Morgunblaðið - Sunnudagur - 12.07.2015, Síða 26

Matur
og drykkir
BANDARÍSKU SAMTÖKIN THE ENVIRONMENTAL
WORKING GROUP GEFA ÁRLEGA ÚT LISTA YFIR FIMM-
TÁN ÓMENGUÐUSTU ÁVEXTINA OG GRÆNMETIÐ. ÞETTA
ERU ÞÆR AFURÐIR SEM HELST ER HÆGT AÐ SLEPPA AÐ
KAUPA LÍFRÆNAR TIL AÐ SPARA PENING EN SKORDÝRAEITUR
MÆLIST EKKI Í ÞEIM Í TELJANDI MAGNI.
Inga Rún Sigurðardóttir ingarun@mbl.is
1. Avókadó
Grænmeti og ávextir sem eru með þykku hýði sem ekki er borðað er yfirleitt með
minna af skordýraeitri en annað af sama toga. Avókadó er með hörðu hýði og EWG
komst að því að aðeins 1% af avókadóum sem prófaðir voru innihéldu vott af skor-
dýraeitri.
2. Sykurmaís
Það eru góðar fréttir fyrir grillárstíðina sem nú rennur upp að sykurmaís hafi lent svona
hátt á listanum. Hann er bestur grillaður með smjörklípu salti og skvettu af lime-safa.
3. Ananas
Verðlaunin fyrir hversu erfitt það er að skræla ananas er að hann inniheldur lít-
ið af þessum óæskilegu efnum.
4. Hvítkál
Það er harðgert og þarf því lítinn skammt af eitri til að rækta það.
5. Strengjabaunir
Þær eru verndaðar inni í litla húsinu sínu. Það þýðir minni skemmdir af
völdum skordýra og minna eitur. Frosnar strengjabaunir voru not-
aðar í þessari rannsókn.
6. Laukur
Skordýr eru ekki mikið fyrir lauk. Laukur er meira að segja notaður með
annarri ræktun til að fæla skordýr frá. Minna eitur er því notað við ræktun
þeirra.
7. Aspas
Líkt og laukur er þetta grænmeti ekki í miklu uppáhaldi hjá skaðlegum skor-
dýrum. Góðar fréttir fyrir þá sem vilja njóta uppskerunnar frá nágrannalöndum
okkar í Evrópu um þessar mundir.
8. Mangó
Aðeins 12% líkur eru á því að safaríkt kjötið í mangó innihaldi leifar af skordýraeitri.
9. Papaja
Íslendingar borða kannski ekki mikið af papaja en það komst á listann
á eftir mangóinu. Papaja er einn af þeim ávöxtum sem er gott að borða
eftir kvöldmat því hann inniheldur ensím sem hjálpa til við meltinguna.
10. Kíví
Loðna húðin á kíví verndar ávöxtinn og má ætla að fæstir borði hýðið.
Ávöxturinn fær íslenska nafnið loðber út frá þessu sérstaka útliti.
11. Eggaldin
Eggaldin er kannski ekki með mjög þykka húð en það hjálpar samkvæmt frétt á
mamavation.com að húðin er skínandi og sleip og óæskileg efni loða síður við.
12. Greip
Þessi súri ávöxtur stóð sig vel í mælingunum en hann er frískandi milli mála
eða með morgunmatnum.
13. Kantalópa
Melónur eru með þykkt hýði sem ekki er borðað og
verndar þar af leiðandi innihaldið vel. 61% mel-
ónanna sem prófaðar voru reyndust algerlega
lausar við leifar af skordýraeitri.
14. Blómkál
Miðað við vinsældir blómkáls um þessar mundir er ágætt fyrir buddu
landsmanna að það komist á listann.
15. Sætar kartöflur
Þær komu ágætlega út á listanum hjá EWG þrátt fyrir að nýverið hafi verið aukið
það magn af eitri sem leyfilegt er að nota við ræktun sætra kartaflna í Bandaríkjunum.
SPARAÐU MEÐ ÞVÍ AÐ KAUPA ÞESSAR VÖRUR ÓLÍFRÆNAR
Getty Images/iStockphoto
Ekki lífrænt en í lagi
*Jarðarber bragðast dásamlega, ekki síst snemm-sumars þegar fyrsta uppskeran kemur í hús. Þaueru einstaklega góð bara ein og sér eða meðrjóma en svo er líka tilvalið að búa til jarðarberjaís.Það eru til margar uppskriftir sem krefjast ekki ís-vélar. Svo er líka sérstaklega gott að búa til jarð-arberja daiquiri. Áfengi er kannski ekki hollt eitt og
sér en með því að blanda jarðarberjum í drykkinn
verður útkoman örlítið hollari.
Jarðarber í ís og drykki