Morgunblaðið - Sunnudagur - 12.07.2015, Page 29

12.7. 2015 MORGUNBLAÐIÐ SUNNUDAGUR 29
Morgunblaðið/Eggert
Salatið sem
borið var fram
í veislunni var
beint úr
garðinum hjá
Birni Jóni
Sigurðssyni.
* Það var mjög mikilvægt að sýnaað við kynnum að elda og var þvímikið lagt í þetta. Við vildum sanna að
það yrði ekki hringt í Dómínós.
Vinirnir fimm frá vinstri
eru Matthías, Ingólfur,
Birnir, Adolf og Stefán.
Hér sitja þeir við hlaðborð
fjölbreyttra rétta.
Kúrbítur
með sveppum og
furuhnetum
Aðferð:
Skerið kúrbít í tvennt og svo langsum.
Steikið í ólívuolíu og stráið dágóðu dassi af
sjávarsalti yfir.
Færið yfir á disk og leggið skorinn ost á heitan
kúrbítinn. Ostur var í þessu tilviki geitaostur en
má nota annan ost.
Að lokum skal furuhnetum stráð yfir.
Sveppir settir á pönnu og steiktir þangað til
allur safinn er farinn úr og svo ristaðir enn meir
þangað til þeir eru fallega gylltir.
Sjávarsalti stráð yfir.
Aðferð:
1. Skerið laukana meðalgróft og setjið í skál, skerið því næst
hnúðkálið í litla ferninga og hellið í sama ílát. Kremjið sex hvít-
lauksrif yfir skálina of rífið sirka hálft engifer, saltið og piprið og
látið standa.
2. Takið aðra skál, skerið blaðlaukinn gróft og setjið í skál-
ina, sömuleiðis paprikurnar og chilli-piparinn, (Munið að
hreinsa hvítu fræin úr þeim frændsystkinum). Handkreistið
sirka hálfa sítrónu ásamt hálfu lime yfir skálina.
3. Takið stóra pönnu, hellið olíu ofan í og setjið á lágan hita.
Steikið risarækjurnar á pönnunni þangað til þær eru orðnar
gulbleikar. Fjarlægið rækjurnar þegar liturinn er réttur og látið
standa á diski.
4. Berið aftur olíu á botn pönnunnar og hækkið aðeins hit-
ann, hellið úr fyrstu skálinni á pönnuna og steikið í tíu mínútur.
5. Bætið seinna ílátinu við pönnuna og steikið saman í fimm
mínútur. Hrærið vel. Bætið við rauðu karríi, sirka ¾ úr 100 ml
krukkunni, setjið salt, pipar, og kreistið hálfa sítrónu og hálft
lime til viðbótar.
6. Þegar allt er orðið vel heitt bætið þið við kókosmjólkinni
og stillið á lágan hita. Rækjurnar mega koma fljótlega eftir að
mjólkinni hefur verið bætt við, skafið restina af rauða karríinu
og bætið við, kreistið þær sítrónur og lime sem þið eigið eftir,
rífið ríflega af basil-laufum til að setja ofan á þetta allt, réttur-
inn má nú malla á lágum hita eins lengi og þið viljið.
Þetta er svo borið fram með hrísgrjónum.
Ekkert er heilagt í þessari uppskrift, ekki magn grænmetis,
hvernig það er skorið né hvenær hverju er bætt við. Rétturinn
er listaverk. Þið, listamennirnir, njótið.
Grískur jógúrtréttur
fyrir 8-10 eða 5-6 svanga
200 g hafrakex ( 1 pk Haust)
80 g smjör, brætt
2 msk. hrásykur
200 g bláber
200 g jarðarber
300 g grísk jógúrt (1 dós er 250 g og
dugar alveg)
3 dl rjómi (1 peli er 2,5 dl og dugar vel)
60 g flórsykur
kanill á hnífsoddi
súkkulaðispænir til skrauts ef vill
Aðferð:
Hafrakexið mulið, gott að nota kartöflu-
stappara svo það verði ekki of fínt. Ekki setja í
matvinnsluvél, þá verður það of fínt. Bræða
smjörið og hræra smjöri og hrásykri saman
við kexmylsnuna, þrýsta svo blöndunni vel
ofan í botninn á eldföstu móti eða skál með
beinum hliðum. Látið standa í kæli ef pláss er
til.
Þeyta jógúrtið með rafmagnsþeytara og
hella rjómanum varlega saman við. Þegar
blandan byrjar að mynda mjúka toppa setur
maður flórsykur og kanil saman við. Helm-
ingnum af berjunum dreift yfir kexbotninn og
jógúrtblöndunni hellt yfir og jafnað út. Hinum
helmingnum af berjunum dreift yfir. Gott er
að láta þetta standa í ísskáp í ca. hálftíma áður
en borið er fram og þetta er ekki síðra dag-
inn eftir.
Grísk sæla