1999, Blaðsíða 195

SKÍRNIR LOFTKENNT FÓLK Á STAÐLAUSUM TÍMUM ?
441
Tæp 80% svarenda leita titla sem þeir þekkja og vita að þykja
traustir, aðeins 15% sögðust leita að vefjum sem væru líklegir til
að birta nýjar hliðar á tilteknum fréttum.27
Þegar spurt var beint út hvers vegna fólk veldi vefi frá ákveðn-
um þjóðlöndum svaraði stærsti hópurinn, 39%, því til að þeir
teldu fjölmiðla þar trausta en samtals 41% völdu fréttavefi vegna
persónulegra tengsla af ýmsum toga. Þannig sagðist fimmtungur
svarenda velja fréttavefi frá tilteknum löndum því svarandi hefði
búið þar og vildi gjarnan fylgjast með, 7% því að „vinir/ættingjar
búa þar“ og 13% voru búsett í viðkomandi landi. Aðeins 15%
svarenda sögðu að tilviljun réði vali þeirra á erlendum fréttavefj-
um.
Þátttakendum var einnig boðið að koma með eigin skýringar
á því hvers vegna þeir veldu fréttavefi frá tilteknum löndum. Títt-
nefndustu skýringarnar voru að svarandi ætti faglega/viðskipta-
lega hagsmuni í viðkomandi löndum, gæti lesið tungumálið eða
þætti íþróttafréttirnar betri. Engin skýringanna gróf undan þeirri
tilgátu sem hér hefur verið sett fram um hvað stýri notkun fólks á
fréttavefjum. Þær voru einkum tilbrigði við sama stefið, þ.e. að
fólk skoði fréttavefi frá menningarsvæðum sem það þekkir eða
hefur persónuleg tengsl við. Aðeins einn svaraði því til að maður
leitaði ekki að löndum á Netinu, heldur að besta fréttavefnum
óháð landi. Sjálfsagt vilja margir trúa því að þessi athugasemd sé
sönn. En niðurstöður könnunarinnar eru ótvíræðar - alheimsnet-
ið Veraldarvefurinn hefur ekki náð að má út landamæri þjóðríkja.
Vörumerki frá eigin menningarsvæði og persónuleg tengsl stýra
vali lesenda.
Lewinsky-málið og Persaflóastríðið
Nánast allir þátttakendur (98%) fylgjast með erlendum fréttum í
íslenskum dagblöðum og þrír fjórðu lesa þær oft/mjög oft (74%).
Þó hefur mikill meirihluti svarenda (80%) „fundið fyrir löngun
27 Þess ber að geta að 29% hópsins svaraði þessari spurningu ekki. Ef tekið er
tillit til alls hópsins var samt sem áður röskur helmingur, 56%, sem leitaði að
titlum sem hann þekkti og treysti.