Morgunblaðið - 15.07.2015, Blaðsíða 31

MENNING 31
MORGUNBLAÐIÐ MIÐVIKUDAGUR 15. JÚLÍ 2015
Davíð Már Stefánsson
davidmar@mbl.is
„Við leikum mestmegnis nútíma-
djass, þetta er allavega ekkert
swing,“ segir Ingi Bjarni Skúlason,
píanóleikari og meðlimur djasstríós-
ins Skarkala, en sveitin gaf nýverið
út samnefnda plötu. Á henni má
finna níu frumsamin lög í fjöl-
breyttum útsetningum en upptökur
fóru fram í Amsterdam í febrúar síð-
astliðnum þar sem tveir meðlima
tríósins, Ingi Bjarni og bassaleik-
arinn Valdimar Olgeirsson, stunda
tónlistarnám í Hollandi. Þriðji með-
limur tríósins, Óskar Kjartansson, er
búsettur hér á landi en hann hefur
meðal annars áður leikið með sveit-
unum Orphic Oxtra, Blæti og Nóra.
Efnt verður til útgáfutónleika í
Hannesarholti á morgun klukkan
20.30.
Spiluðu m.a. í Færeyjum
„Við kynntumst allir þegar við
vorum að læra saman í FÍH. Við höf-
um spilað saman í mörgum hópum
við hin ýmsu tilefni og þekkjumst
mjög vel. Sveitin var stofnuð árið
2013 og við tökum syrpur þegar við
hittumst, það hefur bara gengið
ágætlega. Við stofnuðum bandið í
raun fyrir Young Nordic Jazz Co-
mets Showcase í Noregi. Við komum
þar fram fyrir Íslands hönd og frá
því höfum við reynt að gera ýmislegt.
Í fyrra fórum við til Færeyja og spil-
uðum á fernum tónleikum. Það var
frábært að koma þar fram. Við sigld-
um á lítilli skútu að sjávarhelli, frá
skútunni fórum við á litlum báti inn í
hellinn og spiluðum þar. Áhorfendur
komu á bátum inn í hellinn til að
hlýða á okkur. Núna erum við svo að
gefa út þessa plötu og munum spila á
tónleikum í tengslum við hana,“ segir
hann.
Ingi Bjarni lagði stund á djass-
píanónám í Tónlistarskóla FÍH og
útskrifaðist þaðan árið 2011. Nú
stundar hann enn frekara djass-
píanónám í Konunglega tónlistarhá-
skólanum í Den Haag, Hollandi. Allt
frá því að hann byrjaði að læra í Tón-
listarskóla FÍH hefur hann verið
virkur tónlistarflytjandi. Sumarið
2010 var hann meðlimur í hljómsveit-
inni Silfurberg sem spilaði norræn
þjóðlög í eigin útsetningum um götur
Reykjavíkur. Ingi Bjarni leikur einn-
ig með Eyjafjalla Experience sem er
samstarfsverkefni íslenskra og
sænskra djasstónlistarmanna. Ingi
Bjarni hefur leikið eigin tónsmíðar
með fjölda fólks bæði á Íslandi og í
Hollandi og er tónlist Skarkala til að
mynda samin af honum. Í mars 2014
var Ingi Bjarni tilnefndur til íslensku
tónlistarverðlaunanna í flokkinum
Bjartasta vonin í sígildri og sam-
tíma-tónlist og djassi.
Mikil gróska um þessar mundir
Valdimar lærði á rafbassa í
heimabæ sínum Bolungarvík og síð-
ar varð hann kennari við tónlistar-
skólann þar. Eftir framhaldskóla
lærði hann í Tónlistarskóla FÍH þar
sem hann útskrifaðist árið 2013 og
hlaut hann styrk frá menningarsjóði
Árna Scheving við útskriftina. Nú
stundar hann nám í Conservatorium
van Amsterdam. Óskar byrjaði að
spila á trommur tólf ára og útskrif-
aðist frá Tónlistarskóla FÍH árið
2013. Eins og áður segir hefur hann
síðan þá spilað með ýmsum djass- og
rokksveitum hér á landi. Á útgáfu-
tónleikunum verða öll lög plötunnar
flutt og líst Inga Bjarna vel á salinn.
Hann kveður jafnframt flóruna í
djasssenunni á Íslandi góða og segir
unga hljóðfæraleikara vera að koma
sterka inn.
