Morgunblaðið - 15.07.2015, Blaðsíða 2

Ungmennadrykkja
við Gljúfrastein
Morgunblaðið/Arnaldur
Drykkja Fundist hafa sundskýlur, bjórdollur og sígarettupakkar við laug-
ina. Forstöðumaður safnsins segir laugina lokaða, enda sé hún safngripur.
Ingvar Smári Birgisson
isb@mbl.is
Ungmennadrykkja gerir safnvörð-
um Gljúfrasteins, heimilis stór-
skáldsins Halldórs Laxness, lífið
leitt. Fundist hafa sundskýlur, bjór-
dollur, sígarettupakkar og fleira við
sundlaugina bak við safnið á björt-
um sumardögum síðustu árin eftir
skemmtanahald ungmenna.
Guðný Dóra Gestsdóttir, for-
stöðumaður safnsins, segir þetta
sem betur fer ekki algengt, en þau
hafi samt sem áður ráðfært sig við
lögregluna og sett upp skilti, á
hverju stendur að það sé stranglega
bannað að fara í sundlaugina. Sett-
ar hafa verið upp öryggis-
myndavélar og á svæðinu er starf-
rækt nágrannavarsla, en samt
laumast fólk bak við húsið í sund-
laugina eftir lokun safnsins. „Við
höfum ekki tök á að vakta þetta all-
an sólarhringinn,“ segir Guðný.
Hún segir að í nokkur skipti hafi
lögreglan verið fengin til að smala
upp úr lauginni. „Hættan í þessu er
sú, eins og lögreglan sagði þegar
hún gerði úttekt á þessu, að við vilj-
um ekki koma á mánudagsmorgni
og sjá einhvern meðvitundarlausan
í sundlauginni eða á bakkanum.“
„Þeir voru allsberir“
Nokkur tilvik hafa verið ein-
kennilegri en önnur. Að sögn Guð-
nýjar hafði lögreglan samband við
nemendur í Verzlunarskólanum
sem höfðu tekið upp tónlistar-
myndband í lauginni. „Þeir voru all-
ir allsberir. Þetta er fyndið í aðra
röndina en þetta er ekki það sem
við viljum,“ segir Guðný. Þá voru
nokkur ungmenni gripin í gegnum
samfélagsmiðilinn Instagram, þegar
þau tóku mynd af sér með bjór-
kassa í lauginni og merktu á mynd-
ina að þau væru við Gljúfrastein.
Guðný leggur áherslu á að safn-
inu sé sýnd virðing. Hún skilur að
þetta sé freistandi á sumarkvöldum,
en beinir þeim tilmælum til fólks að
fara ekki í sundlaugina, enda er hún
sýningargripur og aðgangur að
henni stranglega bannaður.
 Laumast í sundlaugina bak við húsið
2 FRÉTTIRInnlent
MORGUNBLAÐIÐ MIÐVIKUDAGUR 15. JÚLÍ 2015
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Jón Birgir Eiríksson
jbe@mbl.is
Samgönguyfirvöld hafa ekki sýnt því
áhuga að fjölga skipsferðum til Vest-
mannaeyja á álagstímum umfram
þær sem Herjólfur siglir og niður-
greiddar eru af Vegagerðinni.
Sigurmundur Einarsson hjá Vik-
ing Tours í Vestmannaeyjum segir
mikla þörf á bótum í samgöngum til
Vestmannaeyja. Farþegafjöldi Herj-
ólfs hefur mikil áhrif á samgöngunet
heimamanna og segir Sigurmundur
Herjólf ekki anna fjölda ferðamanna
á álagstímum.
Viking Tours býður skoðunarsigl-
ingar um náttúru Vestmannaeyja en
hefur áður sinnt siglingum til Land-
eyjahafnar þegar þörf hefur krafið.
Tilbúnir að fjölga sætum
Vegagerðin annast útboð um
rekstur reglulegra ferða til Vest-
mannaeyja og greiðir niður kostnað
þeirra samkvæmt fjárlögum. Sigur-
mundur segir Viking Tours hafa gert
samning við Vegagerðina um flutn-
inga milli lands og Eyja síðasta vet-
ur, sem runnið hafi út í vor. Þrátt
fyrir að fjárhæð niðurgreiðslunnar
samkvæmt fjárlögum hafi aðeins
verið nýtt að helmingi hafi ekki þótt
tilefni til að framlengja samninginn.
„Síðastliðið ár höfum við siglt hér
á milli. Í vor buðum við Vegagerðinni
að sigla daglega tvær ferðir á álags-
tímum og leysa þannig vandamálið
með því að bæta við 87 sætum. Það
var enginn áhugi fyrir því að fjölga
ferðunum,“ segir hann.
Auk reglulegra ferða í vetur hefur
Viking Tours boðið upp á ferðir á
sérstökum álagstímum á sumrin í
kringum Orkumótið í Eyjum og
Þjóðhátíð. Sigurmundur segir mark-
aðinn ráða ferðum sem þessum.
„Ferðir sem eru ekki á vegum Vega-
gerðarinnar eru ekki niðurgreiddar.
