Morgunblaðið - Sunnudagur - 26.07.2015, Page 41

sjálf hefur gefið mér alveg feikilega mikið.
Ég þjáðist af minnimáttarkennd áður og
hún er náttúrlega alltaf til staðar, en ég
er miklu sterkari,“ segir hann.
„Fantagangan“ erfiðust
Gangan tók 32 daga. Reynir Pétur man
ekki eftir neinum erfiðleikum. „Dagarnir
voru auðvitað misjafnir og það er ekki
neitt sem ég vil kalla erfitt, það gengur
ekki. En eina göngu kalla ég fantagöngu,
þá er ég segja það af því að mörgum
hefði þótt hún of löng dagleið en það var
frá Vík og í áttina að Kirkjubæjarklaustri.
Það voru 60 kílómetrar sem ég gekk þann
daginn. Mörgum hefði þótt hún heldur
strembin ganga og ég kalla hana í gríni
fantagöngu, svona: bölvaður fantur ertu!“
segir hann og sýpur hveljur yfir tilhugs-
uninni.
Veðrið segir hann hafa verið ágætt. „Ég
fékk ágætisveður, ég fékk stundum sudda,
það var ekkert til að væla yfir. Það var
fylgdarbíll með mér og ég gat alltaf feng-
ið fleiri flíkur ef þurfti,“ segir hann.
Börnin voru besta fólkið
Tilgangur göngunnar var að safna fé til
Fjöldi manns tók á móti Reyni Pétri þegar hann lauk göngunni í júní 1985. Hann segir tilganginn ekki einungis hafa verið að safna fé heldur einn-
ig að vekja fólk til umhugsunar um stöðu fólks sem býr við einhvers konar fötlun. Einnig söfnuðust sjö milljónir til byggingar Íþróttaleikhúss.
Reynir Pétur stillir sér upp við
hliðina á „sjálfum sér“. Búið
er að setja upp nokkra papp-
írs Reyni Pétra í tilefni sýning-
arinnar en þeir blasa við frá
veginum að Sólheimum.
Úr myndasafni Sólheima
26.7. 2015 MORGUNBLAÐIÐ SUNNUDAGUR 41