„Þetta er lítið land og auðvitað
skilur maður það að þeir sem eldri
eru sitji svolítið um djasssenuna. Ég
er þó á því að það sé ákveðin end-
urnýjung í gangi. Það munu góðir
hlutir gerast á næstu tíu árum, ég
held að gróskan sé allavega meiri
núna en fyrir nokkrum árum. Það
eru alltaf að koma fleiri og fleiri
hljóðfæraleikarar inn sem hafa
margir hverjir stundað nám í FÍH og
útskrifast þaðan,“ segir hann.
Gaman að sjá kunnugleg andlit
Tríóið mun einnig koma fram á
fleiri tónleikum í sumar til að kynna
plötu sína og munu einir slíkir fara
fram í Edinborgarhúsinu á Ísafirði
21. júlí næstkomandi.
„Þetta verða sjálfstæðir tón-
leikar,“ segir Valdimar en bassaleik-
arinn er eins og áður segir Bolvík-
ingur auk þess sem hann gekk í
framhaldsskóla á Ísafirði.
„Það er alltaf gott að koma heim á
Vestfirðina. Ég spila þar reglulega
og í þetta skiptið er það einkar
spennandi að koma með bandið, spila
ný lög og selja diskinn. Það er líka
alltaf gaman að sjá andlit sem maður
þekkir í salnum,“ segir hann og bæt-
ir við að salurinn taki að öllum lík-
indum um hundrað manns. Þess má
geta að útgáfa plötunnar er styrkt af
Hljóðritasjóði STEF, Menningar-
sjóði F.Í.H og Tónskáldasjóði Rásar
2. Þá kveður Ingi Bjarni framhaldið
ekki alveg ljóst en segir þó líklegt að
sveitin fylgi plötunni vel eftir.
„Það verður bara að koma svolítið
í ljós. Við einbeitum okkur bara að
þessari plötu núna og sjáum hvert
hún leiðir okkur. Kannski sækir
maður um að fá að spila erlendis, það
væri mjög gaman,“ segir hann.
Ákveðin endurnýjung að eiga sér stað
Djass Ingi Bjarni Skúlason, Óskar Kjartansson og Valdimar Olgeirsson skipa Skarkala. Tríóið kemur fram í Hannesarholti á morgun klukkan 20.30.
 Tríóið Skarkali efnir til útgáfutónleika í Hannesarholti á morgun vegna nýútkominnar plötu sinnar
 Á plötunni má finna nútímadjass en meðlimir tríósins kynntust er þeir námu hljóðfæraleik við FÍH
Stóru kvikmyndaverin og framleiðendur vinsælla sjón-
varpsþátta kepptust við að ná athygli þátttakenda á San
Diego Comic-Con ráðstefnunni. Ný sýnishorn úr mynd-
um eru gjarnan kynnt á Comic-Con og leikarar koma
fram til að auglýsa kvikmyndir sínar eða sjónvarpsþætti.
Í ár fór ekki milli mála að Star Wars fór með sigur af
hólmi enda mest eftirvænting eftir nýju myndinni sem
kemur um jólin. Warners/DC kom ekki langt á eftir Star
Wars enda stórmyndarinnar Batman v. Superman einn-
ig beðið með mikilli eftirvæntingu. Þá skemmir það
sjaldan fyrir að fá stórleikara á borð við Ben Affleck,
sem leikur Batman, til að kynna myndina. Kevin Smith, góður vinur Af-
fleck, þurfti þó að þola það að horfa á eftir fólki á kynningu nýju myndar
sinnar, Yoga Hosers, yfir á kynningu á Star Wars.
Áhugaverðast á Comic-Con San Diego
Ben Affleck
Smithsonian National Museum of
African Art telur ekki ástæðu til að
taka niður listaverk í eigu hjónanna
Camille og Bills Cosby þrátt fyrir
að nú liggur fyrir játning frá Bill
Cosby um að hafa gefið konum sem
hann vildi sofa hjá nauðgunarlyfið
Qualludes.
Í yfirlýsingu frá safninu segir að
sýningin snúist um listaverkin og
listamennina á bakvið þau, ekki
eigendur verkanna, en 1/3 verka
sýningarinnar kemur frá Cosby-
hjónunum.
Málið hefur þó tekið enn einn
snúninginn því í ljós hefur komið að
sýningin er ekki eingöngu byggð
upp að stórum hluta á listaverkum
frá Bill Cosby og konu hans heldur
er sýningin að mestu greidd af
þeim. Hjónin fjármögnuðu sýn-
inguna fyrir 716 þúsund dollara,
sem stendur undir nærri öllum
kostnaði vegna hennar.
Smithsonian telur ekki ástæðu til að
taka niður verk í eigu Bills Cosby
AFP
List Verk í eigu Bill Cosby verða ekki tekin
niður af listaverkasýningu.