Morgunblaðið - Sunnudagur - 12.07.2015, Qupperneq 32

Græjur
og tækni
Lítil en þýðingarmikil breyting hjá FB
*Facebook hefur gert örlitla breytingu á síðusinni sem fæstir hafa enn áttað sig á. Breyt-ingin er mjög lítil en stór í eðli sínu. Hún erfólgin í því að myndinni eða iconinu þar semvinabeiðnir birtast hefur verið breytt hjákvenfólki. Núna er ekki lengur mynd af karl-manni með konu í bakgrunn heldur konu og
fyrir framan og í sömu stærð og karlmað-
urinn.
Sú var tíðin að Motorola-farsímar báru af fyrir útlit ogtækni, en síðan missti fyrirtækið fótanna og átti dapradaga, svo dapra að því var skipt upp og selt. Google
keypti farsímahluta Motorola, að sögn til að komast yfir
einkaleyfasafn fyrirtækisins, og seldi svo áfram til kínverska
tæknirisans Lenovo, en hönnun og þróun Motorola-farsíma
fer enn fram í Bandaríkjunum.
Á meðan Google átti Motorola tók símahönnun kipp hjá
fyrirtækinu og skyndilega urðu Motorola-símar einkar
skemmtileg apparöt og eiginlega í fremstu röð Android-síma
þegar litið var til verðs og tæknilegrar útfærslu – þeir voru
ekki flottustu símarnir, en í ljósi
þess hvað þeir voru ódýrir skák-
uðu þeir flestum. Gott dæmi um
það er Moto X-farsíminn sem kom
á markað fyrir rétt tæpum tveim-
ur árum góður sími á góðu verði
með ýmsum nýjungum í hugbún-
aði.
Moto X var uppfærður í sept-
ember síðastliðnum og skömmu
síðar birtist stóra systir, Nexus 6
– stærri en Moto X en sviplík um margt, enda er hún seld
sem Moto X Pro austur í Kína.
Eins og nafnið ber með sér er Nexus 6 í svonefndri
tækjaröð frá Google – farsímana Nexus One, sem HTC
smíðaði, Nexus S og Galaxy Nexus, sem kom úr smiðju
Samsung, og Nexus 4 og Nexus 5, sem koma frá LG, og
spjaldtölvurnar Nexus 7 frá Asus, Nexus 9 frá HTC og Nex-
us 10 frá Samsung. Alla jafna eru Nexuas-græjurnar ekki í
dýrari kantinum, en Nexus 9, sem er nýjasta spjaldtölvan,
og Nexus 6, sem hér er gerður að umtalsefni, eru heldur
dýrari, enda meira í þau lagt. Í netverslun Nýherja kostar
32 GB Nexus 6 114.900 kr., en 124.900 kr. með 64 GB.
Nexus 6 er býsna stór sími, skjárinn er næstum 6 tomm-
ur, 5,96", sem er nokkuð stærri skjár en á Samsung Galaxy
Note 4 til að mynda (sá er 5,7") og heldur stærri en á iP-
hone 6 Plus (sem er með 5,5" skjá). Mörgum mun því eflaust
finnast hann of stór, eins og mér fannst í fyrstu. 10" iPadinn
fór ofan í skúffu þegar 8" útgáfa varð til, lenti sá í skúffunni
líka þegar Nexus 7 spjaldtölva kom inn á heimilið, en á
henni hef ég ekki kveikt eftir að ég fékk síma með svo
stórum skjá í hendurnar. Honum verður seint lýst svo að
hann fari vel í hendi og það þó að maður sé með stórar
hendur. Framan af fannst mér til að mynda óþægilegt að
taka hann upp, því þó að kúpt bakið láti hann virðast þynnri
en hann er þá gerir það líka að verkum að það er erfiðara
að ná tökum á honum. Það venst þó eins og annað og það er
óneitanlega kostur að hafa bakið kúpt til að mynda þegar
síminn er tekinn upp af sléttum fleti, eins og til að mynda af
borði.
Stærðin á skjánum gerir að verkum að erfitt er að sýsla
með símann með annarri hendinni, sem einhverjum finnst
kannski vandamál, en hún er líka kostur því það er af-
skaplega þægilegt, svo ekki sé meira sagt, að vera með svo
stóran skjáflöt í lófanum – ekki síst þegar upplausnin er eins
góð og raun ber vitni. Hátalarar eru ofan og neðan við skjá-
inn, aðeins upphleyptir og algengur misskilningur hjá þeim
sem fengið hafa að handfjatla símann að þeir séu rofar. Þeir
eru aftur á móti á hægri hlið símans, fyrir straum og hljóð-
styrk. Til þess að „vekja“ símann er hægt að ýta á straum-
rofann, en hann skynjar það alla jafna þegar hann er tekinn
upp og vaknar sjálfkrafa. Það virkar ekki 100% en ekki
langt frá því.
Alla jafna er ég ekki spenntur fyrir hátölurum á símum,
ef það er eitthvað í gangi sem ég vil heyra almennilega sting
ég heyrnartólum í samband, en á Nexus 6 eru einkar góðir
hátalarara, óvenjugóðir af símahátölurum að vera. Eins og
getið er um hér að ofan, og sjá má á meðfylgjandi mynd,
eru þeir aðeins upphleyptir og safna í sig ryki, sem er óneit-
anlega mínus fyrir snyrtipinna.
