Morgunblaðið - 15.07.2015, Blaðsíða 10

10 DAGLEGT LÍF
MORGUNBLAÐIÐ MIÐVIKUDAGUR 15. JÚLÍ 2015
Laufey Rún Ketilsdóttir
laufey@mbl.is
Þetta var búið áður en égvissi af og þá var ég bæðiótrúlega hamingjusamur ísigurvímu og líka svolítið
leiður yfir því að þessu væri nú lok-
ið,“ segir Óskar Þór Þráinsson en
hann hélt upp á þrjátíu og fimm ára
afmæli sitt með eftirtektarverðum
hætti og hljóp einn kílómetra fyrir
hvert ár sem hann hafði lifað. Virkj-
aði hann vini og vandamenn með sér
og var þéttur hópur sem stóð honum
að baki og hljóp hluta leiðar með
honum.
Aðspurður af hverju hann hafi
ekki bara haldið veislu eins og venju-
legt fólk svaraði hann um hæl að
skemmtilegra hefði verið að fagna
sniðugum árafjölda með þessum
hætti, ásamt sínu besta líkamlega
formi hingað til. „Svo vantaði mig
annað og verðugt markmið eftir að
ég hljóp hálfmaraþon í fyrsta skipti
síðasta haust. Mig langaði líka að
gera þetta að þátttökuhlaupi þar
sem fleiri tækju þátt með mér og
þetta yrði eins konar hópefli,“ segir
hann léttur í bragði.
Úr sófanum í 35 km
Óskar hljóp vegalengdina á
rúmum fjórum klukkutímum en
tímaælingin var honum ekki ofarlega
í huga. „Ég var með eina reglu, ég
hljóp ekki hraðar en aftasti maður,“
segir hann en markmiðið hafi verið
að fá fólk til að hlaupa saman og að
allir skoruðu á sjálfa sig. „Mér
fannst virkilega gaman að sjá að
þarna hljóp með mér fólk í alls kyns
líkamlegu ástandi og stóð sig með
mikilli prýði.“
Byrjaði hann að hlaupa tveimur
árum fyrr þegar hann horfði á pabba
sinn, Þráin Þorvaldsson, og eldri
systur sínar skrá sig í 10 kílómetra
hlaup og fannst hann ekki geta verið
þeirra eftirbátur, verandi yngstur.
„Ég rétt silaðist í mark og þetta var
það erfiðasta sem ég hafði gert en ég
hugsaði strax í kjölfarið, ef ég get
þetta þá hlýt ég að geta aðeins
meira. Svo skráði ég mig í 21 km
hálfmaraþon um haustið,“ segir Ósk-
ar en þá varð ekki aftur snúið, hann
var kominn með hlaupabakteríuna.
Bæði vinir, vandamenn og
hlaupafélagar fylgdu Óskari hluta úr
leið. Hlaupahópurinn hans, Lauga-
skokk, ýtti honum úr vör og hljóp
með honum fyrsta hluta leiðarinnar.
Frá honum hefur Óskar öðlast dýpri
þekkingu á hlaupum. „Jafningja-
fræðslan í hópnum er alveg ómet-
anleg en maður lærir ýmislegt í
spjallinu á hlaupum,“ segir hann en
einnig hafi hann stuðst við hlaupa-
plön á netinu. Hlaupaforritið End-
umondo var honum einnig innan-
handar en þar er hægt að stilla inn
hlaupaplön og mæla hlaupaleiðirnar.
Langfeðgahlaup í lokin
„Ég var alveg líkamlega og and-
lega búinn í kringum 30 km en þá
var svo stutt eftir og ég fór þetta
meira og minna á andlegu hliðinni,“
segir Óskar sem fékk þó ómetan-
legan liðstyrk á síðustu þremur kíló-
metrunum frá tíu ára syni sínum og
föður. „Þetta endaði í hálfgerðu
langfeðgahlaupi,“ segir hann.
Feðgarnir höfðu æft sig saman í
nokkra mánuði og var það ekki
vandræðalaust að sögn Óskars.