Þær borga sig ekki nema um hópa sé
að ræða,“ segir hann.
Ekki ósvipað Ártúnsbrekku
Sigurmundur segir fjölgun ferða
Herjólfs ekki vera langtímalausn
vandans. Álagstímarnir séu tvisvar á
dag, á morgnana og seinnipartinn.
„Þörfin felst í meiri flutningum
tvisvar til þrisvar á dag. Það þyrfti
stærra skip til að flytja fjöldann á
álagstímunum,“ segir hann og bætir
við að Herjólfur sé í eðli sínu ekki
ólíkur Ártúnsbrekku í Reykjavík,
nýtingin sé ekki sú sama allan dag-
inn, þó þurfi að anna umferðinni á
álagstímum.
 Farþegafjöldi hefur áhrif á heimamenn  Ekki áhugi á nýjum samningi við
Viking Tours  Heimild í fjárlögum til niðurgreiðslu ferðanna ekki fullnýtt
Enginn áhugi á fjölgun ferða
Morgunblaðið/Árni Sæberg
Heimaey Viking Tours hefur áður boðið ferðir milli lands og Eyja en Vega-
gerðin sýndi ekki áhuga á endurnýjun samnings þrátt fyrir sumarálagið.
Ísak Rúnarsson
isak@mbl.is
Í sumar ekur hótel á íslenskum
vegum um land allt. Er það hið svo-
kallaða rúllandi hótel. Þar er búið
að sameina skoðunarferðir og gist-
ingu en í rútunni eru tuttugu gisti-
pláss. Er þetta í fyrsta skipti sem
þessi tegund þjónustu býðst hér á
landi.
Tvær slíkar rútur eru nú á Ís-
landi og bjóða hvor upp á sína
ferðaleiðina. Annars vegar 15 daga
ferð hringinn um landið en í hinni
er farið með Norrænu frá Dan-
mörku og til Seyðisfjarðar, þaðan
að Öskju, þá til Hornafjarðar og yf-
ir Suðurlandið, loks að Geysi og
ferðinni lýkur við Bláa lónið. Það er
ekki ókeypis að fara í þessar ferðir
en fyrri ferðaleiðin kostar 2.690
evrur eða um 400 þúsund íslenskar
og sú seinni 2.790 evrur eða um 410
þúsund íslenskar. Í ár munu rút-
urnar tvær samtals fara í sex ferð-
ir, tvær hringferðir og fjórar Nor-
rænuferðir.
Rúllandi hótel óalgeng
á norðlægum slóðum
Það er þýskt ferðaþjónustufyr-
irtæki, Rotel Tours, sem á og rekur
rúturnar en þær eru starfræktar
víðsvegar um heim. En að sögn
starfsmanns fyrirtækisins, Peter
Hoeltl, eru rúturnar yfirleitt stað-
settar sunnar í veröldinni þar sem
heitara er en fyrirtækið býður m.a.
upp á ferðaleiðir í Kenía, Tyrklandi
og Ástralíu. Fyrirtækið er í sam-
starfi við íslenskt ferðaþjónustufyr-
irtæki, Guðmund Jónasson, og fær
ferðaþjónustuleyfið útgefið í gegn-
um það samstarf.
Peter Hoeltl segir Rotel Tours
hafa verið í ferðaþjónustu hér á
landi síðan árið 1972 og að á vet-
urna bjóði það upp á norðurljósa-
skoðunarferðir en þá sé ómögulegt
að notast við hótelrúturnar vegna
þess að of kalt sé í veðri. Rotel To-
urs hyggst áfram stunda ferðaþjón-
ustu á Íslandi og hótelin rúllandi
munu áfram sjást á þjóðvegum
landsins á næsta ári.
Rútuhótelið keyrir hringinn um landið
 Borga 400 þúsund krónur fyrir
tveggja vikna gistipláss í rútuhótelinu
Morgunblaðið/Þorsteinn Ásgrímsson
Hótelrútan Tuttugu gistipláss eru í hótelrútunni en samtals verður farið í sex ferðir í sumar á tveimur ferðaleiðum.
Lögreglan á höfuðborgarsvæðinu
lagði hald á mikið magn e-taflna í
íbúðarhúsnæði í umdæminu í lok síð-
asta mánaðar, en talið er að þær hafi
verið framleiddar í öflugri pressu,
svokallaðri töflugerðarvél, sem er nú
sömuleiðis í vörslu lögreglunnar,
samkvæmt því sem fram kemur í til-
kynningu frá embættinu.
Lagt var hald á töflugerðarvélina
á öðrum stað innan höfuðborgar-
svæðisins. Þá hafa fimm karlar verið
handteknir í þágu rannsóknarinnar,
sem að sögn lögreglu var umfangs-
mikil. Fjórir þeirra voru úrskurðaðir
í gæsluvarðhald og eru tveir enn í
haldi lögreglu.
Embættið getur ekki veitt frekari
upplýsingar um málið að svo stöddu,
að því er segir í tilkynningunni.
Lögðu hald
á e-töfluvél
Morgunblaðið/Kristinn
E-töflur Fimm hafa verið hand-
teknir og tveir eru í haldi lögreglu.