Morgunblaðið - Sunnudagur - 12.07.2015, Side 30

30 MORGUNBLAÐIÐ SUNNUDAGUR 12.7. 2015
Fjölskyldan Leikfangamarkaður verður á Bernhöftstorfu á horni Bankastrætisog Lækjargötu laugardag milli 13 og 17. Þar selja krakkar m.a. göm-
ul leikföng, bækur, föt og límonaði. Ísbíllinn mætir á staðinn og ung-
ir rithöfundar lesa upp úr bókinni Eitthvað illt á leiðinni er.
Leikfangamarkaður fyrir krakka
Krakkarnir á tálgunarnám-skeiði Árbæjarsafns vorueinbeittir á svip með hand-
bor og hnífa í hendi þegar blaða-
maður mætti á staðinn í vikunni.
Verkefnið var að búa til flugna-
spaða frá grunni. Nokkrir for-
eldrar voru líka á staðnum en ætl-
ast er til þess að börn yngri en
átta ára séu í fylgd með full-
orðnum. Námskeiðið stendur yfir
eitt síðdegi, frá 13-16 en kennari er
viskubrunnurinn Bjarni Þór Krist-
jánsson. Á námskeiðinu læra
krakkarnir réttu handbrögðin við
að tálga með hníf auk þess að læra
að bora með gamaldags handbor. Í
lok námskeiðisins er kveiktur lítill
varðeldur og fá krakkarnir að
grilla brauð á teini. Námskeiðið er
ætlað börnum á aldrinum 6-12 ára
og eru tvö á dagskrá í næstu viku,
mánudag og miðvikudag en nánari
upplýsingar er að finna á Facebo-
ok-síðu Árbæjarsafns.
„Á hverju heimili er fjöldinn all-
ur af hnífum í eldhúsinu og það er
eins gott að kunna að meðhöndla
þá. Það er ágætt að það sé einhver
utanaðkomandi sem brýni þetta
fyrir þeim. Það þýðir ekkert að
banna þeim þetta, þau fara í hníf-
ana og skera sér brauð og fleira.
Ég sé þetta fyrst og fremst sem
uppeldisatriði að umgangast þá
hluti sem eru í kringum mann í líf-
inu og meðal þeirra eru hættulegir
hlutir eins og hnífar. Besti ald-
urinn til að kenna þeim er sex til
níu ára, þá hlusta þau á mann og
taka mark á manni. Fyrir utan að
þetta er bara gleðiuppskretta að
geta búið til eitthvað,“ segir Bjarni
Þór en námskeiðið býður líka uppá
góða samverustund foreldra og
barna.
„Ég kenni þeim lokuð hnífsbrögð
þar sem hnífurinn getur ekki skor-
ið þann sem er að tálga,“ segir
Bjarni Þór en mikilvægt er að hafa
stutt hnífsblað og ýta með þuml-
inum á eftir blaðinu en ekki af öllu
afli með hendinni.
Hann segir að krakkar á þessum
aldri hafi mjög gaman af verklegri
kennslu og því að vinna í hönd-
unum. „Að búa til eittthvað sjálfur,
að láta það verða til, þá er það
þitt.“
ÖRNÁMSKEIÐ Í TÁLGUN Í ÁRBÆJARSAFNI
Gleði að búa
til sjálfur
Feðgarnir Steindór Arnar og Jón Valur leggja lokahönd á flugnaspaðann.
SUNNUDAGSBLAÐIÐ MÆTTI Á TÁLGUNARNÁMSKEIÐ
Í ÁRBÆJARSAFNI Í VIKUNNI OG FYLGDIST MEÐ BÖRN-
UNUM SKERA ÚT OG SKAPA UNDIR TRYGGRI
LEIÐSÖGN BJARNA ÞÓRS KRISTJÁNSSONAR.
Texti: Inga Rún Sigurðardóttir ingarun@mbl.is
Myndir: Árni Sæberg saeberg@mbl.is
Bjarni Þór Kristjánsson kennir
börnunum réttu handbrögðin.
Á námskeiðinu voru systurnar Jóna og
Christa með dætur sínar Írisi Hörpu 6 ára
og Töru Lovísu 7 ára, mæðginin Kristín Sif
og Þorsteinn 8 ára, feðgarnir Steindór
Arnar og Jón Valur 6 ára og bræðurnir
Ólafur 10 ára og Gabríel Óðinn 8 ára.
Gabríel Óðni finnst gaman að búa sjálfur til hluti.
Bjarni Þór kveikir
upp í kolunum.
Námskeiðið endar
á því að krakkarnir fá
að grilla brauð á teini.
Stund milli stríða,
krakkarnir finna sér
alltaf eitthvað að gera
í skemmtilegu umhverfi
Árbæjarsafns.