Skagfirðingabók - 01.01.1999, Page 11
ÞORBERGUR ÞORSTEINSSON FRÁ SAUÐÁ
bónda og bifreiðastjóra á Laugabökkum við Skíðastaði á Neðri-
byggð. Það nýbýli byggðu þau hjónin 1947. Kona Svavars var
Sigríður Helgadóttir sterka frá Anastöðum, Björnssonar.
Þegar svo var komið högum Sigríðar Benediktsdóttur, að hún
var orðin ein með son sinn, þá kynntist hún Þorsteini frá Gil-
haga, sem hún þekkti að vísu áður sem sveitunga sinn. Þó stutt
væri liðið frá skilnaði þeirra Péturs, ákvað hún að giftast Þor-
steini.
Frá Þorsteini í Gilhaga og cettum hans
Móðir Þorsteins var Helga Indriðadóttir, fædd á Ölduhrygg í
Svartárdal 27. júlí 1857. Hún var dóttir Indriða Arnasonar
bónda á Irafelli í Svartárdal o.v., Guðmundssonar bónda á
Vindheimum, Tómassonar, og konu hans Guðrúnar Guð-
mundsdóttur bónda á Skatastöðum og síðar á Sveinsstöðum,
Þorleifssonar. Árni var albróðir Guðmundar í Fremri-Svartár-
dal, föður Sveins eldra í Bjarnastaðahlíð. Kona Indriða var Sig-
urlaug, ólærð ljósmóðir, og fórst henni það verk vel úr hendi
um árabil. Hún var fædd í Kálfárdal í Gönguskörðum 5. mars
1829, ísleifsdóttir bónda í Kálfárdal 1825—1832, Bjarnasonar.
Bjarni var þekktur bóndi í Kálfárdal 1794—1846. Faðir hans
var Jón Gíslason, síðast bóndi í Skálahnjúki 1791—1804, sem
drukknaði í júní það ár undan Tindastóli. Kona Jóns og móðir
Bjarna var Guðný Guðmundsdóttir, f. 1742, bónda á Hvalnesi
á Skaga, Jónssonar og k.h. Ingibjargar Gunnarsdóttur (Barna-
Gunnars), og var Guðný alsystir Gunnars bónda á Skíðastöðum
í Laxárdal ytri, sem var ættfaðir Skíðastaðaættar.
Æviskrá ísleifs Bjarnasonar í Kálfárdal
Isleifur Bjarnason bóndi í Kálfárdal í Gönguskörðum var fædd-
ur um 1801 í Kálfárdal, d. 27. febr. 1838 á Egg í Hegranesi.
Foreldrar: Bjarni Jónsson, bóndi í Kálfárdal og f.k.h. Guðrún
Jónsdóttir. Isleifur var albróðir Guðvarðar bónda í Kálfárdal.
9