„Þetta tók á því hann er eins og
margir krakkar ekkert rosalega
mikið úti á veturna.“ Þess vegna hafi
sigurinn verið því sætari þegar Val
tókst að hlaupa alla þrjá kílómetrana
klakklaust. „Hann gerði þetta án
þess að stoppa og án þess að
kvarta,“ segir Óskar glettinn en þeir
feðgarnir voru afar ánægðir með ár-
„Dirty Fæv“-hlaupið
á 35 ára afmælinu
Óskar Þór Þráinsson hljóp á afmælisdaginn sinn, 27. júní síðastliðinn, 35 kíló-
metra í kringum Reykjavíkursvæðið. Fjöldi fólks hljóp með honum til að fagna af-
mælinu og skora á sjálft sig í leiðinni. Hlaupið var langt og erfitt en andlega frá-
bært að mati Óskars og mun hann næst hlaupa 42 km í Reykjavíkurmaraþoninu
fyrir hönd Umhyggju, félags til stuðnings langveikum börnum.
Mark Óskar kom sigri hrósandi í mark og var að eigin sögn bæði í sigur-
vímu og spennufalli á sama tíma. Vinir og vandamenn fögnuðu með.
Á leið Hlaupahópurinn Laugaskokk hljóp með Óskari fyrri hluta leið-
arinnar og var honum innanhandar bæði fyrir og eftir hlaupið.
Sumarið er tíminn! Þá er einmitt til-
valið að bregða sér af bæ í útilegu
með góðum vinum og vandamönnum
en landið er fullt af góðum tjald-
svæðum.
Á tjald.is er hægt að finna öll skráð
tjaldsvæði landsins. Valinn er sá
landshluti sem hentar, hvort sem það
er á stikunni til vinstri eða á Íslands-
kortinu. Einnig er leitargluggi í boði
sem leiðir þig á þekktar slóðir.
Þessir leitarmöguleikar eru nú einn-
ig komnir í farsímaútgáfu á tjald.is og
því ekkert að óttast hafi menn keyrt af
stað út í óvissuna en sjái eftir öllu
saman eftir árangurslausa leit.
Innan hvers tjaldsvæðis er uppgefið
verð, leiðarlýsing, opnunartími og aðr-
ar helstu upplýsingar um svæðið. Þá er
símanúmer staðarhaldara þar að finna
ásamt heimilisfangi og netfangi.
Vefsíðan www.tjald.is
Morgunblaðið/Margrét Þóra
Úti Landið býður upp á fjölda tjaldsvæða og nú er þau öll að finna á einum stað.
Útilegunni fundinn staður
Kia Gullhringurinn var haldinn í fjórða
sinn á Laugarvatni í gær en um 700
keppendur tóku þátt í keppninni.
Þetta er langmesti fjöldi sem tekið
hefur þátt í keppninni þau fjögur ár
sem hún hefur farið fram, segir í til-
kynningu. Þau María Ögn Guðmunds-
dóttir HFR / Trek Örninn og Elvar Örn
Reynisson HFR / Trek Örninn voru sig-
urvegarar dagsins.
María Ögn, Íslandsmeistari og hjól-
reiðakona ársins 2014, er ósigruð í Kia
Gullhringnum en hún hefur unnið öll
fjögur árin sem keppnin hefur verið
haldin. María sló eigið brautarmet frá
árinu 2013 en þá hjólaði hún Gull-
hringinn á 2:59:27 en nýtt brautarmet
hennar í ár er 2:59:08.
Elvar Örn Reynisson kom fyrstur í
mark í karlaflokki á glæsilegum tíma,
2:50:44, sem er um mínútu frá fyrra
brautarmeti. Þetta er fyrsti sigur Elv-
ars í A-flokki keppninnar.
Hjólað var frá Laugarvatni að Gull-
fossi og Geysi, beygt inn á Biskups-
tungnabraut og hún hjóluð alla leið að
Þingvalla-afleggjaranum í Grímsnesi.
Þaðan var hjólað að og yfir Lyngdals-
heiði og inn á Laugarvatn aftur, sam-
tals um 106 kílómetrar. Keppendur
nutu sannarlega stórbrotinnar nátt-
úru uppsveitanna og veðurblíðunnar
og komu allir heilir í mark þrátt fyrir
nokkrar minniháttar skrámur.
Mikið var um dýrðir á Laugarvatni í
gær og boðið upp á sveitamarkað,
leiksvæði fyrir börnin, strandblaksvöll
og vatnabolta.
700 manna hjólakeppni á Laugarvatni
María Ögn og Elvar Örn unnu
Kia Gullhrings-hjólakeppnina
Skannaðu kóðann
til að fara inn á
vefsíðuna.
ER KOMINN TÍMI
Á SJÓNMÆLINGU?
Hamraborg 10 – Sími: 554 3200 – Opið: Virka daga 9.30-18
Traust og góð þjónusta í 19 ár
Úrval af nýjum
umgjörðum frá