Morgunblaðið - Sunnudagur - 26.07.2015, Blaðsíða 30

30 MORGUNBLAÐIÐ SUNNUDAGUR 26.7. 2015
Fjölskyldan Manstu eftir því þegar öryggisbelti voru ekki notuð eða hunsuð?Börn stóðu gjarnan í baksætinu á milli framsæta á meðan foreldrar
reyktu sígarettur. Og það mátti ekki opna gluggann af ótta við ryk-
mengun af malarvegunum. Að maður skuli hafa lifað af bernskuna.
Manstu í gamla daga?
Þú værir ekki að lesa þessagrein ef móðir þín hefði ekkiborið þig undir belti í níu
mánuði. Að fjölga sér er auðvitað
eina leiðin til að viðhalda mannkyn-
inu og er hlutskiptið foreldri það
sem flestir kjósa sér einhvern tím-
ann á lífsleiðinni. Það kemur svo
auðvitað í hlut konunnar að ganga
með og fæða barnið og eru það
vissulega forréttindi kvenna. Það er
þó ekki alltaf tekið út með sældinni.
Konur upplifa meðgönguna á mjög
mismunandi hátt. Sumar sigla í
gegnum þetta tímabil með bros á
vör en aðrar líða kvalir, bæði lík-
amlegar og andlegar.
Mýturnar um óléttu konuna
Margar mýtur um óléttu konuna
koma upp í hugann og birtast
gjarnan í kvikmyndum. Ein er sú
að konur verði algerlega galnar á
meðgöngu, sígrenjandi og öskrandi
á eiginmenn sína. Önnur mynd sem
dregin er upp í kvikmyndum er af
þessari berfættu fallegu konu í
blómakjól, rjóðri í kinnum og
strjúkandi á sér bumbuna við elda-
vélina. Þetta eru öfgarnar en á auð-
vitað við sumar konur. Hin „venju-
lega“ kona er bara að hugsa um að
lifa af þessa níu mánuði og reyna
að njóta þeirra í leiðinni. Koma
barninu í heiminn og taka við því
ábyrgðarhlutverki sem bíður ásamt
allri þeirri gleði og ást sem nýju lífi
fylgir.
Langur listi af kvillum
Meðgangan sjálf felur í sér gífur-
legar breytingar fyrir móðurina en
bæði líkami og sál verða heltekin af
þessu ferli sem það er að ganga
með barn. Mörgum konum líður vel
á meðgöngu og njóta þess að finna
fyrir litla krílinu vaxa inni í bumb-
unni. Öðrum konum líður ekki eins
vel. Þeir líkamlegu verkir og kvillar
sem geta fylgt óléttu eru fjölmarg-
ir. Margar konur fá bakverk, bjúg,
brjóstsviða, hægðatregðu, ógleði,
kláða í húð, sinadrátt, togverk í
nára, útferð, þreytu, æðahnúta og
eru sípissandi. Sumar þjást líka af
grindargliðnum sem er mjög sárs-
aukafull. Og þetta eru bara líkam-
legu kvillarnir því andlega hliðin
getur líka farið úr skorðum. Sumar
konur þjást af kvíða, áhyggjum,
þunglyndi, depurð, tilfinninga-
sveiflum, eiga erfitt með svefn og
finna fyrir almennri vanlíðan.
Stundum gott að kvarta
Það er ýmislegt lagt á konuna á
MEÐGANGA GETUR TEKIÐ Á
Er tabú að
kvarta á
meðgöngu?
ÓLÉTTUM KONUM LÍÐUR EKKI ÖLLUM VEL EN ÝMSIR
KVILLAR GETA FYLGT MEÐGÖNGU. SITT SÝNIST HVERJUM
UM HVORT KONUR MEGI KVARTA EÐA EIGI AÐ BÍTA Á
JAXLINN OG VERA ÞAKKLÁTAR.
Ásdís Ásgeirsdóttir asdis@mbl.is
Upplifun kvenna af með-
göngu er mjög ólík frá
einni konu til annarrar.
Getty Images/iStockphoto
Steinunn Edda er förðunarfræð-
ingur og býr í Kaupmannahöfn
ásamt kærasta sínum sem
stundar þar háskólanám. Hún er
nú í fæðingarorlofi en þau
hjónaleysin eiga von á sínu
fyrsta barni um miðjan sept-
ember. Steinunn skrifar reglu-
lega pistla á krom.is og birti í
síðustu viku pistil sem bar yf-
irskriftina: 31 vika af óléttu og
þetta er hætt að vera fyndið.
,,Mig langar bara að vera í
Converse-skóm!
Sökuð um vanþakklæti og
vanvirðingu
Pistillinn er skrifaður í hæðni
og gríni þó að ekki hafi allir
túlkað hann svo. Hér má lesa
brot úr pistlinum:
Ég vil bara hnerra án þess að
líða eins og ég sé ekki með
grindarbotnsvöðva og ef mig
langar út í mínum Converse-
skóm sem þarf að reima þá vil
ég geta það án þess að svitna á
efri vörinni af áreynslu eftir að
hafa prófað fimm mismunandi
stellingar til að ná niður í tærn-
ar þar sem að það er allt í einu
ofvaxin ístra að hindra það að
þú náir að leggja þig saman.
Pistillinn vakti strax hörð við-
brögð þar sem hún var sökuð
um vanþakklæti og ásökuð um
að sýna fólki sem ætti erfitt
með að eignast börn vanvirð-
ingu. „Það komu strax mjög nei-
kvæð komment frá fólki og
þessu var deilt á Facebook-
statusum þar sem þetta var
rætt þar á þráðum,“ segir Stein-
unn sem var fljót að birta af-
sökunarbréf til þeirra sem hún
hefði mögulega sært. „Þeir sem
PISTILL UM ÓLÉTTU VAKTI ATHYGLI
„Var í algjöru
sjokki“
Steinunn Edda bjóst
ekki við hörðum
viðbrögðum við
grein sinni á netinu.
Úr einkasafni.
STEINUNN EDDA STEINGRÍMSDÓTTIR Á VON Á SÍNU
FYRSTA BARNI Í SEPTEMBER. HÚN SKRIFAÐI PISTIL Á
NETIÐ UM SÍNA UPPLIFUN AF ÓLÉTTUNNI. VIÐ-
BRÖGÐIN LÉTU EKKI Á SÉR STANDA.