Eldri gerðir af Nexus-símum hafa verið hæfilega hrað-
virkar, ef orða má það svo kurteislega, en Nexus 6 er með
2.7 GHz fjögurra kjarna Snapdragon 805 örgjörva og því
býsna hraðvirkur – samkvæmt hraðamælingum sem ég rakst
á á netinu skákar hann til að mynda Note 4 og iPhone 6
Plus í hraða.
Í sem stystu máli: Motorola stimplar sig inn með fyrirtaks
síma, glæsilegan í útliti og hraðvirkan í senn. Nexus 6 sting-
ur keppinautana af í flestu og er með hraðvirkustu símum af
þessi stærð á markaðnum. Framúrskarandi sími með frá-
bæran skjá.
HLEMMURINN FRÁ MOTOROLA
NEXUS-LÍNA GOOGLE HEFUR OFTAR EN EKKI
RUTT NÝJAR BRAUTIR Í SAMÞÆTTINGU HUG-
BÚNAÐAR OG VÉLBÚNAÐAR MEÐ TÆKJUM SEM
ERU HAGNÝT OG TRAUST ÞÓ AÐ ÞAU SÉU EKKI
ÝKJA FALLEG. NÝR SÍMI SEM MOTOROLA SMÍÐAR
FYRIR GOOGLE, NEXUS 6, SÝNIR ÞÓ AÐ SAMAN
GETUR FARIÐ GLÆSILEG HÖNNUN OG ÖFL-
UGUR VÉLBÚNAÐUR.
* Litaúrval veldur varla valkvíða – hvítt eða svart, en bak-ið er annars úr hörðu plasti. Plast og gler er svo rammað
inn með stálkanti, sem er rofinn ofan á símanum með tengi
fyrir heyrnartól og rauf fyrir SIM-kortið, en neðan á síman-
um er tengi fyrir hleðslu. Engin rauf er fyrir minniskort, en
hægt er að fá símann með 32 GB eða 64 GB.
* Myndavél er mjög góð, myndflagan 13 MP og hristivörní linsu, sem er með ljósop f2.0. Myndavél að framan er 2 MP.
Hugbúnaður í myndavélinni er endurbættur, en þó sá sami og
fylgir almennt Android 5. Á símanm er Android 5 Lollipop
þegar kveikt er á honum, en stuttu síðar er boðið upp á
uppfærslu í 5.1 og svo kom 5.1.1 í síðustu viku.
* Skjárinn á símanum er tæpar 6 tommur, 5.96" AMO-LED, og upplausnin QHD, eða 2.560 x 1.440 dílanr sem gef-
ur 493 díla á tommu. Það þarf almennilega rafhlöðu til að
keyra svo stóran skjá, enda er hún býsna stór, 3220 mAh.
Með fylgir hraðhleðslu straumbreytir og hægt að ná sex tíma
hleðslu á fimmtán mínútum.
Græjan
ÁRNI
MATTHÍASSON
Eitt af því sem forvitnilegt er við Nexus
6 er að síminn er þáttur í uppbyggingu á
svonefndu Project Fi-verkefni Google, en
Project Fi er símakerfi sem fyrirtækið
hefur komið upp. Sem stendur er það
rekið yfir net bandarísku farsímafyr-
irtækjanna Sprint og T-Mobile, en einnig
hefur Goopgle komið upp eigin sendum
og keypt aðgang að tíðnisviði vestan
hafs.
Eitt af lykilatriðum Project Fi-
farsímaþjónustunnar er hve einföld
verðskrá fyrirtækisins er: Fyrir 20 dali
(um 2.600 kr.) fær notandi ótakmark-
aðan fjölda símtala innan Bandaríkjanna
og ótakmarkaðan fjölda SMS-skilaboða
um allan heim (símtöl til annarra landa
eru ódýrari en gengur og gerist alla
jafna, en mismunandi þó eftir löndum).
Því til viðbótar kaupir notandi síðan
gagnapakka: 1 GB á mánuði kostar um
1.300 kr., 2 GB um 2.600 o.s.frv. Aðeins
er rukkað fyrir notkun, þ.e. ef gagna-
magnið er ekki allt notað þá fær notand-
inn afslátt, en ef hann fer yfir borgar
hann fyrir viðbótina á sama verði ólíkt
því sem nú tíðkast víða um heim. Banda-
rískir Project Fi-notendur greiða sama
fyrir gagnanotkun í 120 löndum utan
Bandaríkjanna, en sérstaklega fyrir sím-
töl, þó að þau séu ódýrari en hjá síma-
fyrirtækjum almennt. Samningi um þjón-
ustuna er hægt að segja upp hvenær sem
er – það er engin binding.
Annað sem er nýtt í Project Fi er það
að síminn tengist sjálfkrafa hraðasta
símaneti sem hann finnur á hverjum tíma
og skiptir á milli neta eftir því sem hon-
um sýnist best. Svo má nefna að
þeir sem hafa aðgang að þjónustunni
geta notað opin þráðlaus net víða
um Bandaríkin sér að kostn-
aðarlausu.
Sem stendur er Project Fi aðeins
aðgengilegt vestan hafs og óljóst
hvort og þá hvenær það stendur
notendum til boða utan Bandaríkj-
anna. Til þess að fá aðgang að kerf-
inu innan Bandaríkjanna þarf að skrá
sig á vefsíðu Project Fi, https://
fi.google.com/, og bíða svo eftir því
að vera boðið að slást í hópinn. Að-
gangskrafa er að vera Gmail-notandi,
búsettur í Bandaríkjunum (með
bandarískt póstnúmer) og að vera
með Nexus 6-síma, enda styður
hann öll 4G LTE-kerfi.
PROJECT FI
Nýstárlegt símafyrirtæki